Bir odamning uyiga mehmon kelibdi. Bir oz suhbatlashishgandan so'ng mehmon uy egasidan so'rabdi: — Nega itingiz menga hadeb irrilayapti? Uy egasi: — Idishida ovqat eganlarni yoqtirmaydi.
Kuz, kunlar sovigan Afandini o'g'li do'konga kirib sotuvchidan: — Amaki bitta qaynoq muzqaymoq bering - debdi.
Bayram arafasida er xotiniga tinmay tirjaya boshladi: — Dadasi, nima gap, namuncha menga qarab tirjayasiz? — E, xotin! Kecha televizorda "Agar xotiningizga bayramga sovg'a sotib ololmasangiz, tabassum qiling", deyishdi.
5 yashar bola 1,5 yashar ukasiga nimadir deb savol berdi. Ukasi hali go'dak emasmi, o'zicha nimadir deb g'o'ng'ir-g'o'ng'ir, deb qo'ydi. Shunda 5 yashar bola ularni mehr bilan kuzatib turgan onasiga: — Oyi, buniz tochniy o'zbekmi, - debdi.
Tort pishiruvchi qiz dugonasiga: — Doktorlarga hayron qolamanda, dugonajon. — Nimaga bunaqa deyabsan? — O'tgan hafta ko'z doktorini tug'ilgan kuni deb, ko'z shaklidagi tort zakaz qilishgandi, bugun roddomni bosh vrachi bo'lmish akusher ginekologni yubileyi ekan... Tortmisan-tort bo'ldi-da!
Ingliz tilidan birinchi dars. O'qituvchi: — Bolalar, kim inglizcha harflarni yoddan biladi? Eshmat (kichkina dasturchi): — Men! — Qani, tartib bilan aytchi?! — Q, W, E, R, T, Y
Afandidan so'radilar: — Osmonda qancha yulduz borligini balki siz bilarsiz? — Ochig'ini aytsam, men ham shuni bilishni istayman. Anchadan beri sanamoqchi bo'lib yuribmanu, lekin imkoni bo'lmayapti. — Nega imkoni bo'lmaydi? — Yulduzlarni erdan turib sanab bo'lmaydi, osmonga chiqish kerak. Lekin bunga kunduzi vaqtim yo'q. Kechasi bo'lsa, osmonga chiqib qorong'ida adashib ketishdan qo'rqaman.
— Azizim, 8 martga senga nima sovg'a qilay? — Hmm, bilmaasam... — Unday bo'lsa, o'ylashinga yana bir yil muhlat beraman.
Muallim o'quvchilarni ogohlantiryapti. — Bolalar, hech qachon jonivorlarni o'pmang! Bu turli kasalliklarga sabab bo'lishi mumkin. Eshmat shunga misol keltir! — Xolam, qachon qarasa to'tiqushini o'pib erkalardi. — Keyin nima bo'ldi? — To'tiqush aqldan ozdi.
— Bizning korxonamizda faqatgina kerakli kadrlar faoliyat yuritishi kerak, - deb ta'kidladi «Qo'ng'iroqcha» fermasining ma'naviyat ishlari bo'yicha direktor o'rinbosari yordamchisi ish yurutuvchisining kichik 3-razryadli kichik referent-kotibi.
Tush.UZ - Tushlar tabiri