Latifalar

Jarroh yoniga peshonasiga vilka sanchilgan bemor kelibdi.
— Doktor, peshonamdagini sug'urib tashlasangiz!
— Kechirasiz, soat uchdan besh daqiqa o'tdi. Meni ish vaqtim tugadi. Ertaga keling.
— Jon doktor, shu vilkani olib tashlang. Bir daqiqa vaqtingiz ketadi-ku. Axir meni jonim og'riyapti...
Jarroh jahl bilan vilkani sug'urib, bemorning ko'ziga tiqib qo'yibdi-da, - boring okulist soat beshgacha ishlaydi, - debdi.

Qari otaxon yo'lda ketayotsa, bir barzangi yigit to'xtatib:
— Hozir shunaqa latifa aytaman, agar kulsang 5000 berasan, - debdi.
— Mayli, - deb otaxon tishini-tishiga qo'yib kulmay eshitibdi. Latifa tugagach, otaxona kulmayotganini ko'rgan yigit:
— Aytgancha, majburan kulmasang 10000 berasan, - dermish.

Bir odam bekatda turgan ekan, yoniga notanish kishi yugurib kelib, o'sha odamni boshiga bir chertibdi-da:
— Latta, - deb yana yugurib ketvoribdi.
Haligi odam uyiga kelib, xotiniga bo'lgan voqeani aytib beribdi. Ertasiga yana o'sha bekatda tursa, yana o'sha kishi yugurib kelib, boshiga bir chertib:
— Sotqin, - deyarmish.

Bir ayolning hushtori uyidaligida, eri kelib qolibdi. Hushtor kiyimlarini olishga ham ulgurmay, derazadan qochib qolibdi. Yaqin o'rtada park bor ekan. Parkka kirsa o'ziga o'xshagan kiyimsiz haykal borakan. U ham haykalni yoniga kelib, qimirlamay qotib tursa, yonidagi haykal:
— Ey, ahmoq! Paypog'ingni echib tashla. Qaerda ko'rgansan paypoq kiygan haykalni?, - debdi.

— Statistik ma'lumotlarga qaraganda ko'p sut iste'mol qilsa, odam kuchli bo'lar ekan.
— Xo'p, 5 litr sutni ichib, shkafni jildirib ko'rchi?
— Sangamaaaas. Endi 1 litr aroqni oxirigacha ich.
— Ana xolos. Shkaf o'zidan-o'zi siljib ketvottiku...

Poliklinika ro'yxatxonasi oldidagi yozuvdan:
"Kasallik varaqalari berilmaydi! Shu ergacha keloldingizmi?, ishxonaga ham bora olasiz".

Ko'p qavatli uylarning eng yuqori qavatida yashaydigan er-xotinlar urushib qolishibdi. Xotinini qo'rqitib qo'ymoqchi bo'lgan er, uyning derazasiga chiqibdi-da:
— Hozir shu erdan o'zimni tashlayman-da, chil-chil bo'pketaman!
Shunda xotini:
— To'xtang adasi, - deb ichkariga yugurib kirib ketsa, eri xursand bo'lib turganakan:
— Mana shu ahlatlarni ham pastga ola keting, - debdi xotini.

Bir kuni afandi ko'chada ketayotsa, yo'l chetida hamyon yotganmish. Hamyonni olib uch martta "kimniki?" debdi. Ichini ochib qarasa, anchagina pul bor ekan. Pullarni olib, cho'ntagiga solsa, hamyonda ko'zguyam borakan. Unga qarab, o'z aksini ko'ribdi-da:
— Ie, aka hamyon siznikimidi? Uzr, - debdi-da, pullarni qaytarib solib, hamyonni erga tashlab ketgan ekan.

— Me'yorini bilmay ichganlarni o'lguday yomon ko'raman. Kecha meni mashinaga ko'tarib ketayotib, erga uch martta tushirib yuborishdi-ya, la'nati piyonistalar.

Ofiser askarlarni mashq qildiryapti:
— Hamma o'ng oyog'ini ko'tarsin.
Bir askar adashib, chap oyog'ini ko'tarsa, ofiser jahl bilan:
— Bu nima maynavozchilik? Kim u ikkala oyog'ini ham ko'tarib olgan?

<< < 626 627 628 629 630 631 632 > >>

Tavsiya qilamiz

Bosh sahifa