Latifalar

Bo'ri qo'radagi mingta qo'yga tegmasdan, bitta echkini eb ketibdi. Odamlar cho'pondan:
— Nega bo'ri qo'ylarni emasdan, echkini eb ketdi, - deb so'rashsa.
Cho'pon:
— Bo'rining qon bosimi baland ekan, qo'y go'shti emaydi, - debdi.

Bir odam yo'lda ketayotsa, osmondan ovoz etishilibdi:
— To'xta, tepadan g'isht tushyapti!
Haligi erkak to'xtashi bilan, oldiga katta g'isht kelib tushibdi. Yo'lda ketishda davom etibdi. Ketayotsa, yana ovoz kelibdi:
— To'xta, mashina kelyapti!
Darrov to'xtabdi erkak. Shu payt oldidan katta tezlikda mashina o'tib ketibdi.
— Sen o'zi kimsan?, - deb so'rabdi boyagi odam.
— Men seni haloskor farishtangman!
— Uylanishimdan oldin qaerda eding unda!!!

— Ular anchadan beri shunaqa bir-birlariga yaqinmi?
— Kim?
— Qoshlaring...

— Tushimda bo'ydoq emishman, seni qo'lingni so'rabman.
— Namuncha xursandsiz?
— Sen rad javobini beribsan.

Homilador ayol akusher ko'rigidan o'tib bo'lgach, suhbatlashibdi:
Akusher:
— Mana, to'qqiz oydan so'ng ona bo'lasiz!
Ayol:
— Nimaga to'qqiz oy? Namuncha uzoq? Ikki oydan so'ng iloji yo'qmi?
Vrach hayratlanib:
— Buni aslo iloji yo'q! Tabiat qonuni shunaqa. Ona farzandini to'qqiz oyda dunyoga keltiradi, ikki oyda emas...
— Tabiatni tinch qo'ying! Tajribasiz ekaningiz ko'rinib turibdi. Biz tanlov o'tkazib, ikki oyda ishni bitiradigan pudratchi topamiz. Xayr! Feysbukda "Potrebitel'"ga siz haqingizda salbiy fikrlar yozib qoldiraman.

Shahardan qishloqqa tushgan kelinga qaynonasi sigir sog'ishni buyuribdi. Bir soat o'tibdi, ikki soat o'tibdi. Kelin og'ilxonadan chiqmasmish.
— Bor, xotiningdan xabar olchi, - debdi qaynona o'g'liga.
O'g'li og'ilxonadan qaytib kelib, qotib kular emish. Onasi o'g'lidan, - nima bo'ldi?, - deb so'rasa, o'g'li:
— Keliningiz sigirni sog'ib, "unisini ham sog'ib olay" deb buqaning ortidan quvlab yuribdi, - dermish.

— Adasi, sizga romashkali choy damladim. Mana, ichib oling.
— Sen meni asabiy demoqchimisan? Nima, senga yoqmay qoldimmi? Balki ajrashmoqchidirsan?
— Yo'q, yo'q!
— E-e, ming la'nat! Quy choydan!

Tergov jarayonida tekshiruvchi-revizorga savol berishibdi:
— Maoshingiz 200 ming bo'lsa, yuz millionlik uy-joyni qanday qilib qurdingiz?
— Juda-yam oddiy. Qurilish mollari omborida tekshiruv olib borayotganimda uyimni qurilishi bitdi.

— Sen ahmoqsan!
— Lekin go'zalman!
— Buni senga kim aytdi?
— Sen!
— Shunga ishondingmi?
— Albatta!
— Ana, ahmoqsan-da.
— Lekin go'zalman!

Bir kishiga savol berishibdi:
— Kim ko'proq hayotidan mamnun bo'lib yashaydi? To'rtta bolasi bor odammi yoki to'rt million puli borimi?
— To'rtta bolasi bor odam-da! Chunki, to'rt millioni bor odam yana ko'proq pul xohlayveradi...

<< < 639 640 641 642 643 644 645 > >>

Tavsiya qilamiz

Bosh sahifa