Latifalar

— Mana do'stim, 2017 yil ham tugab boryapti. Bu yil nimalarga erishding?
— Men tirik qoldim...

— O'g'lim, onang seni kundaligingni tekshirishimni tayinladi!
— Adajon, axir yuragingizni mazasi yo'q-ku!
— Faqat sen menga qayg'urasan, o'g'lim...

Bir kuni o'rmonda sherni tug'ilgan kuni bo'libdi. Sher:
— Kim aroqqa borib keladi? - desa, hech kimdan sado chiqmabdi.
Shunda qirq oyoq:
— Men borib kelaqolay, - deb chiqib ketibdi.
Bir soat o'tsa ham, qirq oyoqdan darak yo'q emish. Hayvonlar endi g'iybat qilib turishsa, eshikni qirq oyoq sekin ochib:
— Hammasini eshitib turibman. Endi o'ttiz to'qqizinchi oyog'imga krasovkamni kiyib bo'ldim, - dermish.

Shrek mul'tfil'mida eshak drakonga uylanganmi? Demak biz albatta turmush quramiz...!

Yangi yil kuni yosh qiz xomush o'tirib:
— Qorbobodan sovg'aga "Ertaklardagidek, shahzoda meni qidirib kelsin!" deb so'ragan edim. Piyonista qo'shnim Timur aka eshigimni taqillatib kelishini nazarda tutmagandim...

— Internetga kirib "Chiroyli, aqilli, qaddi-qomati kelishgan, mehribon qiz bilan tanishmoqchiman" deb yozib o'tirsam, bir zumda orzuimdagi go'zal orqamga kelib qolibdi. Faqat qo'lida o'qlov bilan komp'yuterimga qarab turgan ekan...

Bir kuni quyon o'rmonga yangi Kaptiva minib kelibdi. Bo'ri va boshqa hayvonlar qiziqib:
— Qaysi pulga olding, - deb so'rashibdi, shunda quyon:
— Bir necha yil pul to'plab oldim, - debdi. Bo'riga qarab:
— Sen ham aroq ichavermay, pulingni to'pla, - deb ketibdi.
Ertasiga o'rmonda shovqin-suronmish. Hayvonlar qarasa bo'ri vertolyotda uchib kelibdi.
Hamma hayvonlar vertolyot uchun buncha pulni qaerdan olding, - deb so'rashibdi. Shunda bo'ri, — Hamma aroq shishalarimni topshirib yubordim, - debdi.

Yangi yilga ikki kun qolganda rahbar ofisga kirib kelibdi:
— Assalomu alaykum, o'rtoq boshliq!
— Salom. Sen yangi kelganlardansan-a?
— Ha, shunday!
— Topishmoq aytaman top! "Kim ichmaydi, chekmaydi. Yangi yilda navbatchilikda qoladi!"
— ...

— Sen echkisan! Istasang, hozir isbotlab beraman.
— Isbotla-chi?!
— Chelakdan suv ichasan-mi?
— Yo'q!
— Ana ko'rding-mi? Shoxlaring xalaqit beradi-da...!

Yo'l patrul' xizmati xodimi shubhali mashinani to'xtatsa, rul'dagi haydovchi g'irt mast emish.
— Ichib turasizmi haydovchi? - deb so'rabdi xodim.
Haydovchi aroq to'la piyolani unga uzatib:
— Siz bilan birinchi martta, - degan ekan.

<< < 697 698 699 700 701 702 703 > >>

Tavsiya qilamiz

Bosh sahifa