Latifalar

Qizalog'ini bog'chaga kiyintirayotgan otasi:
— Qizim, bo'ying etib, turmushga chiqay deb turibsan-u, haliyam shimingni kiyishni bilmaysan!, - desa,
Qizi hafa bo'lib:
— Hamma qizlar to'yda kelin ko'ylak kiysa, men shim kiyamanmi?, - debdi.

Xasis er xotiniga dedi:
— Xotin, bilasanmi?, gazetada yozishicha, bir martta yurakdan kulish, to'rtta tuxumning quvvatini berarkan. Har kuni qozon osavermay, bolalarni kuldirib ham turish kerak!

Afandi bozorga eshagini olib borib, dallolga berdi. Bir xaridor uning tishini ko'rmoqchi bo'lgan edi, eshak xaridorning qo'lini tishlab olibdi. Xaridor qo'lini ushlaganicha ketvaribdi. Oradan bir oz vaqt o'tgach, ikkinchi xaridor kelib, u ham eshakni silab ko'rmoqchi bo'lgan edi, eshak uni tepib yubordi. Bu xaridor ham oqsoqlanib ketib qolibdi. Dallol Afandining oldiga kelib g'azab bilan:
— Eshagingizning fe'li yomon ekan. Oldidan kelganni tishlaydi, orqasidan kelganni tepadi. Bu eshakni birov tekinga ham olmaydi, - desa,
— Eshakni men bu erga sotgani olib kelganim yo'q, - dedi afandi, — uning menga ko'rsatgan azobini boshqalar ham tatib ko'rsin, - deb olib kelgan edim.

Bir afg'on yigit xotinining orqasidan yurib ketayotgan ekan, uni ko'rgan boshqa yo'lovchi shunday debdi:
— Ota-bobolarimiz xotinning orqasidan emas, oldidan yurishgan.
Yigit esa:
— Ota-bobolarimiz davrida mina bo'lmagan-da, - degan ekan.

Qarg'a tumshug'ida pishloq tishlab, daraxtda o'tirgan ekan. Bir payt daraxt tagiga ayyor tulki kelibdi-da, qo'lidagi gazetani varoqlab o'qiy boshlabdi:
— O'rmonimizdagi hayot kundan-kunga yaxshilanmoqda. Tez orada har bir daraxt shohlarida pishloqlar pishib turadi...
Qarg'a esa buni eshitib, tulkining ustidan — "xa-xa-xa", - deb kulgan ekan, og'zidagi pishloq to'ppa-to'g'ri tulkining qo'liga kelib tushibdi.
Shunda tulki pishloqni og'ziga solib, daraxt tepasidagi qarg'aga:
— Gazetadagi xabarlar ustidan kulish yaxshi emas, - degan ekan.

— Azizim, menga uzuk olib bering.
— Uzukka pulim yo'q!
— Unday bo'lsa, ko'ylak obering.
— Ko'ylakka ham yo'q pul...
— Og'zimni yopish uchun hech bo'lmasa saqich olib berarsiz?!

Afandi yog' olish uchun kosa ko'tarib bozorga boribdi. Yog'furushdan bir tangalik yog' so'rabdi. Yog'furush bir tangalik yog'ni kosaga quygan ekan, kosa to'lib, ozginasi ortib qolibdi.
— Qolganini nima qilamiz? - so'rabdi yog'furush.
— Orqasiga quy, - deb afandi kosani ag'dargan ekan, ichidagi yog' to'kilib ketibdi. Afandi ham ozginagina yog'ni ko'tarib, uyiga kelibdi. Yog'ni ko'rgan xotini qichqiribdi:
— Shu yog'ni oldingiz xolosmi?
Afandi bo'lsa:
— Ey nodon, ko'p qichqirma! Bu yog'ida ham bor, - debdi-da, kosani ag'dargan ekan, qolgan yog' ham to'kilib ketibdi.

O'n yoshli bola otasidan so'rabdi:
— Ada, nega bu kolbasani nomi "Doktorskiy"? Nima, uni faqat doktorlar eydimi?
Otasi:
— Yo'q o'g'lim! Bu kolbasani eb bo'lgach, to'g'ri doktorga boraverish kerakligini bildiradi...

O'qituvchi o'quvchilarni sinf partasiga joylashtiryapti:
— Seni dadang qaerda ishlaydi?
— Mani dadam bozor rahbari.
O'qituvchisi birinchi bolani eng oldi qatordagi partaga o'tkazibdi.
— Qani, seni dadang qaerda ishlaydi?
— Meni dadamni ikkita mebel' do'konlari bor, - deb javob beribdi ikkinchi o'quvchi.
— Bozor rahbari o'g'lini yoniga o'tir!, - debdi o'qituvchisi.
— Qani, seni dadang kim?
— Meni dadam prokuraturada.
— Qani birinchi partada o'tirganlar turlaring-chi! Ikkinchi partaga o'tir ikkaloving! - deb uchinchi bolani eng oldi partaga o'tqazgan o'qituvchi yana so'rabdi:
— Xo'sh, dadang prokraturada nima ish qiladi?
— Bilmiman. Dadamni kecha ikkita odam olib ketishgandi-da o'sha prokuratura degan joyga...dermish bola.

Qadim zamonda bir podshoh uch nodon vaziriga buyuribdi:
— Baliqni boshini olmasdan turib, o'ldirib huzurimga olib kelinglar! Uchchala vazir yo'lga chiqibdi.
Birinchi vazir:
— Agar baliqni boshini olmasak, qanday qilib o'ldiramiz, - debdi.
Ikkinchi vazir esa:
— Yaxshisi podshoh xuzuriga o'lik baliqni olib boramiz, - debdi.
Shunda uchinchi vazir:
— Ey nodonlar! Shungayam aqlingiz etmadimi? Baliqni o'zimizning uslubda, suvga cho'ktirib olib boramiz, - dermish.

<< < 641 642 643 644 645 646 647 > >>

Tavsiya qilamiz

Bosh sahifa