Latifalar

Samolyotda uzoq yo'lga chiqqan yo'lovchilar orasida bitta gapdon kishi uchrab qolibdi.
Hamma jim ketayotsa, har bitta yo'lovchiga savol berib gapira boshlabdi:
— Siz qaerlarda bo'lgansiz?
— Amerikada.
— Men ham u erda bo'lganman. Ajoyib yurt...
— Siz qaerda bo'lgansiz?
— Gavay orollarida.
Shunda haligi kishi yana maqtanib ketibdi:
— Ha men Gavay orollarida dam olganman, - deb rosa maqtanibdi.
Qarasa uchinchi yo'lovchi tomonga burilib, endi gapira boshlagan ekan, u odam ham jahli chiqib:
— Men onamni qornida bo'lganman faqat, - desa, gapdon odam:
— O, men ham u erda 9 oy bo'lganman, - dermish.

— Onasi, o'g'limizni bog'chadan olib keldim!
— Nimalar deyapsiz? Kimni bolasi bu? Bizni o'g'limiz maktabga chiqqaniga 2 yil bo'ldi-ku!

Milisiyaga ishga kirmoqchi bo'lgan bola, hamma komissiyadan o'tib, oxiri boshliqni suhbatiga kiribdi.
Boshliq:
— Xo'sh, mana komissiyadan yaxshi o'tibsan. Qani ayt-chi, Kumushga kim zahar berib o'ldirgan?
— Bilmayman o'rtoq boshliq.
— N'yutonni boshiga tepadan nima tushgan?
— Uni ham bilmayman...
— Senga bir hafta muhlat. Aniqlab kelasan, - debdi.
Yigit uyiga kelsa, adasi so'rabdi:
— Ha o'g'lim, ishga olishdimi? - desa, o'g'li:
— Ha ada olishdi. Birinchi ish kunimni o'zidayoq ikkita jinoiy ish ham berishdi, - dermish.

— Salom, mening ismim G'ulom. Men alkogolikman. Men aroq ichaman.
— Salom, men Sherzodman. Men ham alkogolikman. Men asosan viski ichaman.
— Salom, men Hamid bo'laman. Men barmenman. Buyurtmani qabul qildim.

— Dugonajon, ozib, chiroyli bo'lib ketibsanmi ?
— Ha, 85 kilogramm edim. Mana hozir 70 kilogramman.
— Parhez qildingmi?
— Yo'q. Hammasiga erim sababchi. Erimni boshqa ayol bilan uchrashib yurganini sezib qoldim. Alamimdan ozib ketyabman.
— Ajrashib ketmaysanmi?!
— Ajrashaman. Yana 15 kilogramm ozay, albatta ajrashaman.

Bir askar buvisiga xat yozibdi:
"Mehribon buvijonim! Sizni ko'rgani borish uchun ruxsat so'radim. Lekin berishmadi. Uyda biror arzirli sabab bo'lmasa, bizlarga uyga ruxsat bermas ekan.
Shu sabab, konvertga qo'shib, poslka jo'natyapman. Poslka ichida granata bor. Shu granatani simini tortsangiz, men uyga borib-kelardim".

Erta tong. Soat 8:30:
— Azizim, men homiladorman!
Kun. Soat 10:30:
— Ismini nima qo'yamiz?
Peshin. Soat 13:30:
— Qaysi institutga o'qishga kiradi, adasi?

Manti bilan chuchvara bir-birlarini sevishar edi. Bir kun chuchvara somsaga turmushga chiqib ketibdi.
Bunga chidolmagan manti o'zini lag'monga osib qo'yibdi.

Harbiy xizmatdagi askarga sevgan qizidan xat kelibdi.
Do'stlari bilan ochib qarashsa, oppoq qog'oz. Hech narsa yozilmagan.
— Nega bunday? - deyishsa,
Askar:
— Arazlashib qolgandik, - dermish.

Ona o'g'lidan so'radi:
— O'g'lim qarachi dadang kelyaptimi?
— Ha, kelyaptilar.
— Dadang yo'lni qaysi chetida kelyaptilar?
— Ikkala chetida ham onajon!
— ... yana ichibdi...!

<< < 718 719 720 721 722 723 724 > >>

Tavsiya qilamiz

Bosh sahifa