Latifalar

Adasi to'rt yoshli qizini uxlatmoqchi bo'lib, alla aytib beribdi. Qizini ko'zlari yumulganini ko'rgan otasi:
— Uxlayqol qizim. Hozir tushingda ajoyib ertaklar ko'rayotgan bo'lsang kerak, - debdi pichirlab.
Qizi esa shu zahoti ko'zini ochib:
— Yo'q adajon. Reklama tugamadi hali, - degan ekan.

Qahraton qishda afandining uyiga mehmon kelibdi. Afandi issiq sandalda dutor chalib o'tirgan ekan. Duoi fotihadan so'ng mehmon so'radi:
— Yangamiz ko'rinmaydilar?
— Tashqarida o'tin yoryapti.
— Siz issiq uyda dutor chalib o'tirsangiz, ayolingiz sovuqda o'tin yorsa, shuyam insofdanmi?, - debdi mehmon.
— Yangangiz dutor chalishni bilmasa, nima qilay?

— Salom Alisher! Ishlar qalay?
— Qanaqa Alisher?! Meni ismim...
— Anchadan beri ko'rishmaymiz. Sendan pul olgan edim. Shuni qaytarmoqchiman.
— Alisher bo'lsa, mayli Alisher-da!

Axlat tashiydigan mashina orqasidan hayhaylab yugurib ketayotgan do'stini ko'rgan o'rtog'i dedi:
— Nima, mashina bilan kimo'zarga yuguryapsanmi, do'stim?
— Yo'q, - dedi do'sti halloslab, - xotinim eski paypog'imni axlatga tashlab yuboribdi. Ichida xotinimdan berkitgan pullarim bor edi.

— Bu joy qanday mazza, qulay, yoqimli va maroqli!
— Qaerdasan o'zi? Qaerda o'tiribsan?
— Ota-onamni elkasida.

Bir yigit sevgan qiziga SMS yuboribdi:
— Salom jonim. Bugun ko'rishamizmi?
Qiz:
— Ko'risholmaymiz. Betobman. O'zingiz allamahalda qaerlarda yuribsiz?
— Diskotekada. Orqangga qara, turibman.

Bir qiz internetda o'tirgan ekan, qo'shni xola kirib:
— Qachon qarasam shu komp'yutering oldida o'tirasan. Nima qiziq narsalar bor bu erda?, - deb so'rab qolibdi.
Qiz esa:
— Internetdagi "Google" ni sizga tushuntiraman. Mana qarang, nimani xohlasangiz topib beradi, - debdi.
Qo'shni ayol ham qiziqib:
— Nima so'rasam hamma-hammasini topib beradimi?
— Ha, xamma narsani topadi. Xohlasangiz mana yozib, izlab ko'ring.
Qiz klaviaturani qo'shni xolaga berib, o'zi choy damlab kelib qarasa, ekranda shunday yozuvlar turgan ekan:
"Assalomu alaykum hurmatli Gugl aka! Iltimos, menga erimning jazmani qaerda yashashini topib bersangiz!"

— Bitta yo'llanmaga butun oila dam olishi mumkinmi?
— Mumkin, agar yo'llanma qaynonaga berilsa.

Bir kishi dengizdan tilla baliq tutib olibdi. Baliq tilga kirib:
— Meni qo'yib yuborsang, uchta tilagingni amalga oshiraman!, - debdi.
— Roziman. Faqat bitta shartim bor! Menga nima bersang, qaynonamga uch baravar ko'proq berasan, - debdi haligi odam. Baliq ham shu shartga ko'nibdi.
— Menga bitta mashina, qaynonamga esa uchta mashina ber. Menga bitta dalahovli ber, qaynonamga — uchta. Uchinchi tilagim: menga kichkinagina yurak xuruji, qaynonamga ...

Rahbar kotibasiga:
— Qahva keltir!
Kotiba:
— Qahvani Braziliyadan keltirib bo'lishgan. Men sizga uni tayyorlab berishim mumkin.
Rahbar:
— Shu aqlingni imtihonda ishlatganingda, hozir qahva tashib yurmasding!

<< < 635 636 637 638 639 640 641 > >>

Tavsiya qilamiz

Bosh sahifa