Latifalar

Bir kuni savlatli kiyingan erkak, avtobus bekatida odob bilan hammani o'tkazib yuborib, oxirgi bo'lib o'zi avtobusga chiqibdi. Lekin kutilmaganda oyog'ini eshik siqib qolgan ekan,
— Padaringga la'nat, eshshak, hayvon! Och eshikni xezalak! Nima ko'rmisan ahmoq, ..., - deb so'kina boshlabdi.
Qo'rqib ketgan haydovchi shu zahoti eshiklarni ochibdi. Boyagi erkak darhol o'ziga kelib, ust-boshini to'g'rilab, hushmuomalalik bilan:
— Uzr so'rayman! Juda qo'rqib ketdim-da..., - dermish jilmayib.

Bir yigit Sibirga, do'stini uyiga mehmonga boribdi. Ovqatlanib o'tirsa, oyog'ini ostidan kalamushdek keladigan jonzod o'tib qolibdi.
Shunda mehmon:
— Shu sovuqda kalamush nima qiladi?, - desa.
Mezbon:
— Bu kalamush emas. Pal'to kiygan suvarak!, - dermish.

Plastik jarrohlik markazida vrach:
— Xonim, agar operasiya natijasi sizga yoqmasa, biz hammasini qaytarishga tayyormiz, - debdi.
Ayol:
— Pullarimni-mi?
— Yo'q, ajinlarni!

— Adajon, tushimda menga besh ming berganmushsiz...
— O'sha pullarni o'zingga olib qo'yaqol, o'g'lim!

Tasodifan tanishgan ikkita odam garov o'ynabdi. Birinchisi:
— Hozir men o'ng ko'zimni tishlayman, sen menga ellik ming berasan, - debdi.
— Ko'zingni-ya?, Tishlay olmaysan, - debdi ikkinchi odam.
U odamni ko'zi protez ekan, shartta ko'zini olibdi-da, tishlabdi.
Sherigi ellik ming berishga majbur bo'libdi.
— Endi ikkinchi ko'zimni ham tishlayman, - debdi haligi odam.
— Tishlay olmaysan! Ikkala ko'z ham protez bo'lishi mumkin emas, - desa,
— Meni tishlarim protez, - deb tishini joyidan olib, yana ellik minglik bo'lib olgan ekan.

— Doktor, yordam bering! Tushimda nuqul sichqonlar futbol o'ynab chiqishadi. Uxlolmayapman!
— Sizga dori yozib beraman, bugundan boshlab ichasiz.
— Doktor, ertadan ichsam maylimi?
— Nega?
— Bugun final bo'ladi-da...

Kunlarning birida ota-o'g'il toqqa, dam olishga chiqishibdi. O'g'li toshga qoqilib, yiqilib tushibdi-da, og'riqdan:
— Ay!, - deb baqiribdi.
"Ay!" degan aks-sado kelibdi.
— Kimsan?, - so'rabdi bola hayron bo'lib.
"Kimsan" degan aks-sado eshitilibdi.
— Tentak, - deb baqiribdi.
Yana "Tentak" eshitilibdi.
Adasi o'g'liga qarab, — To'xta, - debdi-da, — Sen zo'rsan!, - deb baqiribdi.
"Sen zo'rsan" degan sado kelibdi.
— Seni yaxshi ko'raman, - desa,
"Seni yaxshi ko'raman" degan ovoz kelibdi tog'lardan.
— Ko'rdingmi o'g'lim, men zo'rman va meni yaxshi ko'rishadi. Sen esa tentaksan, - degan ekan adasi.

Xotin eriga:
— Azizim, bugun ajoyib tush ko'ribman!
— Qanaqa tush ekan?
— Tushimda siz menga bir dona olma berganmushsiz...
— Buni nimasi ajoyib?!
— O'sha olma-chi tishlangan ekan...
— Tishlangan olma ko'rsang ham, senga Apple telefonini olib berolmayman!

E'lonlar taxtasidagi yozuvdan:
"Kelishgan yigit bilan turmush qurmoqchiman. Uni yonida ko'p ovqat eyishga uyalib ozish niyatidaman. Etarlicha ozganimdan so'ng, ajrashib ketishimiz ham mumkin".

Jon berayotgan er xotinini chaqirib debdi:
— Esingdami armiyaga ketayotganimda, sen yonimda eding?
— Ha, esimda...
— Ishdan bo'shab, uyda uch yil o'tirganimda ham sen men bilan birga bo'lganding!
— Ha...
— Avariyaga uchrab, yotib qolganimda ham oldimdan jilmading.
— Albatta, birga bo'lgandim, yoningizda hamisha...
— Hozir jon beryapman. An'anaga sodiq qolasanmi? Shuni bilmoqchiman.

<< < 657 658 659 660 661 662 663 > >>

Tavsiya qilamiz

Bosh sahifa