Latifalar

Matbuot anjumanida Krishtyano Ronaldu maqtanayotgan emish:
— Men eng zo'riman. Men eng kuchli futbolchiman. Men iste'dodman, - deyayotsa, bir jurnalist o'rnidan turib:
— Qiynalmay men – Messiman deb qo'yaqoling, - dermish.

Bir kuni qizaloq ukasidan so'rabdi:
— Asalni rus tilida nima deymiz?
Ukasi:
— Myod, - debdi.
Qizcha undan:
— Novvotni nima deymiz unda? – deb so'rabdi.
— Qattiq myod, -deb javob bergan ekan.

Radiodagi tabrikdan:
“Sevgilim Shahnozani tug'ilgan kuni bilan tabriklayman! Shahnoza senga “Ummon” guruhining “Alvido” qo'shig'i sovg'a qilaman”.

Bir davlat idorasi binosida suv quvuri teshilib qolibdi.
Darrov santexnikni chaqirtirishibdi. Erto'laga tushib tekshirib chiqqan santexnik idora rahbarlaridan biriga qarab:
— Tuzatib bo'lmaydi! Bu erda butun sistema chirib ketgan. Tag-tugi bilan almashtirish kerak! - desa, to'satdan rahbarni rangi oqarib, o'zini tashlab yuborgan ekan.

Afandi supermarketdan chiqsa, juda ko'p eshaklar turgan ekan.
O'zinikini topmoqchi bo'libdi-da, cho'ntagidan bir narsani olib tugmachani bosibdi. Bir eshak “Ia-ia...” degan ovoz chiqaribdi.

Yangi kelin-kuyov chimildiqda o'tirganmish. Kuyov barmog'idagi aylantirib o'tirgan ekan, kelinni sabri tugab:
— Siz boshqa ishni ham bilasizmi? – desa, kuyov:
— Bilaman. Uzukni narigi tarafga ham aylantira olaman - debdi.

Ikkita qo'y hayit bayramidan oldin gaplashib turishibdi:
“Uyda bo'l, dalada bo'l hayit kuni qassobxonada bo'lmasang bo'ldi!”

Institut hovlisida bir talaba imtihonga kech qolayotgan do'stini kutib turibdi. Bir payt unga qo'ng'iroq qilib debdi:
— Allo, o'rtoq qaerdasan?
— Mana-mana, institut darvozasidan kirib kelyapman...
— Uyingdan fleshkani olish yodingdan chiqmadimi ishqilib?!
— Voy do'stim, yaxshi-yam eslatding. Hozir ovolaman.

Bir kuni qo'ylar yig'ilishib, podachini yoniga borib deyishibdi:
— Biz bo'rilar bilan shartnoma tuzmasak bo'lmaydimi? Qachongacha shu ahvol! Bir vakil tanlab bo'rilarni oldiga jo'natamiz. Nima qilsak ularni qorni to'q bo'ladi-yu, biz tinch bo'lamiz!
Hullas vakil qo'y bo'rilarga borsa, bo'rilar yig'ilib turganmish.
Bo'yilardan biri vakil qo'yni gaplarini eshitib bo'lib, debdi:
— Agar har kuni bitta qo'y o'z oyog'i bilan shunaqa kelib tursa, muammo hal!

Bir ayolni uyiga dugonasi mehmonga kelibdi.
Haliga ayol kichkina o'g'liga:
— Bolam, xolajoningni o'pib qo'ymaysanmi? – desa, bolakay:
— Yo'q, - debdi.
— Nega o'g'lim? – deb so'rabdi onasi.
Bolakay:
— Hozir adam o'pib qo'ygan edilar, xoladan shapaloq eb oldilar, - dermish.

<< < 477 478 479 480 481 482 483 > >>

Tavsiya qilamiz

Bosh sahifa