Latifalar

Jinnixonadagi vrachlar jinnilar endigacha davolangandir, deb o'ylab hamma jinnilarni yig'ibdi.
Bitta jinni gazetani ustiga o'tiribdi. Vrachlar kelib jinnidan:
— Nimaga bunday o'tiribsan, - desa.
Jinni:
— Boshqalardan baland o'tiray deb, - deganmish

Shifokorlar xonasida jarrohlar choy ichib suhbatlashib o'tirishgan edi. To'satdan xonaga yosh jarroh hovliqib kirib keldi:
— Iltimos, yordamlashvoringlar! Operasiya xonasida bemorning qornini yorib qo'ydim, endi u yog'ini nima qilishni bilmayapman.

Hasan Husan egizaklar bor ekan. Hasan onasini ko'proq emarkan va Husandan onasini sutini qizg'anarkan. Bir kuni undan qutilmoqchi bo'libdi va onasinining ko'kragiga zahar surtib qo'yibdi. Ertalab hursand bo'lib qarasa, dadasi o'lib yotganmish.

O'g'li onasiga:
— Oyi nimaga mani "cherny" ga qo'shib qo'ydiz?
— Eee, o'g'lim sendan har hil spam kelayapti—da...
— Qanaqa spam?
— «Menga Paynet'dan 10 ming tashavoring», «Kinoga 20 ming berib turing»...

Ikki talaba och qoringa sigaret chekib o'tirsa, qovurilgan go'shtning hidi kelibdi.
Birinchi talaba:
— Ana kimdir go'sht qovuryapti, - desa.
Ikkinchi talaba:
— Qanaqa go'sht, mani sigaretimga pashsha qo'ndi, - dermish.

Domla talabalarga dedi:
— Kim o'zini ahmoqman desa o'rnidan tursin.
Hech kim o'rnidan turmaganidan keyin ancha vaqt o'tib Turdiev sekin turdi.
Shunda domla:
— Ha Turdiev, tik turding, ahmoqmisan?
— Yo'q domla. Bitta o'zingiz turganingiz uchun menga noqulay bo'ldi...

Bir odam sahroda chanqab, zo'rg'a ketayotsa, uzoqdan bayroq ko'rinibdi. Xursand bo'lib, qarasa bir savdogar, galstuk-bo'yinboq sotib turganmish:
— Ey, oshna suv ber hozir o'lib qolaman, - desa.
Savdogar:
— Menda suv yo'q, galstuk olmaysanmi?, - dermish.
— Galstugingni boshimga uramanmi? Suv ber, iltimos.
— Menda suv yo'q! Xohlasang, anavi tepalik orqasida akamning oshxonasi bor, - deb o'sha erga jo'natibdi.
Haligi odam bir soat o'tgach, qaytib kelib:
— Ey, iflos galstuging necha pul o'zi? Akang galstukingsiz oshxonaga kiritmas ekan-ku...

Bir yigit avtobusga chiqibdi. Qarasa, yonida ketvorgan bir qiz turganmish. Yigit qizga mahliyo bo'lib qolibdi.
Bir payt qiz:
— Salom! — debdi. Yigit ham shosha-pisha alik olibdi.
Qiz:
— Ishlar yaxshimi?
Yigit:
— Rahmat, o'zingiz tinchmisiz?
Qiz:
— Men ham yaxshi. Nima qilyapsiz?
Yigit:
— Uyga ketyapman.
Qiz:
— Kechqurun bo'shmisiz? Agar bo'sh bo'lsangiz kinoga borardik!
Yigit:
— Ha, bo'shman!
Qiz:
— Unda kechki 18:00da qo'ng'iroq qiling!
Yigit:
— Ho'p bo'ladi! Raqamingizni ayting! — desa, qiz indamasmish.
Yigit yana:
— Raqamingizni ayting! - deb qizni turtsa.
Qiz qulog'idan naushnikni chiqarib:
— Tinchlikmi aka? Nega turtasiz? — dermish.

2ta student qiz suhbatidan:
— Nodii, anavi bola meni yana uchrashuvga taklif qilyapti.
— Chiqaver!
— Shu, bola biroz yoqmayapti-da
— Chiqaver, bola yoqmasa yoqmas. Zato qorningni to'yg'azib kelasan!

Soliq inspektori yangi boylardan biridan so'rabdi:
— Maoshingiz haminqadar bo'lsa, bunday hashamatli villa qurish uchun pulni qaerdan olgansiz?
Boy:
— Kunlarning birida baliq oviga bordim va tilla baliqcha tutib oldim. Undan ana shunday dabdabali uy qurib berishni tilagan edim.
Soliq inspektori:
— Shuyam gap bo'ldimi? Meni ishonadi, deb o'ylayapsizmi?
Boy:
— Ishonmaysizmi? Ketdik, villamni ko'rsataman!

<< < 515 516 517 518 519 520 521 > >>

Tavsiya qilamiz

Bosh sahifa