Latifalar

Mayor askarlarga:
— Qazigan transheyangiz bir pulga qimmat! O'pirilib tushganidan komandirning xabari bormi? – desa, askarlar:
— Hozircha yo'q, o'rtoq mayor. Avval uni qazib chiqaraylik, albatta aytamiz, - deyishibdi.

Bir kun ustoz Sevaradan sӯradi:
— Vatan nima?
— Vatan bu mening onam...
— Ӯtir yaxshi. Shahzoda tur! Vatan nima?
— Vatan Sevaraning onasi.

Gazeta sotuvchisi:
— Kelinglar, gazetadan olinglar! Gazetamizning yangi soni, 100 kishining aldanganligi...
Xaridor kelib:
— Menga bitta gazeta bering.
Sotuvchi yana:
— Kelaqolinglar, gazetadan olib qolinglar... Gazetamizning yangi soni, 101 kishining aldanganligi...

Mashhur folbin bir shaharga mehmon bo'lib kelibdi. Yo'lni bilmay tursa, yonidan bir kishi o'tib qolibdi. Shunda folbin:
— Hoy og'ayni, yo'lni bilmay turibman, aytib bera olmaysizmi? – desa, haligi kishi yo'lni ko'rsatib yuboribdi.
Shunda folbin:
— Yaxshiligingizga men ham yaxshilik bilan javob qaytarmoqchiman. Men falon yurtning mashhur folbiniman. Keling, sizga ham bir fol ochib kelajagingizni aniq aytib beray, - debdi.
Shunda haligi kishi javob beribdi:
— O'zini yo'lini bilmagan odam, meni kelajagimni qaerdan bilardingiz!?

Sud zalida shovqin va tartibsizlik boshlanib ketibdi. Ishtirokchilarning baland ovozda gapirishi, norozi ohanglar sud'yani jahlini chiqarib yuboribdi. Sud'ya stoldagi bolg'achasini urib:
— Tinchlik saqlansin! Kim shovqin solsa, yoki baqirsa zaldan chiqarib yuboraman! – desa, sud ayblanuvchi o'rnidan turib baqira boshlabdi.

Nega ko'pchilik onalar instagramda farzandlarini yuzlarini berkitib qo'yishadi-yu, kinozalga kirganda og'zilari berkita olishmaydi.

Ishdan g'amgin qaytgan eridan xotini so'rabdi:
— Nima bo'ldi?
— Bilasanmi, bugun qanaqa kun? – debdi eri.
— Yo'q, - hayron bo'lib javob beribdi xotin.
— Bundan 20 yil avval, maktabda o'qib yurgan paytlarimiz... Ikkalamiz otangni qimmatbaho mashinasini haydab ketib, urib olganmiz. Pachoq bo'lgan mashinasini ko'rgan otang “yoki mashinamni pulini har oyda falon so'mdan to'lab borasan yoki shu qizimga uylanasan” degandilar... – debdi eri.
Xotini yana tushunmay:
— Ho'sh, nima bo'pti. Nega shu voqeani bugun eslayapsiz? – desa, eri afsus bilan:
— Agar o'shanda otangni birinchi shartiga rozi bo'lganimda, bugun mashinani puli to'lab qutulgan bo'lardim! – dermish.

Kriminal xabar.
Man'yak hujum qilgan qiz shoshganidan, uning yuziga sumkasidagi gaz ballonchasi o'rniga "Shanel' no 5" atiridan sepib yubordi. Jahl bilan "Ablah! 150 dollar turadi-ya, bu atir!" deb man'yakni sumkachasi bilan urib, do'pposlab, chalajon qilib qo'ydi...

— Qalaysan do'stim?
— Yaxshi o'zingchi?
— Zo'r! Sen Munisa Rizaevani taniysanmi?
— U meni taniydimi???

Do'konga sotuvchi bo'lib ishga kirgan yosh yigit xaridorlarga xizmat ko'rsatyapti:
— Sizda oqartiruvchi upa bormi? – debdi bir yosh juvon.
— Yo'q. Lekin bizda ohak bor. Olasizmi? - debdi yigit.
Jahli chiqqan juvon do'konni boshiga ko'tarib shovqin sola boshlabdi.
Darrov etib kelgan do'kon mudiri nima gap ekanini so'rabdi.
— Manavi surbet sotuvchingiz menga oqartiruvchi upa o'rniga ohak tavsiya qildi, - debdi juvon.
Shunda yigit do'kon mudiriga qarab:
— Axir o'zingiz aytgandingiz, xaridor so'ragan narsa bo'lmasa, o'rniga shunga o'xshash boshqa narsa tavsiya qilgin! Xaridor bo'sh qo'l bilan chiqib ketmasin degandingiz-ku... – dermish.

<< < 489 490 491 492 493 494 495 > >>

Tavsiya qilamiz

Bosh sahifa