Latifalar

Jang maydoniga oshpaz emaklab kelib, akopdagi askarlardan:
— Bugun nima ovqat qilay? - desa, bo'linma komandiri:
— Osh qil! - debdi.
— Necha kilo qilay? - so'rabdi oshpaz:
— 10 kg necha kishiga etadi? - debdi yana komandir.
— 90-100 kishiga etadi, - desa,
— Bo'lmasa jangdan keyin qilasan, - dermish.

Bir bola otasiga maqtayapti:
— Ada, sinfdagi eng yalqov bola endi men emasman!
— Nega? Yaxshi o'qiy boshladingmi?
— Yo'q, bugun mendan ham yalqovroq bola keldi sinfimizga!

Telegrammdagi suhbatdan:
— Sevgan qizingiz bormi?
— Yo'q.
— Unday bo'lsa, biron erda uchrashib, tanishib olsak bo'lar ekan.
— Afsuski, buning iloji yo'q...
— Sabab?
— Xotinim ruxsat bermaydi.

Universitetni tamomlagan chiroyli, yosh qiz maktabga nemis tilidan dars berish uchun kelibdi. Maktab direktori yosh o'qituvchini tekshirish maqsadida, u dars o'tayotgan xonaga kirib, oxirgi partadagi o'quvchining yoniga joylashibdi. Yosh muallima doskaga nemis tilida jumla yozib, bolalardan so'rabdi:
— Qani, kim doskadagi yozuvni tarjima qiladi?
Orqa partada, direktorni yonida o'tirgan bola qo'lini ko'tarib:
— Bugun uchrashsak bo'ladimi? deb yozilgan ustoz, - desa, o'qituvchini jahli chiqib:
— Nima? Voy tarbiyasiz-ey! Narsalaringni yig'ishtir-da, yo'qol!!!
Bola narsalarini yig'ishtirib, direktorga qarab, yig'lamsirab debdi:
— Nemischani tarjima qilishni bilmaskansiz, nima qilardingiz menga o'rgatib?!...

Beshta og'ayni choyxonada o'tirsa, telefon jiringlabdi:
— Allo, adasi, kecha men sizga aytgan tilla zanjirni bugun qo'shnimiz sotib chiqdi. Olaveraymi?
— Ha, olaver!
— Keyin, internet orqali yangi telefonga ham buyurtma berib yubormoqchiman, maylimi?
— Mayli!
— Kelasi hafta 8 mart bayrami ekan. Shunga yangi ko'ylak ham tiktirmoqchiman. Uydagi puldan olib, tikuvchiga borib kelsammikin degandim?!
— Xo'p mayli, boraver!
Telefon suhbati tugagach, yigit telefonni joyiga qo'yib debdi:
— Og'aynilar, manavi telefon o'zi kimniki edi???

Boshliqning "Oltin qoidalari":
1. Boshliq hamisha haq.
2. Boshliq kech qolmaydi, ish yuzasidan ushlanib qoladi.
3. Boshliq xodimalarga tegajoqlik qilmaydi, ularga e'tibor qaratadi.
4. Boshliqni xonasiga o'zingni g'oyalaring bilan kirib, boshliqni g'oyalari bilan chiqishing kerak.

Vrach bemordan:
— Sizga nechi pullik narkozdan qilay?
— Eng arzonidan!
— Alla, alla, alla-yo...

Ikki askar bir-biriga maqtanyapti. Birinchisi dedi:
— Xotinimning qo'li gul! Shimimga yamoq solsa, yamoq solgani umuman bilinmaydi-e!
Ikkinchisi bo'sh kemadi:
— E buning nima bo'pti!? Mening xotinchamni qo'lini gul desang arziydi! Kiyimlarini yuvsa, yuvgani umuman bilinmaydi!

Afandi erta bahorda boqqa qalamcha ekayotgan bog'bondan so'radi:
— Nima ekayotibsiz?
— Ko'chat, - dedi bog'bon,- hademay ko'karib mevaga kiradi.
— Hammasi quruq kaltak-ku! - dedi Afandi taajjublanib.
— Ha, er-suv quruq kaltakni ham ko'kartiraveradi.
— Bo'masa meni ham erga ko'mib qo'ying, - iltimos qildi Afandi.
Bog'bon kulib Afandining beligacha tuproq tortib ko'mib qo'ydi.
Afandy peshingacha izg'irin shamolda turdi, qorni ochdi, badaniga zax o'tdi. Bog'bon peshinda ovqatga o'tirganida Afandi qichqirdi:
— Taqsir, men bu erda tomir otib, mevaga kirmaydiganga o'xshayman, iloji bo'lsa meni ovqatga yaqinroq joyga o'tqazsangiz.

Bir kuni o'g'li chizgan rasmini dadasiga ko'rsatsa:
— E, qoyil o'g'lim! Huddi o'zimni chizibsan-ku! Faqat nega sochimni rangini jigarrangga bo'yading? - so'rabdi ota.
Shunda o'g'il qalamlariga qarab turib:
— Menda "kal" rang yo'q-da, dada, - dermish.

<< < 716 717 718 719 720 721 722 > >>

Tavsiya qilamiz

Bosh sahifa