Latifalar

Hamshira bemorga maslahat beryapti:
— Agar shifokorga ataganingiz bo'lsa operasiyagacha bering! Aks holda keyin kech bo'lishi mumkin...

— Yaxshi qiz, sizni suratga olsam maylimi?
— Nega kerak sizga???
— Telefonimni ekraniga qo'ymoqchiman, bolalarim unga tegmasliklari uchun...

Dugonalar hasratlashmoqda:
— Erimni qara! Vaqt allamahal bo'ldi, haligicha qaerlardadir mast bo'lib sang'ib yuribdi.
— Meni erimdan o'rnak olsa bo'lmaydimi?! Uni allaqachon olib kelib tashlashgan...

Yarim tunda uyiga qaytgan qizga eshik ochgan otasi debdi:
— Keldingmi qizim?
— Ha, dada men bugun sal vaqtliroq keldim.
— Barakalla qizim. Endi kiyinib olginda borib uxla...

Bir kuni jurnalist futbolchidan so'rabdi:
— Nega siz boshqa ish qilmaysiz yoki iste'foga chiqmaysiz? Yaxshi o'ynay olmayapsiz-ku.
Futbolchi:
— Ie, unda oilamni kim boqadi?! Maydonda sal-pal yugurib, katta maosh olyapman..., - dermish.

Kechasi ichib kelgan er ertalab zo'rg'a boshini yostiqdan ko'tarib baqiryapti:
— Eh qaynonama, shunaqayam odam bo'lasizmi!
Bu gapni eshitgan xotini yugurib keldi:
— Tinchlikmi, onam sizga nima yomonlik qildilar?
— To'g'risiyamda! Qizlariga shunday ism tanlashganki, ertalab eslay olmayman!

Ko'chada qo'shni ayolni ko'rib qolib, undan so'radim:
— Qaerga ketyapsiz?
— Vazirlikka. Tartibga keltirib kelish uchun.
— Qoyilman! Juda-yam jur'atli ekansiz-ku?!
— Yo'q, men shunchaki u erda farroshman...

E'lonlar bo'limiga kelgan qiz:
— Mendan fotomodel chiqadimi? -deb so'rabdi.
— Yo'q, sizdan faqat fotorobot chiqishi mumkin.

Uchta askar - rus, qirg'iz va o'zbek kartada qimor o'ynab o'tirishsa, komandir kelib ko'rib qolibdi. Askarlar kartalarni berkitishibdi. Komandir:
— Xizmat vaqtida qimor o'ynab o'tiribsizlarmi? desa,
Rus askar:
— O'ynamadim, o'lay agar, - debdi.
Qirg'iz ham:
— Til tortmay o'lay, kartam umuman yo'q, - debdi.
ShUnda o'zbek askar:
— O'rtoq komandir, manavi ikkita o'liklar bilan karta o'ynab bo'ladimi axir...?! - dermish.

Ayollarni 3 toifaga bo'lish mumkin:
Aqlli, chiroyli, mehribon.
Ammo ba'zan alohida xillarini ham uchratish mumkin. Masalan:
Aqlli+chiroyli=janjalkash.
Aqlli+mehribon=hunuk.
Mehribon+chiroyli=ahmoq.
Aqlli+mehribon+chiroyli=uni qadrlamaydigan tentak bilan uchrashib yuradigan.

<< < 765 766 767 768 769 770 771 > >>

Tavsiya qilamiz

Bosh sahifa