Latifalar

Bir yigit chet elda 5 yil yurib, uyga qaytibdi. Qaytibdi-yu, lekin nuqul ruscha gapirarmish. Qishlokdan xolasi ko'rgani kelibdi. Salom-alikdan so'ng xolasi hasrat boshlabdi:
— Bolam, o'tgan yili pochchang ham olamdan o'tdilar, - desa. Yigit:
— Chepuxa, - debdi. Xolasi u ruschasiga "Hudo rahmat qilsin" degani bo'lsa kerak-da deb:
— Nima ham qilardik bolam, bizam "Chepuxa" deb o'tiribmiz, - dermish.

Xitoyliklarda xiyonat degan tushuncha umuman yo'q ekan.
Agar mabodo adashib, xiyonat qilib qo'yishsa:
— Kechirasizlar, bilmay qoldim, - deb bosh egib turaverisharkan.

Teatrda katta prem'era ketyapti. Sahnada aktyorlar rol' ijro etishyapti. To'satdan tomoshabinlar orasida mast odamning ovozi:
— Zalda vrach bormi? Bormi vrach orangizda?
Hamma o'rnidan turib, zalda vahimali shovqin boshlanib ketibdi. Aktyorlar ham to'xtab qolishibdi.
Shu payt oldingi qatordan bir odam:
— Ha, men vrachman. Nima gap? - desa, shirakayf ovozda haligi mast kishi:
— Zo'r spektakl' ekan-a, hamkasb!? - dermish.

Haydovchilik guvohnomasiga o'qiyotgan bir yigit o'qituvchiga savol beribdi:
— Qizil chiroqda chorrahani kesib o'tsa bo'ladimi?
O'qituvchi ham charchab, asabi buzilib turgan ekan:
— Ha bo'ladi. Faqat ikkala qo'lingni ko'tarib o'tishing kerak, - debdi.
— Nega aynan qo'lni ko'tarish kerak, - desa, o'qituvchisi:
— O'lganingdan keyin echintirish oson bo'lishi uchun, - dermish.

Dugonalar suhbatidan:
— Dugon, avtobusga chiqsam nuqul erkaklarning o'ng qo'liga qaraydigan bo'lib qoldim. Bu yoshim o'tganini belgisimi?
— Yo'q ,agarda bo'sh joy axtarib qolsang, shunda yoshing o'tgani aniq bo'ladi...

Tobim qochsa ham, kasalxonaga yota olmayman. Hayolimda kasalxonaga yotsam, palataga xotinim kirib keladi-yu, tepamda turib, — "Ataylab, ishlamaslik uchun yotib oldingizmi bu erga!?", - deb javray boshlaydi, yana...

— Guli, yuzingga nima qildi? Huddi eri urgan xotinni yuziga o'xshab qolibdi.
— Yashshamagur sigirimiz, shunaqa qilib qo'ydi.
— Voy, yuzingga tepib yubordimi?
— Yo'q, har kuni sog'ayotganimda dumi bilan yuzimga uraverardi. Dumi qimirlamasin deb, g'isht bog'lab qo'ygandim.

Chet ellik yirik tadbirkor homiylik qilmoqchi bo'lgan korxonaga kelib, qiziqarli voqea aytib beribdi. Zalda o'tirganlarni hammasi kulib yuborishibdi. Shunda badavlat tadbirkor tarjimonga:
— Qanday qilib aniq tarjima qila olding? Hamma rossa kulyapti? - desa, tarjimon dermish:
— Sizlarni homiyingiz latifa aytyapti, kulishingiz shart! - dedim xolos...

Harbiy qismga kelgan yosh askar Sharipovning otasi vafot etgani haqida xabar kelibdi. Ofiserlar bu shumxabarni unga qanday etkazish haqida o'ylay boshlashibdi. To'g'ridan-to'g'ri aytay desa, askar hali yosh. O'zini biron nima qilib qo'yishi mumkin. Oxiri komandir yaxshi usul taklif qilibdi. Ertalabki yig'inda qism komandiri buyruq beribdi:
— Otasi borlar 1 qadam oldinga "Shagom marsh"!!! Sharipov sen qayoqqa???

Qiz:
— Sen iflosni deb hayotim alg'ov-dalg'ov bo'ldi. Senga butun yoshligimni sarfladim, - deb baqirayotsa, oshxonadan onasini ovozi eshitilibdi:
— Diplomni tinch qo'y qizim!!! - dermish.

<< < 729 730 731 732 733 734 735 > >>

Tavsiya qilamiz

Bosh sahifa