Latifalar

Oyisi o'g'lini urushyabdi.
— Menga qara, yap-yangi shim bilan, shunday balchiq, loy ko'lmakka yiqildingmi?
— Oyijon, shunaqangi katta tezlik bilan yiqildim-ki, hatto shimimni ham echib olishga ulgurmadim.

— Aytishlaricha, hamshirani oxirgi marta siz bilan birga ko'rishgan ekan?
— Qaerda?... Axir bu tuhmat! Sakson yoshli, buning ustiga, skleroz kasalidan aziyat chekayotgan keksa professorni haqorat qilish yaxshimas!...
— Mehmonxonada deganim yo'q, hayvonot bog'ida. Ya'ni siz filni operasiya qilgan kuni...
— Esim qursin! Aytdim-a, filning qornini tikayotganimda ichkarida nimadir qolib ketdi, deb...

Bir kuni Afandi go'sht olib keldi. Xotini undan so'radi:
— Nima ovqat qilay?
— Bilmayman, bu qanaqa ovqatga yarasa, o'shani qila ber!
Xotini go'shtni qo'liga olar ekan suyunib:
— Qo'y go'shti yaxshi narsa-da, undan hamma narsani pishirish mumkin,— dedi.
— Unday bo'lsa,— dedi Afandi,— hamma narsani pishira ber!

Afandi bir kuni kechasi qabriston yonidan o'tib ketayotgan edi, qarshidan bir to'da otliqlar chiqib qoldi. Afandi ularni o'g'ri gumon qilib, bir ochiq go'r ichiga kirib berkindi. Otliqlar buni payqab Afandini o'g'ri deb o'ylashdi, go'rning tepasiga kelib:
— Sen kimsan?—deyishdi.
— Murdaman,— dedi Afandi.
— Murda bo'lsang kechasi nima qilib yuribsan?
— Tomosha qilib yuribman.
— O'lik ham tomosha qilib yuradimi?
— Rost aytasizlar, men xato qilibman,— dedi Afandi va yana go'r ichiga kirib ketdi.

Bir kuni Afandi dadasiga:
— Dada 4 so'm bering, - debdi.
Dadasi:
— Bolam 3 so'mni nima qilasan? 2 so'm beray, deb 1 so'm berib qo'yibdi.

Restoran direktori ofisiantga dedi:
— Mijozlar bilan hech qachon tortishmang, ular hamisha haq bo'lishadi.
— Tushunarli, ammo u mijoz sizni ...tentak deb aytdi—da!

— Yigit,— dedi Afandi qo'lida ishlaydigan xodimlardan biriga,— ustingdan shikoyat tushdi, seni ko'p xotinlikda ayblashibdi.
— Tuhmat, kim yozibdi? — ko'zini olaytirdi xodim.
— Xotining.
— Qaysi biri? — deb yuborganini bilmay qoldi xodim.

Bir kuni doktordan so'rashibdi:
— Nega hozirgi bolalar nervny bo'lib tug'ilishayapti?
Doktor:
— Hozirgi bolalar onasini qornida:
3 oylik bo'lguncha: — Meni abort qildirarmikin yo'qmi?, - deb o'ylanishadi.
6 oylik bo'lguncha: — Dadam oyimga uylanarmikan?, - deb o'ylanib xavotirlanishadi.
9 oylik bo'lguncha esa: — 1 oylik stipendiyaga 3 kishi qanday yashaymiz?, - deb nervny bo'lishadi

Ikkita yangi boy uchinchi yangi boyni qo'ltig'idan ushlab olib ketyapti. Bir yo'lovchi ularga qarab:
— Nega buni qo'ltig'idan etaklab oldinglar? Mastmikan, ko'p ichvoribdimi, - desa.
Boylar:
— Yo'g'e, buni mashinasi remontda, hecham piyoda yurmagan, yurishni o'rgatyapmiz, - dermish

Nikoh - shunday voqeaki, undan so'ng erkak gul sotib olishni to'xtatib, oziq-ovqat sotib olishni boshlaydi.

<< < 513 514 515 516 517 518 519 > >>

Tavsiya qilamiz

Bosh sahifa