Latifalar

Vrach bemorga dedi:
— Sizning kasallik varaqangizni ko'zdan kechirib, qo'rqib ketdim.
— Nega? Yomon dardga chalinibmanmi?
— Undan ham battar!
Bemor hushdan ketib yiqila boshlagandi, vrach qo'shib qo'ydi:
— O'zingizni bosing! Siz yashaydigan tumandagi bemorlarga bizning poliklinika xizmat ko'rsatmas ekan, xolos.

Bir erkak bozorda aylanib yursa, qari otaxon qog'ozga o'ralgan bir narsa sotib o'tirgan ekan.
Erkak qiziqib so'rabdi:
— Otaxon, nima sotyapsiz?
— Perforator. Ko'rasanmi? – deb qog'ozni ochsa, ichidan katta miltiq chiqibdi.
Erkak hayratda:
— Otaxon, axir bu miltiq-ku!? – desa, otaxon:
— Bilmasam bolam... Lekin asfaltni yaxshi teshar ekan, - dermish.

Harbiy xizmat o'tash uchun chaqiruvga kelgan yigitlar tibbiy ko'rikdan o'tmoqda.
Vrach:
— Kimni navbati, kiring! Stulga o'tiring! Bo'ldi! Xizmatga yaroqli!
Stuldan turgan yigit hayron bo'lib:
— Qanaqasiga? Sog'ligimni tekshirib ham ko'rmadingiz-ku?! – debdi.
Vrach:
— Gapimni eshitding – quloqlaring sog'lom. Stulni ko'rding – ko'zlaring ham sog'lom. Teskari o'girib qo'ygan stulimni o'ngini qilib o'tirishga aqling ham etdi. Demak, soppa-sog'san! – dermish.

Juda qalin dugonalar suhbatlashmoqda:
— Bilasanmi, erim meni “Quyoncham” deb chaqira boshladi.
— Axir bu zo'r-ku!
— Nimasi zo'r?! Erim ismimni unutib qo'yganga o'xshaydi....!

Bir ayol shifokor yoniga kelib debdi:
— Doktor menga yordamingiz kerak!
— Nima shikoyatingiz bor?
— To'ydan keyin ko'zim umuman pullarni ko'rmaydigan bo'lib qoldi...

Erim qafasdagi konoreykalarga don, suvdan tashqari olma, banan, qulupnay, qizil sabzi, qaynatilgan tuxum beradi. Yomg'ir yoqqanida qafasni issiqqina uyga olib kiradi. Havo yaxshi bo'lsa qafasni hovlining eng bahavo joyiga iladi.
Shu qushlarga aylanib qolgim kelyapti...!

Marshrutkada bir yigit qo'l telefonida gaplashib ketmoqda:
“Og'ayni gapni eshit! Meni hisobimdan 200 million olasan-da, qurilish mollari xarid qilasan. Yangi imorat qurilishini ham boshlayver! Aksiyalarni birjaga qo'yasan. Foyda olishni boshlagach, ...” deb gapirayotsa, hamma yo'lovchilarning ko'zi chiqayozay deb qarab turishganmush. Yigit ularni ko'rib debdi:
“Hayron bo'lmanglar! Do'stim komp'yuteriga yangi o'yin o'rnatibdi. O'yin qoidalarini tushuntirib beryapman”.

Tiqilinch avtobusda Abdusattor shimining cho'ntagidan pul olish uchun o'rnidan turib-o'tirgan edi, tik turib ketayotgan 18 yo'lovchini hayajonlantirib yubordi.

Bir yigit mashina haydab ketayotsa, YPH xodimi to'xtatib debdi:
— Hurmatli haydovchi, hujjatlaringizni taqdim etsangiz.
Haydovchi yigit:
— Meni kimligimni bilasizmi? – debdi mashinada o'tirgan holda kerilib.
YPH xodimi:
— Yo'q, bilmayman. Hujjatlaringizni taqdim etsangiz... – debdi yana.
— Qo'chqorov degan odamni taniysizmi?! – debdi haydovchi.
— Ha, taniyman, - debdi YPH xodimi.
Haydovchi:
— Men o'shani o'g'li bo'laman, - desa, YPH xodimi:
— Ie, Qo'chqorov menman-ku! Bu yoqqa tushchi o'g'lim. Nega seni avval hech ko'rmaganman?! – dermish.

Maktabda biologiya o'qituvchisi darsni o'quvchilarga tushuntirmoqda:
— Mana qaranglar! Bir stakan aroqqa chuvalchangni solsak, u halok bo'ladi. Aytinglar-chi, aroq inson organizmiga qanday ta'sir qilar ekan?
O'quvchilar:
— Demak, inson aroq ichsa, ichidagi hamma gijjalar o'lar ekan...

<< < 486 487 488 489 490 491 492 > >>

Tavsiya qilamiz

Bosh sahifa