Latifalar

Saratonning issiq kunlaridan birida akula rosa chanqapti. Plyajdagi barga kirib, muzdek pivodan to'yib ichibdi. Keyin elkasiga sochig'ini tashlab, cho'milgani dengizga o'zini otibdi.

Yigit do'stiga:
— Nima u? Uchib o'tib ketgan?
Do'sti:
— Yoz! Yoz uchib o'tib ketdi...

Bir yigit shartnoma bilan 10 yil Afrikaning chekka bir hududida ishlab kelibdi. Aeroportda uni do'stlari kutib olishibdi. Elkasida bitta maymuncha bilan do'stlarini oldiga kelibdi. Bir do'sti undan so'rabdi:
— Ho'sh do'stim, u erlar qanday ekan?
— Nimasini aytasan, juda issiq, suv yo'q, ishlash qiyin...
— Kelin masalasi-chi? Uylandingmi?
— Oziq-ovqat ham taqchil ekan.
— Uylanish masalasi qanday ekan deyapmiz?
— Do'kon ham yo'q, biron nima olmoqchi bo'lsang, 2 soat mashinada borish kerak.
— Ey, sendan ayollar haqida so'radik, - deyishsa, elkasida o'tirgan maymuncha:
— Dada, sizdan onamni so'rashyapti! – dermish.

Eshak bilan mol tortishib qolibdi.
— Men aqlliman.
— Yo'q, men aqlliman.
— Yur, odamdan so'raymiz, - debdi eshak.
Bir odamni topib so'rashibdi:
— Kim aqlli? Eshakmi yoki molmi?
Odam debdi:
— Mol katta yo'ldan o'tayotganda, avval chapga keyin o'ngga qarab o'tadi.
Eshak esa yo'ldan o'tayotganda molga o'xshab hech qaerga qaramaydi...!

Sovchilikka kelgan ayollar qizning onasiga gapirayotganmush:
— Eshitdik, qizingiz juda ozoda, saramjon, chaqqon ekan. Qo'li shirin pazanda ham emish. Chevar ham ekan-a? – debdi.
— Bir og'iz ham gapirmas, hecham charchadim demas emish – deb davom ettiribdi ikkinchisi.
Qizni onasi hamma gapni eshitib o'tirib, oxiri:
— Shundoq bizni uyimizdan sal nariroqda maishiy texnika sotadigan do'kon bor. O'sha erdan kir yuvish mashinasi, chang yutgich, gaz pechi, tikuv mashinasi, ... Shularni hammasini sotib olsangiz, hamma ishlaringiz oson bitadi! – dermish.

Bir tadbirkor yigitning sevgan qiziga aytgan so'zlari:
“Sog'lom inson yuragi nechi pul turishini bilasanmi?!
Men ahmoq sen noshukurga yuragimni “shundoq” berib o'tiribman-a!!!”.

Vrach xonasini eshigini ochib ostonada unga tirjayib turgan kishi debdi:
— Salom doktor! Kirsam bo'ladimi?
— Hozir bemorim bor... – debdi vrach.
— Men sizni yaqin do'stingizman. Besh yil avval ko'rishganmiz, esingizdami?
— Yaqin do'stlarim bilan 5 daqiqa avval ko'rishdim. Besh yil avval ko'rishgan bo'lsak, bemorim ekansiz. Navbatga turing!

— Do'stim, bu issiqlar qachon tugarkin?!
— Qishgacha tugab qolar...

Bir erkak xotini bilan kafedan ovqatlanib chiqib, ro'parasidan kelayotgan ayolni ko'ylagini ushlab o'tib ketibdi.
Buni ko'rib qolgan xotini eriga:
— Bu nimasi?! Ko'z oldimda begona ayolni ko'ylagini ushlayapsizmi?! – deb baqira ketibdi.
Eri bo'lsa:
— Vahima qilma xotin. Meni noto'g'ri tushunding. U ayolni ko'ylagini ushlaganimni sababi, yog'li qo'limni ko'ylakka artib oldim, - dermish.

— Ta'tildan qaytib kelguningcha hamma uy jihozlaring joyida ekanmi?
— Ha, bo'lmasam-chi! Hatto chiroq ham yoqilganicha turgan ekan.

<< < 474 475 476 477 478 479 480 > >>

Tavsiya qilamiz

Bosh sahifa