Latifalar

Bir kuni o'lmas kashshey o'rmonga qo'ziqorin terishga chiqibdi. Terib bo'lguncha, hamma kakkularning ovozi bo'g'ilib qolibdi...

Bankomat yoniga bir ayol o'g'li bilan keldi.
— Hozir pul olib, ikkalamiz do'konga boramiz, - dedi ona va bankomatga plastik kartochkasini qo'yib, u erdan pul oldi.
Buni ko'rgan bola hayratlanib onasiga:
— Oyi, buni ichida dadam o'tiribdilarmi?, - dermish...

Bir erkakning ikkita xotini bor ekan. Ammo ikkala xotini ham bu haqda mutlaqo bexabar ekan. Bir kuni o'sha odam ikkala xotinini ham birga, bitta joyga dam olishga yuboribdi. Dam olishga borgan ayollar hech narsadan bexabar, bir-birlari bilan yaqin dugona bo'lib qolishibdi, birga suratlarga tushibdi. Dam olishdan qaytgach, eri birinchi xotinini oldiga borib:
— Xo'sh, qanday dam olding, kimlar bilan tanishding, - deb so'rabdi.
Shunda xotini:
— Mazza qilib dam oldim. Bir ayol bilan tanishdim, - deb erining ikkinchi xotinini rasmini ko'rsatibdi. - Lekin judayam engiltak ayol ekan, har kuni har-xil erkaklar bilan yurdi-ya, - debdi.
Ertasi kuni ikkinchi xotinini oldiga borgan er, u ayoldan ham gapirib berishini so'rasa:
— Adasi manavi rasmdagi ayolni qarang. Judayam yaxshi ayol ekan. Dam olishga eri bilan kelib, eri bilan ketdi, - degan ekan.

Bu yil yozda dengizga bormoqchiman. Meni an'anam o'zi shunaqa - har yili yozda dengizga borishni orzu qilish!

Operator qizga qo'ng'iroq bo'lmoqda:
— Allo, yaxshi qiz, menga SMSlar etib kelmayapti.
Operator:
— Fikringizni to'plang, chalg'imasdan yana bir martta o'qib ko'ring-chi...

Chiroyli bir ofisiant qiz restoranda xo'randaga xizmat ko'rsatmoqda. Ovqatlanib bo'lgach, u hisobni keltiribdi.
Xo'randa pulni to'lagach, qizga gap otibdi:
— Siz uchun doim eshitish yoqimli bo'lgan uch so'z bor. To'g'rimi?
— Ha, shunday.
— Xohlasangiz, men bu so'zlarni topaman.
— Mayli, harakat qilib ko'ring.
— Men sizni sevaman.
— Topolmadingiz! Bu so'z - "Qaytimi kerak emas» edi.

Uyga qaytgan er oshxonada idish yuvayotgan xotiniga qarab:
— Bu uyda kim xo'jayin?, - deb baqiribdi.
Qo'lidagi tova bilan erini boshiga urib: — siz-da adasi, - debdi xotini.
Shu payt qo'shni ayol kirib kelib qarasa, er burchakda hushsiz yotganmish.
— Voy, eringiz nega bu erda yotibdi?!, - desa,
— Uyning xo'jayini qaerda xohlasa, o'sha erda yotaveradi, - debdi xotini.

Bir kuni ota-bola baliq oviga chiqishibdi.
— O'g'lim, menga nonni ber. Hozir baliqlarni bu erga chaqiramiz, - debdi otasi.
— Nonni eb qo'ydim dada, - debdi o'g'li.
— Unda bo'tqani ber.
— Uni ham eb bo'ldim.
Jahli chiqqan ota:
— Ma ol, chuvalchanglarni eb qo'ysang tezroq uyga qaytamiz, - debdi.

Bir kuni o'g'ri badavlat xonadonlardan biriga o'g'rilikka tushibdi. Uyda hech kim yo'qligida kelib, asta eshik qulfini buza boshlabdi. Shu payt domofon ishga tushibdi:
— Assalomu alaykum! "Aqilli uy" tizimiga xush kelibsiz. Bilishimcha siz o'g'risiz va uyni ship-shiydon qilgani kelgansiz. To'g'risini aytganda, men bu uy egasini juda yomon ko'raman. Sababi u men bilan doim qo'pol muaomalada. Shuning uchun sizga eshikni o'zim ochib beraman.
Shu payt eshik ochilibdi. O'g'ri esini yo'qotib qo'yay debdi. Haligi ovoz esa gapirishda davom etirmush:
— Eshik oldida turgan qoplarni oling. Barcha boylik shuni ichida. Faqat tezroq ketishingiz kerak. Bir daqiqadan so'ng signal tovushi ishlab ketadi. Tezroq! Tezroq!
O'g'ri qoplarni ko'tarib, jon holatda qochib qolibdi.
Uch soatdan so'ng uy egasi qaytib kelsa, domofon ishga tushibdi va debdi:
— Assalomu alaykum xo'jayin! Uydagi axlatlar tashlandi!

Vinni Puxning hecham uylangisi kelmasakan. Ammo to'ydan keyingi "asal oyi" unga aslo tinchlik bermasmush...

<< < 628 629 630 631 632 633 634 > >>

Tavsiya qilamiz

Bosh sahifa