Latifalar

Uch og'ayni suhbatlashib qolishibdi. Birinchisi:
— Men o'tgan yili yangi yilni Gavaya orollarida kutib olgandim.
Ikkinchisi:
— Men esa, okean tubida kutib olganman. Ajoyib bo'lgandi...
Uchinchisi:
— Ikkaloving ham men bilan choyxonada kutib olgansan! Kamroq ichish kerak edi!

Afandi bir kuni tovuqlariga qarab hayol surib o'tirsa, xotini ko'rib:
— Nimani o'ylab o'tiribsiz, - debdi.
Afandi:
— Biz eng oliy mavjudod bo'la turib, shu parandalarchalik bo'la olmaymiz. Qara, bitta xo'rozni qirqta xotini bor, bolalari esa behisob bo'lsa ham, hech qaysi biriga aliment to'lamaydi va eng qizig'i birorta ham qaynonasi yo'q, - debdi.

Hurmatli qo'shnilar!
Meni kvartiramdan eshitilayotgan musiqa sizlarga yoqsa, batareyaga 1 martta uring. Yoqmasa 2 martta, keyingi musiqaga o'tish uchun esa 3 martta uring!
Muallif: 7 qavatdagi qo'shningiz.

— Menga juda kuchli budil'nik kerak.
— O, ayni vaqtida keldingiz. Bizda zo'ri bor. Avval o't o'chiruvchilarning sirenasi chalinadi, uning ortidan artilleriya ovozlari eshitiladi. Bu ham foyda bermasa, ustingizga bir chelak sovuq suv sepadi. Shundan keyin ham o'rningizdan turmay yotaversangiz o'zi ishxonangizga qo'ng'iroq qilib, sizning kasal bo'lganingizni bildirib qo'yadi.
— Kuchsizlik qilmasmikan?..
— Yana bittasi bor. Yuqoridagilarni bajarganidan keyin ham uyg'onmasangiz, go'rkov bilan domlani ham qidirib topib keladi.

Bir yigit qizni orqasidan yugurib:
— Yaxshi qiz, siz bilan tanishsam bo'ladimi?
Qiz ortiga o'girilib:
— Yo'q, - desa, yigit qo'rqib ketib:
— Voy, xudoga shukur-ey, - dermish.

Qiz yigitiga qo'ng'iroq qilib:
— Nega shuncha qo'ng'iroq qilsam ham javob bermadingiz?
Yigit telefoniga qarab olib:
— Voy, 23 martta qo'ng'iroq qilibsan. Nima gap?
— Bugun uchrashuvimiz bor edi. 11 ta qo'ng'irog'im shunga edi!
— Qolgan 11 tasichi?
— Uchrashuvga nega kelmaganingizni bilmoqchi edim.
— 24-sini-chi?
— Oramiz ochiqligini aytmoqchi edim.

— Allo, menga yordam kerak!
— Nima gap?
— Ikkita qiz meni talashib urishmoqda!
— Xo'sh, nima bo'pti?!
— Xunugi g'alaba qilyapti!

— Komp'yuterim printerni ko'rmayapti.
— Qanaqasiga?
— Shunaqa deb yozib chiqyapti. Printerni komp'yuterimni oldiga olib kelib qo'ysam ham ko'rmayapti.
— Qo'ling bilan ko'rsatib ko'r-chi...!

Yosh o'qituvchi sinfga kirib kelib:
— Salom bolajonlar, - desa, sinfdagi bolalar bir ovozdan:
— Yo'qol, chiqib ket! - deb baqirishibdi.
Qo'rqib ketgan yosh o'qituvchi direktor xonasiga yugurib kirib, vaziyatni tushuntirsa, direktor:
— Bu sinf o'quvchilariga avval "qarmoq" tashlab ilintirib olish kerak. keyin dars boshlaysiz. Yuring ko'rsataman, - deb sinf eshigini tepib kiribdi-da:
— Orangizda kim globusni koptok qilib o'ynay oladi? - so'rabdi.
O'quvchilar:
— Globus nima o'zi? - deyishibdi.
— Globus haqida yangi o'qituvchingiz gapirib beradi, - degan ekan.

Xotin eriga:
— Meni hech qaerga olib bormagansiz...!
Er:
— Mayli, ertaga axlat tashlashga birga olib ketaman.

<< < 699 700 701 702 703 704 705 > >>

Tavsiya qilamiz

Bosh sahifa