Latifalar

Bir kishi har kuni barga kirib, cho'ntagidan bir siqim tanga chiqarar ekan-da, — Pivo quy! Qaytimi kerak emas, - deb tangalarni sochib yuborarkan.
Bir gal yana shunaqa qilgan ekan, sotuvchi erdagi hamma tangalarni yig'ib:
— Qaytimi menga ham kerak emas, - deb uzoqroqqa sochib yuboribdi.
Haligi odam tangalar yotgan joyga borib, bir dona tangani cho'ntagidan olib, erga tashlabdi-da:
— Unda yana bitta pivo quy!, - dermish.

Go'zal qizga ko'chada bir shilqim tegajonlik qilgan ekan. Qiz sumkasidagi gaz balonchasini olib, shilqimni yuziga sepmoqchi bo'libdi-yu, adashib, "Shanel'" atirini sepib yuboribdi. Sepib bo'lgach qiz atirini ko'rib qolib, g'azablanganidan yigitni o'lar holatda do'pposlab tashlagan ekan.

Qiz bilan yigit parkda ketayotsa, qiz to'satdan hushidan ketib qolibdi.
Yigit:
— Suv! Suv olib kelinglar! Tez yordam chaqiringlar, - desa
Qiz asta ko'zini ochib:
— Qanaqa suv? Qanaqa tez yordam? Sun'iy nafas berish kerak, - dermish.

Xotini xasis eridan so'rayapti:
— Dadasi, bugun ovqatga tuxumni oqini solaymi, sarig'inimi?
— Bugun bayram, mayli butun solaqol!, - dermish eri.

Ikkita dugona uchrashib qolishibdi. Birinchi qiz maqtanishni boshlabdi:
— Yigitim menga tilla uzuk sovg'a qildi.
— Ajoyib-ku. Tabriklayman!
— U menga yana mashina ham sovg'a qildi.
— Ajoyib-ku. Tabriklayman!
— O'zingda nima yangiliklar?
— Etika kurslariga qatnashyapman. "Aldama, tentak" so'zini o'rniga "Ajoyib-ku. Tabriklayman!" deyishni o'rganib oldim.

Puli ko'plar qo'llaridagi ayfonlarida ko'chadan pokemonlarni qidirib yurishadi. Ko'chadagi bezorilar esa ayfonlilarni "ovlab" yurishadi. Milisiya esa bezorilarni ushlashadi. Mana shunaqa band aholi hukumatni umuman bezovta qilmayapti.

Bir kishi yaqin do'stidan so'rabdi:
— Menga yuz ming berib tura olasanmi?
— Nimaga?
— Esdalikka!

Bir bolakay tug'ilgan kuniga masharaboz kelishini juda xohlarkan. Buvisi bu yili albatta masharaboz chaqirishga va'da beribdi. Tug'ilgan kuni ham etib kelibdi. Lekin masharaboz yo'q emish. Buvisi nima qilishini bilmasdan tursa, eshik qo'ng'irog'i chalinibdi. Ochib qarasa, ikkita daydi tentaklar turganmish.
— Uyingizda bizbop ish yo'q-mi? Biroz pul ishlab olmoqchi edik, - deyishibdi. Ayol ularga bog'dagi ishlarni qilishni buyuribdi.
Nabirasi esa masharabozni hanuzgacha kutib o'tirarkan. Ayol bir payt qarasa, boyagi daydilarning biri goh daraxtga chiqib sakrar, goh u yoqdan, bu yoqqa yugurar, ba'zan har xil kulgili harakatlar qilarkan. Ayol masharaboz topilganidan xursand bo'lib ketibdi. Sakrab yurgan kishini yonidagi sherigini sekin chaqirib:
— Kechirasiz. Anavi do'stingiz bir soatga masharaboz bo'lib turmaydimi? Yaxshi haq to'layman!, - debdi.
Haligi odam do'stiga qarab:
— Hoy, mo'maygina pulga ikkinchi barmog'ingni ham bahridan o'tasanmi?, - dermish.

— Qachon oylik berisharkin?
— Hisobchimiz qaytganidan keyin.
— Nima, u kasalmi?
— Yo'q, qidiruvda!

Bir talaba yigit avtobusda saqich chaynab ketayotib, o'zi bilmagan holda bir kampirga tikilib qolibdi. Kampir esa:
— Bolam, bu gaplarni menga bekorga aytyapsan men baribir eshitmayman, - debdi.

<< < 649 650 651 652 653 654 655 > >>

Tavsiya qilamiz

Bosh sahifa