Latifalar

Eri yarim kechasi uyga ko'chadan shirakayf kirib kelsa, xotini jahl bilan:
— Yana ichib-chekib, kayfu-safo qilib yuribsanmi ?, - desa, eri:
— Azizam, xasadgo'ylik yomon! Bu odatingni tashla!, - debdi.

Xotin erta tongda eriga:
— Azizim, tushimda menga tilla zanjir sovg'a qilgan emishsiz. Bu nimani anglatarkin-a?
— Kechqurun bilasan, - debdi eri.
Xotin erining kelishiga chiroyli dasturxon bezatibdi-da, o'zi ham yasanib olibdi. Eri kelishi bilan nozlanib erkalanib:
— Menga nima olib keldingiz?, - desa, eri:
— Mana, “Tushlar ta'biri” kitobi. Ushla, bu senga! Boshqa boshimni qotirma!, - dermish.

Har yili maktabga linoleum uchun pul beraverishdan charchagan ota-onalar, bu yili sinf xonalariga asfal't yotqizishga kelishib olishdi.

Adasi do'stlari bilan karta o'ynab o'tirishsa, kichkina o'g'li adasini yoniga kelib:
— Ada, to'rtta tuz bo'lsa yutadimi-yutqazadimi?, - debdi.
— Yutadi! Nariroqqa bor, - debdi adasi o'g'liga.
Bu gapni eshitgan do'stlari qo'llaridagi kartalarni tashlab:
— Bo'ldi, sen yutding, - deyishibdi.
Adasi esa o'rtadagi pullarni yig'ib olar ekan, o'g'li unga:
— Ada, qo'lingizda umuman tuz yo'qligi yomon-a?, - dermish.

Xotin eriga:
— Azizim, uzun sochlarimni kestirib, kalta turmak qilmoqchiman.
— Nega? O'zi yaxshi-ku!
— Axir boshimga o'zgartirish kiritish kerak-ku!
— Boshingni o'zgartirmoqchi ekansan, kitob o'qishni boshla!

— Tilla baliqdan onasi o'pmagan, adasi so'kmagan, bemahalda ko'chada yurmagan, internetni bilmagan, telegrammga kirmagan, skaypda ko'rishmagan qizni so'ragandim.
— Xo'sh nima bo'ldi?
— O'zini o'lganga solib oldi.

— Nega barcha fil'm qahramonlari ertalab yuvinib bo'lgach, nonushta qilishga, gazeta o'qishga-yam ulgurishadi?
Men har kuni ertalab yuvinib-kiyinishga zo'rg'a ulguraman ...

Er-xotin xorijga dam olishga borishibdi. Mehmonxonaga kirishsa, xonada sichqon yugurib yurgan emish.
— Voy-dod, sichqon!, - baqiribdi xotini. — Tezroq ma'murga qo'ng'iroq qiling. Ingliz tilini bilasiz-ku axir!
Eri raqamni terib:
— Hallo (Salom)
— Hallo (Salom)
— Do uou know «Tom and Jerru»? (“Tom va Jerri”ni bilasizmi?)
— ues, I do (Ha, bilaman!)
— Jerru is here. (Jerri shu erda!)

Yosh bolakay onasiga kelib:
— Oyijon, men hisoblashni o'rganib oldim.
— Juda-yam yaxshi. Nimani hisoblashni o'rganding?
— Men hammani ahmoq deb hisoblayman!

Bir yigit do'stiga:
— Soatga qara! Faqat bir tomonga qarab yuradi. Bilasanmi, bu nimani anglatadi? Bu hayotingdagi o'tkan ishlarni unut, eski narsalarni eslama, faqat oldinga qarab yur degani!, - desa, do'sti:
— Ey faylasuf, gapni boshqa yoqqa burma-da, o'tgan oy olgan qarzingni qaytar, - dermish.

<< < 662 663 664 665 666 667 668 > >>

Tavsiya qilamiz

Bosh sahifa