Latifalar

Poezdda ketayotgan erkak chekish uchun yo'lakka chiqibdi. Bir payt qarasa, poezd rel'sdan chiqib, o'rmon tomonga yurib va yana rel'sga qaytayotgan emish. Ko'zlariga ishonmasdan mashinistni oldiga yugurib borib:
— Nima qilyapsiz?, - debdi haligi odam.
Mashinist esa:
— Poezd rel'sida bir yigit o'tirgan ekan. Shu yigitni quvladim, - debdi xotirjam.
— Xo'sh, qochib ketdimi? - qiziqib so'rabdi yo'lovchi erkak.
— Yo'q, o'rmonga kirmasidan etvoldim. Keyin ortimga qaytdim, - dermish mashinist.

Ishdan xursand bo'lib qaytgan eridan xotini so'rabdi:
— Nega bugun xursandsiz?
— Meni ishdan bo'shatishdi, - debdi er.
— Axir buni nimasiga xursand bo'lyapsiz?
— Qolganlarni qamashdi-da xotin..., - dermish eri.

Sud zalidagi jarayondan:
— Aytingchi, eringiz bilan nega ajrashmoqchisiz?
— U meni haqorat doim qiladi. Xotinim demay uradi, ...
Zalda g'ala-g'ovur ko'tarilibdi:
— Bizni haqorat qilmayapti-ku, bizni urmayapti-ku, ...

Shifokor bemorga:
— Har kuni baliq eb turing. Sizda fosfor etishmaydi, - desa,
Bemor:
—Men sog'aymoqchiman. Yorug'lik tarqatmoqchi emasman, - deya javob beribdi.

Qishloqda yashaydigan yigitlar kechasi nechida uyga qaytganini ota-onasi aniq biladi.
Chunki traktorda shovqinsiz kelib bo'lmaydi-da.

Bir yigit do'stidan so'rabdi:
— Xotining bilan kechagi janjaling nima bo'ldi?
Do'sti:
— Oxiri xotinim yonimga tizzasida emaklab keldi.
— Keyin nima dedi?
— Kravatni tagidan chiq nomard dedi.

Shaharlik yigit bilan qishloqdan kelgan qiz ovqatlanib o'tirishgan ekan, yigit ofisiantga:
— Bizga salfetka bilan "zubachistka" bering, - desa,
Qiz:
— Yo'q bo'ldi, men to'ydim, - dermish.

Bir yigit sochini kaltalatgani sartaroshga boribdi. Sartarosh yigitga savol beraveribdi:
— Uylanganmisiz?
— Ha.
— Xotiningiz nima ish qiladi?
— Ayol kishi qiladigan ishlar, shular bilan band.
— Xotiningizga ichib uyga borganingiz yoqadimi?
— Qaysi ayolga ichgan erkak yoqadi?
— Xotiningiz.....
— Aka jonga tegdingiz. Tushunaman, sartaroshlar mijozi bilan gaplashib ishlashadi. Lekin nimaga sizni xotinim qiziqtirib qoldi? Har gapingizda xotinimni so'raysiz. Nima xotinim bilan orangizda biror gap bormi?
— Hafa bo'lma ukam. Har gal xotiningni so'rasam soching tikka bo'lyapti. Sochingni osonroq olyapman-da.

Ikkita dugona suhbatlashmoqda:
— Yangilik bor.
— Qanaqa yangilik? Turmushga chiqyapsanmi?
— Yo'g'-e. Hali yoshman-ku.
— Unda nima yangilik? Gapir!
— Men homiladorman!

Bir dehkon sabzi ekib, hosilini sotib yurarkan. Lekin hecham tug'ilib o'sgan qishlog'iga bormasakan. Chunki uning qishlog'ida hamma bir-biriga laqab qo'yarkan. Bir kuni dehqon hamqishloq tanishini ko'rib qolibdi.
— Nega qishloqqa bormaysan?, - debdi tanishi.
— Chunki menga ham laqab qo'yishadi, - debdi dehqon.
Shunda hamqishlog'i:
— Seni laqabing allaqachon "quyon" bo'pketgan, - dermish.

<< < 630 631 632 633 634 635 636 > >>

Tavsiya qilamiz

Bosh sahifa