Latifalar

Ikkita kishi quruvchilar kiyimida avtosalonga kirib kelib, Bentli avtomobilini narxini surishtira boshlashibdi. Pullari etmasligini aytib, bir-biri bilan toptisha boshlashibdi.
Quruvchilarga oddiyroq, arzonroq avtomobilni tavsiya qilmoqchi bo'lgan avtosalon xodimi:
— Pulingiz kamroq bo'lsa, balki arzonroq mashina olib turarsizlar?! - desa, quruvchilardan biri asabiylashib:
— Biz tepadan tushirib yuborgan shlakoblok aynan, Bentlini ustiga tushib ketdi-da...! - dermish.

Yigit qizga sms yozayapti:
— Shalom shevgilim! Yaxshimisan?
Qiz hayron bo'lib:
— Jonim, nega "s" harfini o'rniga "sh" harfini yozayapsiz?
— Og'zimda nosim bor-da, ashalim!

Ikkita yigit barga kirib, ichib o'tirishsa,ro'parasida ko'zgu bor ekan. Biri ikkinchisiga qara:
— Anavilarni qara, yigirma yildan keyin biz ham huddi shularga o'xshab qolamiz, - desa, ikkinchisi:
— Ahmoq, bu ko'zgu-ku...! - dermish.

Harbiy xizmatni o'tayotgan o'g'liga ota-onasidan xat kelibdi:
"Aziz bolajonim! Mana, xizmating ham tugay deb qoldi. Uyga qaytishingga qanday sovg'a tayyorlab qo'yaylik? Mashina olib qo'yaylikmi? yoki yangi uy olaylikmi? Balki kelin topib qo'yarmiz...?"
Armiyadagi o'g'lidan javob xati kelibdi:
"Mehribon adajonim va onajonim! Menga mashina ham, uy ham, kelin ham kerakmas! Bitta qo'chqor olib, unga Qo'chqorov deb laqab qo'yinglar. Harbiy xizmatdan uyga qaytgach, o'sha praporshik Qo'chqorovni so'yib, go'shtini eyman!"

Sher o'rmondagi hamma hayvonlarni yig'ib, latifa ayttiribdi.
— Kimni latifasi kulgili chiqmasa, o'shani eyman, - debdi sher.
Birinchi bo'lib quyon latifa aytibdi. Hamma hayvonlar kulibdi. Faqat jirafa kulmabdi. Sher quyonni eb bo'lgach, bo'ri latifa aytibdi. Jirafa rossa kulibdi.
— Nega kulyapsan? - deyishsa, jirafa:
— Quyonni latifasi kulgili ekan, - dermish.

Bir kuni yosh yigit ko'chada ko'zgu topib olibdi. Unda o'zini aksini ko'rib:
— Men bilan urishasanmi? To'xtab tur, unda hozir krossovkamni kiyib kelay, - deb ketibdi.
Qaytib kelgunicha ko'zguni mashina bosib, maydalab ketibdi. Shunda yigit:
— Nomard, bir kishiga nechtang urishansanlar, - dermish.

— Sizlarga mazza, mijozlardan choy-chaqa pulini olib turasizlar...
— Sizlarda-chi?
— Bizlarda buning uchun qamashlari mumkin.
— Qaerda ishlaysiz?
— GAIda...

Ikki dugona suhbatidan:
— Kecha erim bilan hazillashib, holatini tomosha qilish niyatida ko'ylagining elka qismiga lab bo'yog'ini surtib, rashk janjalini ko'tarmoqchi bo'ldim.
— Xo'sh? Qalay chiqdi haziling?
— Hazil deysanmi? Qilmishiga iqror bo'ldi!

Arzimagan kichik sabablarga ham quvonib yurish kerak!
Faqat kichkina uy va maosh uchun emas...!

Er-xotin uyquga ketayotsa, shkaf ichidan ovoz kelibdi:
— Ering uxladimi?
Xotini:
— Shunaqaga o'xshaydi?!
Shkaf ichidan:
— Unday bo'lsa, men ketdim!
Shu payt eri sakrab o'rnidan turib:
— Hali seni kredit pulingni to'lab bo'lmadim. Qayoqqa ketasan???

<< < 731 732 733 734 735 736 737 > >>

Tavsiya qilamiz

Bosh sahifa