Latifalar

— Bilasanmi do'stim, donolik ham bir kasallik ekan.
— Tashvishlanma, sen soppa-sog'san!

Voyaga etgan yigit ota-onasiga:
— Oyijon, adajon! Bugundan boshlab men o'zim alohida, mustaqil yashayman!
Ota-onasi:
— Juda yaxshi o'g'lim. Seni ulg'ayganingdan xursandmiz, - deyishibdi.
O'g'li esa:
— Mana sizni narsalaringiz, yig'ishtirib qo'ydim, - dermish.

Qabriston go'rkovi sport jihozlari do'koniga qo'ng'iroq qilib:
— Allo, bu hafta nechta motosikl sotdingiz?
— Beshta!
— Demak, yana bittasi qaerdadir sang'ib yuribdi...

Yuk tashuvchi Erboboev o'n oltinchi qavatga og'ir qopni olib chiqar ekan, "yomon liftyor" so'ziga yuzta sinonim ayta oldi!

Xotin eriga:
— Hoy dadasi, o'g'lingizga ayting, internetni yig'ishtirsin! Darsini qilsin!
— Onasi, o'zing ayt! O'g'ling meni "chyorny"ga kiritib qo'ygan.

Stomatolog bemorni ko'rikdan o'tkaza turib:
— Tishingizda katta kovak bor, katta kovak bor, katta kovak bor...
Bemor hayratlanib:
— Dokor, nega bu so'zni uch martta takrorladingiz?
— Men bir martta aytdim. Qolganlari kovakdan chiqayotgan aks-sado bo'lsa kerak.

Bir mast odam eski chiroq topib olibdi. Ishqalasa, ichidan jin chiqib:
— Tila tilagingni! Uchta tilagingni bajaraman, - debdi.
Mast odam unga:
—Kel yuzta-yuzta olaylik!
— O'ylab ko'r. Bu birinchi tilaging hisobidan ketadi.
— Mayli. Qani oldik.
— Endi ikkinchi tilagingni ayt!
— Yana yuz-yuz quy!
— Hoy inson, yaxshiroq narsa so'rasang-chi?
— Ey, quy degandan keyin, quyda! Qani oldik.
— Balki uchinchi tilagingga biror nima so'rarsan!
— Yana yuzta-yuzta olaylik!
— Sen aqldan ozibsan! Bu oxirgi tilaging.
— Mayli, roziman, - deb ichib yuborishibdi.
Jin chiroqqa qaytib kirib ketibdi-yu, besh daqiqadan keyin qaytib chiqib kelib:
— Mayli, to'rtinchi tilagingni ham tila! Men roziman!, - dermish.

Yosh uchuvchi qo'nish maydonchasiga yaqinlasha turib, dispecher bilan hazillashmoqchi bo'libdi. Rasiyani ko'tarib:
— Allo, kimligimni top-chi?, - desa, dispecher qo'nish maydonidagi hamma chiroqlarni o'chirib qo'yibdi-da:
— Qaerga qo'nishingni top-chi, - dermish.

Bir ayol dugonasiga maqtanibdi:
— Men yog'larga qarshi kurash boshladim!
Dugonasi unga qarab turib:
— Juda ko'plarini asir olishga ham ulguribsan.

— Keling singlim! Nima xizmat?
— Idorangizga ishga kirmoqchi edim...
— Yaxshi. Faqat talablarimiz bor. Masalan, 90x60x90, ...
— 486 ming!
— Hali oxirigacha aytib ulgurmadim-ku... Mayli bizga hisobchi ham kerak edi, olamiz!

<< < 656 657 658 659 660 661 662 > >>

Tavsiya qilamiz

Bosh sahifa