Latifalar

Tongda uyga kirib kelgan eridan xotini so'rabdi:
— Kecha qaerda tunadingiz?
— Nodirnikida.
Xotini tezda Nodirga telefon qilib:
— Erim kecha sizlarnikida tunadimi?
— Ha, hozir ham uxlab yotibdi.

Kutubxonada:
— O'z joniga qasd qilish to'g'risidagi kitoblar qaerda?
— Chapdagi uchinchi javonda.
— Axir u er bo'm-bo'shku?
— Bu joydan kitob olganlarning birortasi ham qaytarishmaydi-da.

Kotiba boshlig'iga dedi:
— Xotiningiz telefonda iltimos qilyapti.
— Iltimos qilyapti? Unda bu mening xotinim emas!

Sud jarayoni ketmoqda. Sud'ya ayblanuvchidan so'radi:
— Kasbingiz nima?
— Akrobatman!
— Qo'riqchi, zudlik bilan derazani yoping!!!

— Og'ayni, sen chet ellarga tez-tez borib turasan. Aytchi, Parijga borib-kelish qanchaga tushadi?
— Agar xotining bilan borsang, taxminan bir yarim ming evro ketadi. Agar yolg'iz borsang, besh-olti ming evrodan kam pul olma!

Boshliq yangi hisobchini ishga olmoqchi bo'lib, nomzodlarni suhbatga chaqiribdi:
— Ikki karra ikki nechi bo'ladi?, - deb savol beribdi. Hammadan "to'rt" degan javob chiqibdi. Faqatgina bitta nomzod javob bermabdi. Yolg'iz qolishgach, boyagi indamay o'tirgan nomzod boshliqqa yaqin kelib:
— Nechi bo'lsin xo'jayin? Qancha qilib beray?, - degan ekan, boshliq o'sha nomzodni ishga olibdi.

Hayotda oliyjanob erkaklar qolmagani haqidagi gaplar noto'g'ri. Mana masalan, men bugun xotinimga soyabon tutib turdim. U mashina g'ildiraklarini tezgina almashtirib oldi...

Boy xizmatkorini chaqirib buyuribdi:
— Kuchugimni dumini kesib tashla!
Xizmatkor hayron bo'lib:
— Axir bu sodiq itingiz Djek-ku
— Ertaga qaynonam kelayotgan ekan. Uni tashrifidan hech qanday xursandchilik namoyish etilmasligi kerak!

Bir chiroyli qiz do'kon aylanib yurib, sotuvchidan so'rabdi:
— Anavi gulli, bejirimgina ko'ringan narsa nima?
— Bu antiqa sovg'a. "Yagona sevgilimga" degan yozuvi ham bor.
— Shundan menga olti dona berib yuboring!

Bir ayol xudoga nola qilibdi:
— Ey xudo! Nimaga menga oliyjanob turmush o'rtoq uchratmaysan?
Shu payt ayolga samodan tovush eshitilibdi:
— Senga orzuingdagi erkaklarni yubordim. Sen ular bilan do'st ekaningni aytib, o'zing qayoqdagi ahmoqlar bilan uchrashib yuribsan.

<< < 638 639 640 641 642 643 644 > >>

Tavsiya qilamiz

Bosh sahifa