Latifalar

Ayoli eriga qarab:
— Shu suratdagi bolakayni ko'ryapsizmi?
— Ha, nima edi?
— Kechqurun shu bolani bog'chadan olib kelasiz...

Suqrotga:
— Qara, odamlar ortingdan seni haqorat qilishyapti, - deyishibdi.
Shunda Suqrot:
— Ortimdan bo'lsa kaltaklashsa ham mayli, - degan ekan.

Ko'chada uchta odam ketayotgan ekan. Biri ko'r, ikkinchisi cho'loq, uchinchisi kal ekan. Yonidan katta tezlikda mashina o'tib ketsa ko'r debdi:
— Mashinani raqamini yozib oldim!
Cho'loq debdi:
— Shu mashinaga etib olaymi?!
Kal bo'lsa jahl bilan:
— Chiroyli soch turmagimni buzib yubordi, - degan ekan.

— Nega Rossiya o'zini "Evroosiyo" deydi? Axir bu mamlakatni asosiy qismi Osiyoda joylashgan-ku!?
— Demak ular "Evroosiyo" emas, balki "Osiopa"dir!"

Yangi ko'ylak kiygan xotin eridan so'rabdi:
— Bu ko'ylak meni semiz ko'rsatmayaptimi?
Eri:
— To'g'risini aytsam, xafa bo'lmaysanmi?
— Yo'q! Gapiravering, - debdi xotini.
Eri:
— Yuqori qavatda yashaydigan qo'shni ayol menga juda-yam yoqadi-da!!!

Ona qizidan so'rabdi:
— Qizim, kechqurun xonangdan gumburlagan tovush keldi. Nima edi u?
— Kiyimlarim polga tushib ketdi.
— Kiyimlaring shunday ovoz chiqardimi?
— Men uni ichida edim-da!

— Oyi, menga kimni miyasi qo'yilgan?
— Adangni miyasi, bolam!
— Nega sizniki emas?
— Menda miya bo'lganida, adangga turmushga chiqarmidim?!

Siyosiy, ma'naviy tayyorgarlikdan o'tgan praporshik Kimsanboev mehnat qilish huquqi borligini bilib tursa-da, tabiatan kamtarligi sababli ushbu huquqidan hech foydalanmaydi.

Boshliq kotibasiga tayinlabdi:
— Bu hujjat juda-yam muhim! Uni xavfsiz, tez topiladigan joyga qo'ying!
Kotiba:
— Stolimdagi atir-upalarimni yoniga qo'yishim kerak ekan-da!

Bir kuni chol-kampir yoshlikni eslashmoqchi bo'lishibdi. Chol kampirga debdi:
— Men seni uchrashuvga chaqiraman.
Chol uchrashuv joyiga borib, kampirni bir soat kutibdi. Kampirni yoniga qaytib kelib:
— Nega bormading, - desa, kampir:
— Onam ruxsat bermadilar, - dermish.

<< < 736 737 738 739 740 741 742 > >>

Tavsiya qilamiz

Bosh sahifa