Latifalar

Zargarlik do'koniga kirgan yigit soatlarga qarab tursa, sotuvchi qiz kelib debdi:
— Hurmatli mijoz, sizni omadingiz bor ekan. Bizda ayollar ziraklariga chegirmalar boshlandi. Sevgan qizingizga arzon narxlarda zirak sotib olishingiz mumkin.
Yigit xafa bo'lib:
— Sevgan qizim yo'q meni, - debdi.
Sotuvchi yana:
— Qanaqasiga?! Shunday kelishgan yigitni sevgan qizi bo'lmasa?! Nega axir? – desa, yigit yana xafa bo'lib:
— Xotinim ruxsat bermayapti, - dermish.

Tez yordamga qo'ng'iroq. Ayol kishi:
— Allo, tezoq etib keling. O'g'lim suvarak eb qo'ydi.
— Hechqisi yo'q! Ko'ngli behuzur bo'lib, chiqarib yuboradi.
— Men o'g'limga “Suvarakka qarshi dori”ni ichirgan edim...
— Tez manzilni ayting! Yo'lga chiqyapmiz!

Bir kun ustoz Sevaradan so'radi:
— Vatan nima?
— Vatan bu mening onam...
— O'tir yaxshi. Shahzoda tur! Vatan nima?
— Vatan Sevaraning onasi.

Dushanba kuni ertalab hamkasblarning ishxonadagi suhbati:
— Do'stim, chin so'zim, boshqa ichmayman, bo'ldi!
— Nahotki. Nimadir bo'ldimi?
— Juma kuni ishdan uyga qaytdim. Qarasam, rosa charchabman. Shkafda berkitib qo'ygan bir shisha aroqni olib ichdim-da, uxlashga kirib ketdim.
Ertasi kuni ko'chaga chiqsam, hamma gapiryapti. Nima emish?! Kecha kechasi bilan butun mahallani uxlatmay, ko'chada baqir-chaqir qilganmishman. Bo'lishi mumkinmas do'stim. Uxlashga yotganim aniq esimda...

Ayollarning eng yaxshi ko'rgan narsasi - ...?
5 ta harf. Birinchi va oxirgi harfi “q”.
Ikkinchi harfi “o'”.
Bu – qo'shiq.

Xotin erini do'konga jo'natayotib tayinlabdi:
— 1 ta buxanka non olingda, tuxumni so'rang. Bor bo'lsa, 10 ta oling!
Eri do'konga kirib sotuvchiga debdi:
— 1 ta buxanka bering. Tuxum bormi?
— Bor, - debdi sotuvchi.
— Unda 10 ta buxanka berasiz, - dermish eri.

Bir kuni kechasi afandi uyda o'tirsa, qo'shni xonadan shovqin eshitilibdi.
Afandi devorda ilinib turgan miltig'ini sekin olib xonaga kirsa, ro'parasida qop-qora narsa turganmish.
Afandi “paq” etib otibdi. Haligi narsa baribir shundoq turganmish.
Sekin borib qarasa, o'zini choponi ekan. Shunda afandi:
— Yaxshiyam ichida o'zim yo'qligim. Bo'lmasa, o'zimni otib qo'yardim, - dermish.

— Allo, ustaxonami?
— Ha, labbay?
— Telefonimni ta'mirlashga berib ketgan edim.
— Hali ta'mirlab bo'lmagandik...
— Bo'pqoldimi o'zi?!
— Endi boshlaymiz.

Ota o'g'liga debdi:
— O'g'lim, qo'shni xonadan paypog'imni olib chiqgin.
O'g'li “Xo'p” deb qo'shni xonaga kirsa, opasi o'tirgan ekan.
Bolani sho'xligi tutib opasiga debdi:
— Adam aytdilar-ki, qulog'ingizni “burab” qo'yar ekanman...
Opasi:
— Nima deyapsan? Tentakmisan?! Bo'lishi mumkinmas!
Bola otasi tomonga qarab baqaribdi:
— Ada, o'nginimi yo chap tarafinimi?
Hech narsadan bexabar otasi:
— Ikkalasini ham! – dermish.

Bir ayol shifokorga kelib shikoyat qilibdi:
— Erim tuni bilan uyqusida gapirib chiqyapti.
Shifokor:
— Xavotir olmang! Bir dorini yozib beraman. Shundan ichiring, gapirmay uxlaydi.
Ayol:
— Yo'q doktor! Erimga gaplarini aniq gapiradigan doridan yozib beraqoling...

<< < 488 489 490 491 492 493 494 > >>

Tavsiya qilamiz

Bosh sahifa