Latifalar

Psixolog mijozga:
— Eng yomon ko'rgan odamingizga xat yozib, uni yoqib yuboring.
Mijoz:
— Xo'p bo'ladi. Xatni-chi, xatni nima qilay?

Yigit:
— Sevgilim, sizni uchratgan kunimdan beri na ovqat eyman va na suv ichaman...
Qiz xursand bo'lib:
— Nahotki, meni shunchalik qattik sevib qolgan bo'lsangiz?
— Yug'-a. Shunchaki o'zimga pul ortmayapti!

Bolasini olib ketish uchun bog'chaga kelgan ona tarbiyachi o'rindiqda uxlab yotganini, bolalar esa maydonchada bir o'zlari telefon o'ynab o'tirishganini ko'rib jahli chiqib ketibdi. Tarbiyachini tepasiga borib baland ovozda:
— Bu nimasi? Hamma bolalar qochib ketishadi-ku, - desa,
Tarbiyachi:
— Tinchlaning, hech qayoqqa ketishmaydi. Chunki Wi-Fi faqat maydonchani ichida ishlaydi, - dermish.

Er rosa ichib, kayfda uyga keldi. Xotiniga mastligini bildirmayman deb harakat qilibdi. Xotin buni sezib gap boshladi:
— Dadasi rosa ichibsiz-a?
— Hechamda, bir gramm ham ichmadim.
— Bekorlarni aytibsiz, rosa ichgansiz!
— O'lay agar ichmadim!
— Qani unda "Qishda kishmish pishmasmish, kishmish pishsa qishmasmish" dengchi!
— Qishda pishmish qishmasmish, pishmish qishsa pishmasmish... E bor-e, rosa bo'kib ichdim.

Ikki dugona gaplashyapti:
— E dugonajon, anchadan beri tobim yo'q. Juda mazam qochyapti-da. O'tib ketarmikin-a?
— O'tib ketadi. O'tgan yili yon qo'shnim huddi sizga o'xshab yurgan edi. O'tib ketdi rahmatli.

Haydovchi avtomobilda ketayotib, xavfli burilishga yaqinlashib qolibdi.
— Qarachi, yon tomonda mashina yo'qmi, - debdi yonidagi sherigiga.
— Yo'q, haydayvering, - debdi.
Bir payt avtomobilga "qars" etib motosikl urilibdi.
Haydovchi:
— Axir senga qara degandimku!
— Siz mashina yo'qmi degandingiz...

Bir kishi bozordan sotib olgan to'tiqushini gapirishga o'rgatyapti:
Kishi:
— Men yurishni bilaman.
To'ti:
— Men yurishni bilaman.
Kishi:
— Men gapirishni bilaman.
To'ti:
— Men gapirishni bilaman.
Kishi:
— Men ucha olaman.
To'ti:
— Aldama!

Institutda fizikadan imtihon bo'lmokda. Professorning kayfiyati juda yomon, hamma talabalarni imtihondan birma-bir yiqita boshlabdi. Birinchi kirgan talabadan professor so'rabdi:
— Faraz qilaylik, siz avtobusda ketayapsiz. Kun rosa isib ketdi. Nima qilasiz?
— Men avtobus oynasini ochaman...
— Juda yaxshi. Oyna ochilishi natijasida avtobus aerodinamikasi qanchaga o'zgarishini hisoblang.
Talaba javob bera olmabdi.
— Boring, "ikki"!
Huddi shu tahlit yana bir nechta talaba imtihondan "yiqilibdi". Navbat go'zal talaba qizga kelibdi.
— Qizim, masalan, avtobusda ketayotganingizda havo isib ketsa nima qilasiz?
— Men-mi? Men... koftamni echaman.
— Siz tushunmadingiz. Havo rosa kuydirayotgan bo'lsa nima qilasiz, demokchiman.
— Undami? Bluzkamni ham echaman.
— Jazirama rosa qovurayotgan bo'lsa-chi?
— Yubkamni ham echaman.
— Ie, qanakasiga?, - debdi lol qolgan professor.
— Shunakasiga! Butunlay yalang'och qolsam ham, oynani ochmayman professor!

Bir o'zbek Fransiyaga boribdi. Eyfel' minorasiga qarab tursa, fransuz yigit o'tib ketayotgan ekan. Uni to'xtatib so'rabdi:
— Bu minorani qancha vaqtda qurishgan?
— Bir oyda, - debdi fransuz.
O'zbek, - bu yigit meni aldadi, - deb ishonmabdi.
Keyin o'sha fransuz O'zbekistonga kelibdi. U Registonga kelib, haligi o'zbekni uchratibdi va undan so'rabdi:
— Bu imoratlarni qancha vaqtda qurishgan?, - desa,
— Hozir kelayotganimda yo'g'idi, - dermish o'zbek.

22:00 — Azizim senga nima muhimroq? Menmi yoki futbolmi?
23:50 — Albatta sen muhimsan...

<< < 625 626 627 628 629 630 631 > >>

Tavsiya qilamiz

Bosh sahifa