Latifalar

— Ustoz, 10 ming so'm bilan qaerga dam olishga borsam bo'ladi.
— 1990 yillarda shu pul bilan aylanib kelsang bo'lardi...

Bir aroqxo'rning ichgisi kelib ko'chaga chiqibdi. Hamma do'konlar berk ekan. Nima qilishini bilmay tursa, notanish kampir unga qarab imlabdi.
Yaqinroq borsa, kampir unga bir shisha aroq ko'rsatibdi:
— O-xo, buvijon, aroq necha pul?
— Uch ming besh yuz so'm. Agar yana ichging kelsa, manavi raqamga telefon qil!
Piyonista aroqni uyiga olib kelib ichib ko'rsa, oddiy suv!
Rosa jahli chiqib, kampir bergan raqamga qo'ng'irok qilibdi.
U yokdan ovoz eshitilibdi:
— Shahar suv oqova tarmog'i eshitadi...

— Kecha uyga qaytayotsam, menga bosqinchilar hujum qilib, pullarim va tilla zanjirimni tortib olishdi.
— Qanaqasiga axir?! Seni bir xalta oltin medal' va chempionlik kamarlaring bor edi-ku!
— Bosqinchilar buni bilishmaydi-da...

Bir talaba institut hovlisida ketayotsa, ro'parasidan soqoli o'sgan professor kelayotgan ekan.
— Kechirasiz ustoz, siz uxlaganingizda soqolingizni ko'rpaning tagiga ko'yasizmi yoki ustida turadimi? - debdi talaba professorni to'xtatib.
— Bilmayman. Ahamiyat bermagan ekanman, - deb javob beribdi professor.
Oradan bir hafta o'tgach, talaba institut hovlisida professorni uchratib qolsa, professor jahl bilan unga debdi:
— Yaramas, bir haftadan beri uxlay olmayapman! Soqolimni qaerga qo'ysam ham noqulay bo'lyapti!!!

Ikki dugona suhbatlashmoqda:
— Menga erga tegishni taklif qilishdi...
— Zo'r-ku! Qaysi yigit?
— Yigitmas! Qo'shnilarim...

Do'konga kirib Elma tualet qog'ozini xarid qildim-da, xaltaga joylayotsam, ortimdan kimdir kelib:
— Yumshoq ekanmi? - deb so'radi.
— Ha, juda-yam sifatli, - dedim o'girilmasdan.
— O'tgan safar huddi shunisidan xarid qilgandim, afsuslandim... Shunaqangi qattiq ekan, ishlata olmadim, chidab bo'lmaydi!
O'girilib qarasam, bir yosh yigit tish tozalagich tanlayapti.
Suhbatimizni eshitib turgan kassir qiz kulgidan o'zini bosa olmay qoldi...!

Xotin eriga debdi:
— Azizim, men o'g'limizga ism tanlab qo'ydim!
— Nima ism ekan?
— Leksus deb ataymiz!
— Esing joyidami tentak?
— Endi oilamizda Leksus va Tentak bo'ladi!

— Do'stim, ayt-chi, kimga uylanganim yaxshi? 45 ga kirgan boy bevagami yoki meni sevadigan oddiygina kambag'al yosh qizgami?
— Albatta yosh qizga-da! Axir oilaviy hayotda eng zaruri – bu muhabbat emasmi?! Aytgancha, u beva kim? Nimaga men uni bilmayman? Qaerda yashaydi?

— Yulduz, bilasizmi? Siz juda-yam go'zal, maftunkor, lobar...
— Tushunmadim, menga hushomad qilayapsizmi?
— ... dono ayolsiz!

Sinf xonasiga kirib kelgan o'qituvchi sumkasidan bir narsani uzoq qidirib:
— Ko'zoynagim uyda qolib ketibdi shekilli, - dedi asabiylashib.
Shunda 30 ta bola bir ovozdan:
— O'ziz qolib ketmabsiz-de...! - dermish.

<< < 739 740 741 742 743 744 745 > >>

Tavsiya qilamiz

Bosh sahifa