Latifalar

Mast odam beshinchi etajdan pastga yiqilib tushibdi. Atrofini odamlar o'rab olib:
— Nima gap?, nima gap?, - deyishsa, yiqilgan odam asta o'rnidan turib:
— Men qaerdan bilaman nima gapligini?! Hozirgina tushgan bo'lsam, - dermish.

Oshiq ispan yigit har oqshom sevgan qizini derazasi yonida serenada kuylarkan. Do'stlari undan:
— Nega shu qizga uylanib qo'ya qolmaysan?, - deyishsa,
— Keyin kimga serenada kuylayman?, - dermish.

Uchta yigit janozaga boribdi. "Fotiha o'qing" degan ma'noda, — O'qiysizmi?, - deyishsa
Domla:
— Ishlayman, - debdi.

Bo'linma shaxsiy tarkibi mashg'ulot o'tmoqda.
— Oddiy askar Aliev!
— Men!
— Faraz qiling, postda turibsiz. Kimdir post tomon emaklab kelmoqda. Qanday ish tutasiz?
— Ichib, oyog'ida tura olmay qolgan batal'on komandirini uyiga eltib qo'yaman.

Kasalxonada yo'lagida bir odam qattiq hayajonda, u yoqdan-bu yoqqa yuribdi. Xotinini operasiya qilgan vrach chiqib, g'amgin holatda gap boshlabdi:
— Xotiningizni hayotini saqlab qoldik. Lekin u komada. Yaxshi parvarish qilsangiz, yana o'n yil yashashi mumkin.
Vrach eriga qarasa, kayfiyati butunlay tushib ketibdi. Yig'lab yuborishiga bir bahya qolganini ko'rib:
— Hazillashdim. Xotiningizni saqlab qola olmadik, - debdi vrach.

Starshina safdagi askarlarni oshxonaga olib ketmoqda.
— Bir, ikki! Bir, ikki! ...
Shu payt yosh bolakay kelib debdi:
— Amaki, men sanay qolay? O'ngacha sanashni bilaman!

— Dugonajon, men judayam sahiy yigit bilan uchrashib yuribman.
— Nimasi sahiy?
— Menga har kuni juda ko'p gullar sovg'a qiladi. Ayniqsa, o'tgan hayitda sovg'a qilgan gullarini ko'pligini ko'rsangiz edi...
— Voy, zo'r-ku. U o'zi qaerda ishlaydi?
— Qorovul bo'lib ishlaydi.
— Bo'magan gap. Qorovul shuncha pul toparmidi?
— U qabristonda qorovul.

Xotin huddi DAN xodimiga o'xshaydi. Bosh og'ritib gapiradi, pulingni oladi, kayfiyatingni buzadi... Eng yomoni — baribir ayb topadi!

Qamoqxona boshlig'i elektr stulda o'tirgan jinoyatchiga qarab:
— So'nggi tilagingni ayt! Amalga oshiraman!, - debdi.
Jinoyatchi ko'p o'ylab o'tirmay:
— Iltimos, qo'llaringizni ushlab turay. Shunda qo'rqmayman!, - dermish.

Bir odam ichib olib, mast holda zo'rg'a sudralib uyiga kirib kelsa, xotini qo'lida supurgi, jahl bilan kutib olibdi. Er xotiniga qarab:
— Iltimos xotinjon, uchib ketma! Boshqa ichmayman!, - debdi.

<< < 648 649 650 651 652 653 654 > >>

Tavsiya qilamiz

Bosh sahifa