Latifalar

Yuqori qavatdagi qo'shnim ertalab bolasiga shunaqa qattiq baqirdiki, men ham bir zumda xonamni yig'ishtirib, issiq kiyimlarimni kiyib oldim.

Ikkita odam baliq tutib o'tirib, bir qadahdan aroq quyishibdi. Shu payt qarmoqqa baliq ilinibdi. Aroqni yoniga qo'yib, qarmoqni tortib chiqarsa, baliq "Shalop" etib aroqni ichiga tushibdi.
Jahl bilan aroqni ko'lga to'kib tashlabdi. Aroqni ichidagi baliq suvga qaytib tushib, sheriklariga maqtanibdi:
— Tepada ikkita ovchi ushlagan baliqlariga bir qadahdan aroq quyib berib, yana suvga tashlab yuboryapti, - dermish.

"Ertaga bajararman..." degan so'z qiyin vazifalar uchun eng ma'qul echimdir!

Bir yigit do'stiga gapirib beryapti:
— Yo'lda ketayotsam, osmondan oldimga "Tap" etib qurbaqa tushdi.
Erda yotgan toshga urildi-yu, go'zal qizga aylanib qoldi.
— Chiroyli qizmi?
— Ha, juda-yam...
— Aqillimi?
— Ha, dono!
— Unday bo'lsa, erdagi toshga juda qattiq urilgan ekan-da...

Sen haqingda hamma narsani bilaman:
1. Hozir Internetda o'tiribsan.
2. Sen saytdasan.
3. Sen hozir buni o'qiyapsan.
5. 4-band yo'qligini payqamading.
6. Ana, tekshirib ko'ryapsan.
7. Endi jilmayding.
latifa.uz sayti bilan hamisha kayfiyating a'lo bo'lsin.

Praporshik askarlarga yangi ishlab chiqilgan tank haqida so'zlab beryapti:
— Qarshingizda fan va texnikaning so'nggi yutuqlari ila yaratilgan jangovar mashina turibdi. Ushbu tank bortiga komp'yuter o'rnatilgan bo'lib...
— O'rtoq praporshik, o'sha komp'yuter tezligi haqida ham to'xtalib o'tsangiz, iltimos.
— Ovsarlar uchun alohida ta'kidlab o'taman. Komp'yuter tank harakatining tezligi bilan teng harakatlanadi!

Bir odam folbindan qarz ekan. Haligi odamni uyiga folbin qarzini so'rab borsa:
— Nima qilardingiz ovora bo'lib?! Menda pul yo'qligi folingizda ayon bo'lmadimi? - dermish.

Eronning futbol terma jamoasi murabbiysi sehrli chiroqdan chiqqan jindan so'rabdi:
— Qachon meni jamoam jahon chempionatiga chiqadi?
Jin:
— 2024 yilda, - debdi. Murabbiy yig'lab:
— Men u kunlarni ko'rmasam kerak, - debdi.
Yaponiya, Koreya, Qatar futbol jamoalarining murabbiylari ham jinning javoblaridan yig'lab:
— Biz u kunni ko'ra olmasak kerak, - deb ketishibdi.
Oxiri navbat bizning murabbiyga kelibdi:
— Qachon meni o'yinchilarim jahon chempionatiga chiqishadi? - desa,
Jin yig'lab:
— U kunlarni ko'rish menga nasib qilmasa kerak, - dermish.

Qabriston qorovuli boshlig'iga borib ishdan bo'shatishini talab qildi.
— Meni ishdan bo'shating, to'ydim!
— Ie, nimaga?
— Qabrlarni har kuni oralab yuraman. Qaerga qaramay, "Bu erda falonchi yotibdi", "Bu erda pismadonchi yotibdi" degan yozuvga ko'zim tushadi. Nima, birgina men ishlashim kerakmi bu erda?

Erkak yarim tunda xotinini uyg'otib:
— Tur, ko'zoynagimni olib ber!
— Yarim kechada nima qilmoqchisiz?
— Qiziqarli tush ko'rayotgan edim, ko'zoynakda yaxshiroq ko'raman-da!

<< < 715 716 717 718 719 720 721 > >>

Tavsiya qilamiz

Bosh sahifa