Latifalar

— Sen birinchi uzat!
— Yo'q, sen uzat!
— Birinchi uzat!
— Uzat!
— Bunaqada oshni tarqatib bo'lmaymiz. uzat, kutib qolishdi mehmonlar.

Bir tanishim gapirib berdi. U ishxonada biror qiyinchilikka duch kelsa, cho'ntagidan xotinini suratini olib, qarab qo'yarkan-da, darhol tinchlanarkan.
Xotinini suratiga qarab shunday der ekan:
"Etti yildan beri shu shallaqi, janjalkash, vaysaqi bilan yashab kelyapman-ku, ishxonadagi qiyinchiliklar buni oldida nima bo'pti?! Hammasi joyida!"

Askar chegara buzg'unchisini qo'lga olibdi. Buzg'unchi sigir terisini yopinib olib, mollar podasi orasida o'tib ketayotganda chegarachi uni payqab qolibdi.
Buzg'unchini qo'lga tushirgan askarni qahramon deb atab, undan interv'yu olishibdi:
— Ayting-chi, dushmanni qanday qilib qo'lga oldingiz?
Chegarachi Vanya minbarga chiqib, hikoyasini boshlabdi:
— Davlat chegarasini muhofaza qilib, qamish orasida o'tirar ekanman, yonimdan mollar podasi o'tib qoldi. Kutilmaganda sigirlardan biri podadan ajralib chiqib, yonimga keldi-da: «Davlat chegarasiga olib boradigan yo'lni ko'rsatib yuboring, iltimos», deb qoldi. Ana shundagina miyam ishlab, u begona sigir ekanligini fahmlab qoldim. Axir, mahalliy mollar yo'lni yaxshi bilishadi-ku!

— Azizim, men bilan tanishmasingizdan avval, kimnidir parvarish qilganmisiz?
— Ha, qishloqda, sigirlarni parvarishlaganman.

Shifokor qabulida bemor:
— Doktor, ba'zan shunaqa holatlar bo'ladiki, men odamlar bilan suhbatlashayotganimda, juda ko'p gapiraman. Keyin o'ylanib qolaman. Gaplarimni hayolimda gapiryapmanmi? Ovoz chiqarib aytyapmanmi? Bilmay qolaman. Siz bunga nima deysiz? - desa, doktor bemorga biroz tikilib:
— Gapirasizmi yoki shunaqa jim o'tiraverasizmi? - dermish.

— Oyijon, bitta tish yuvish vositasini surtib chiqsak, nechi metrgacha etishi mumkin?
— Bilmadim qizalog'im...
— Hammomdan oshxonagacha nechi metr chiqadi? Shuni bilsangiz bo'ldi.

Haydovchilar yo'lda biror xavf bo'lsa, avtomobil' chiroqlarini yoqib-o'chirib boshqa haydovchilarni ogohlantirishadi. Yo'llarimizda eng ko'p uchraydigan xavfni bilishadi. DAN xodimini ko'rib qolishsa...

Maktabda dars boshlanib, o'qituvchi o'quvchilarga debdi:
— Hozir oraliq imtihon topshirasizlar!
Bir o'quvchi:
— Kal'kulyatordan foydalansak bo'ladimi?
O'qituvchi:
— Ha bo'ladi.
Yana bir o'quvchi:
— Mendeleev jadvalidan-chi?
O'qituvchisi:
— Albatta mumkin! Demak, yozib oling, imtihon mavzusi: "Ikkinchi jahon urushi".

Qulog'i eshitmay qolgan otaxon vrach qabuliga kelib uchragan ekan. Vrach unga no'xatday keladigan Yaponiyada ishlab chiqarilgan apparatni cholning qulog'iga o'rnatib beribdi. Orada bir oy o'tib, vrach choldan xabar olish uchun qo'ng'iroq qilibdi:
— Otaxon, apparat yaxshi ishlayaptimi? Oila a'zolaringiz nima fikrda? - desa, chol kulib:
— Hammasi yaxshi. Uydagilar eshita boshlaganimni bilgani yo'q. Lekin bir oy ichida vasiyatnomamni uch martta o'zgartirdim..., - dermish.

Er-xotin va qizi ovqatlanayotgan ekan, onasi qiziga:
— Qizim senga nima bo'ldi? Juda xomushsan, ovqatingni egin, - desa, eri xotiniga:
— Shuniyam bilmaysanmi? Qizingni erga berish kerak, - debdi. Oyisi yana qiziga:
— Ol qizim, ovqtingni egin, kasal bo'lib qolasan axir, - desa, eri yana xotiniga:
— Buningni dardi ma'lum, erga berish kerak! - debdi.
Onasi yana qiziga:
— Qizim hozir ovqating sovub qoladi, - desa, qizi:
— Uf-f-f oyi, birpas jim turing! Dadam gapirsinlar! - dermish.

<< < 700 701 702 703 704 705 706 > >>

Tavsiya qilamiz

Bosh sahifa