Latifalar

Qizil shapkacha o'rmonda ketayotsa, oldidan bo'ri chiqib:
— Salom yashil shapkacha, - debdi.
Qizil shapkacha esa:
— Salom, kul rang, dal'tonik bo'ri!, - dermish.

Putin Rossiya yo'llarida 120 km/s tezlik bilan ketayotgan vaqt, undan oldinda 200 km/s tezlikda asfal't yotqizuvchi mashinalar ketib borar edi.

Qirq yoshlardan oshgan yigit uylanib, to'ydan keyin kelin bilan gaplashib o'tirganmush:
— Azizam, sizga to'g'risini aytaman, meni qandli diabetim bor, surunkali gepatitim, gaymoritim ham bor...
— O'zi nimangiz yo'q?, - so'rabdi kelin.
— Sochim yo'q. Parik kiyganman. Tishlarim ham yo'q. Protez taqib oldim.

Bir millioner odamni o'g'irlab ketishibdi. Ko'l bo'yiga olib borib, boshini suvga tiqib-chiqarib:
— Pullar qaerda? Pullar qaerda?, - deb so'rayverishibdi o'g'rilar.
Boyagi boy nafasi bo'g'ilib:
— Yigitlar, pullar ko'rinmayapti. Yoki chuqurroq kirishim kerak, yoki suv ostida uzoqroq ushlab turinglar-da..., - dermish.

— Manavi dorilarni olib qo'ying.
— Voy, achchiqligini. Qanday dori edi o'zi?
— Suvarakka qarshi...!

Kichkina bolakay:
— Oyijon qornim ochdi? Oyijon chanqadim! Oyijon o'yinchog'im qani? Oyijon uxlating! Oyijon ..., - deyaveribdi.
Televizor ko'rib yotgan adasi esa:
— Yaxshi-yam oyijon emas ekanman, - dermish.

Bir otaning noshud o'g'li bor ekan. Nuqul aytilgan ishni teskari bajararkan.
Kunlarning birida ota-bola eshakda bir qop un olib, ko'prikdan o'tayotishsa, un eshakni ustidan tushib qolibdi. Shunda otasi:
— O'g'lim qopni suvga tashlab yubor, - desa, o'g'li ariqqa unni tashlabdi. Otasi:
— Sen nuqul aytganimni teskarisini qilar eding-ku?!, - debdi. O'g'li esa:
— Ha endi, bir martta aytganingizni qilay dedim-da, ada, - dermish.

Qaynona kelinidan so'rabdi:
— Lag'mon cho'zishni bilasizmi kelinposhsha?
— Ha, bilaman oyijon!
— Lag'monlaringiz ingichka va mazali bo'lishi uchun sizga nima kerak?
— Oyog'imni tagida hech kim o'ralashmasligi kerak!

— Nima deb o'ylaysan? Xitoyliklar tinchliksevar xalqmi?
— Esing joyidami? Otib tashlashadi hammani! Miltiqda nishonga olish uchun ko'zlarini yumib, tayyor bo'lib turishibdi-ku!

Bir kishi bog'iga kirsa, bir to'da bolalar daraxtga chiqib olib meva terayotgan ekan:
— Hoy bolalar, qani tez tushinglar-chi! Bo'lmasa dadalaringa aytib beraman, - desa, bolalar:
— Hechqisi yo'q. Dadamiz bizni urishmaydilar! Chunki dadamizning o'zlari narigi shohda o'tiribdilar, - dermish.

<< < 659 660 661 662 663 664 665 > >>

Tavsiya qilamiz

Bosh sahifa