Latifalar

Xitoyliklar suratga tushgani suratxonaga kelishibdi. Suratkash hammasini bir chetdan rasmga ola turib, — Hammangizni yuzingiz bir xil-ku? Bittangizni rasmingizni chiqarib beraveraman-da?!, - deb ayyorlik qilibdi. Xitoyliklardan biri, — Buni meni suratim emas!, - debdi.
Suratkash:
— Yuzingiz shumi?, - desa,
Xitoy:
— Ha, lekin ko'ylak boshqa-ku", - dermish.

Er xotiniga qarab:
— Nega yangi paketchali choy sotib olding?, - debdi.
— Axir eskisini ipi chirib, uzilib ketdi, - debdi xotini.
— Boshqa ip bog'lab qo'ysang bo'lardi-ku, - dermish eri.

Uchta inoq do'stlar dam olishga Turkiyaga borishibdi. Mehmonxonani 45-etajiga joylashib olishibdi. Tushlikni birinchi qavatda eb bo'lgach, xonalariga chiqmoqchi bo'lib qarashsa, lift ishlamayotgan ekan. Zinada chiqishdan boshqa ilojlari qolmagach, chalg'ish uchun har biri navbatma-navbat latifa aytib chiqishga kelishibdi.
Birinchisi o'n beshinchi qavatgacha latifa aytib, o'rtoqlarini kuldirib chiqibdi. Keyin ikkinchisi o'ttizinchi qavatgacha kuldiribdi. Navbat uchinchisiga kelgan ekan, u do'stlariga qarab:
— Hozir bir narsa aytaman, kulaverib, ichagingiz uziladi, - debdi. Do'stlari qiziqib, — Nima ekan? Ayt-chi, - deyishsa:
— Xonamizni kaliti birinchi qavatda qolib ketibdi, - debdi.

Uchta yosh qiz vokzalda yurib ketayotgan poezd ortidan "hay-hay"lab yugurib borishayotgan ekan. Bir payt ikkitasi poezdga etib, chiqib olibdi. Poezd jo'nab ketibdi. Uchinchi qiz esa qo'lidagi yuklari bilan ularning ortidan xandon otib kula boshlabdi. Vokzal navbatchisi:
— Nega kulyapsiz?, - desa, qiz:
— Anavi poezdga chiqib ketgan dugonalarim aslida meni kuzatgani chiqishgan edi, - debdi.

Bir kuni GAI xodimi haydovchiga:
— Qani, "Kuf" deng-chi, - debdi.
Haydovchi darhol tekshiruvchini cho'ntagiga yuz mingni solib qo'yibdi.
Pulni olib, yana "Kuf" deyishini talab qilibdi. Shunda haydovchi yana ellik ming beribdi. GAI xodimi esa:
— Yo'q! Birinchi galdagidek "kuflang", - dermish.

Er xotiniga dedi:
— Arzanda o'g'ling yana hamyonimdan pullarimni o'maribdi!
— Nega endi u bo'larkan? Balki men olgandirman ...
— Yo'q, sen emas! Hamyonimda pullarimni yarmi qolib ketibdi.

GAI xodimlari voqea joyini ko'zdan kechirib, bayonnoma yozishmokda.
Mayor:
— Yo'l kengligi - 6 metr, o'ng tarafda chuqur ariq bor. Oq rangli Matiz 30-35 yoshlar chamasi erkak kishini urib yuborgan. Mashina daraxtga oldi bilan urilgan.
Serjant:
— Yozdim.
Mayor:
— O'sha erkak kishining tanasi boshsiz holda ariq ichida. Kallasi esa asfal't chetida.
Serjant:
— O'rtoq serjant. "Aspalt" deb yoziladimi? yoki "Asfal't" debmi?
Mayor biroz o'ylanib, kallani bir tepib ariqqa tushirib yuboribdi-da, — Mayli kallani ham ariq ichida deb yozaqol, - debdi.

Uylangan yigit bo'ydoq do'stiga debdi:
— Shuncha yil yashab, sutni muzlatgichga noto'g'ri qo'yish mumkinligi haqida bilmagan ekanman.

Bir kishining uyida suv jo'mragi ishdan chiqib, chilangar chaqirtiribdi. U odamning yosh va go'zal qizi bor ekan.
Ishlab o'tirgan chilangarning yoniga qiz kelib:
— Agar otam sharob bersa, ichmang! Pul bersa ham ola ko'rmang! Faqat chekishga bir dona sigaret so'rang, - debdi jilmayib, nozlanib.
Laqma usta ishlarini tugatgach, qiz aytganidek, bitta dona sigaretni chekibdi-da, ketibdi.
Xursand bo'lgan otasi esa qiziga qarab:
— Barakalla dono qizim! Keyingi hafta bo'yoqchilarni chaqiraman, - debdi.

Bir qiz ajoyib yigit bilan tanishib qolibdi. Yigit bilan har kuni uchrashib, biror joyga borishgach, qizni uyga olib kelib qo'yarkan-da, — To'xtang. Shoshmay turing!, - deb mashinasidan tushib, qizga eshikni ochib berarkan. Qiz dugonalariga maqtanib:
— Hali bunaqa oliyjanob yigitni uchratmagandim, - debdi.
Yigit esa yarim yildan beri mashinasining eshigini ichkaridan ham ochilishi uchun ustaxonaga olib borolmayotgan ekan...

<< < 650 651 652 653 654 655 656 > >>

Tavsiya qilamiz

Bosh sahifa