Latifalar

Bugun avtobusda uyga qaytayotsam, negadir hamma yo'lovchilar tovush chiqarmasdan jimgina ketishmoqda.
Tushayotganda ham jim... Yo'lovchilar nega bunday ovoz chiqarmay, shovqin qilmay ketayotishganiga hayron bo'lib, chiptachiga qarasam, chiptachi uxlab qolgan ekan...

Yaponlar bitta so'kinganda 1 daqiqa minut oldinga o'tib qoladigan soat ixtiro qilishibdi. Tekshirish uchun soatni yapon bariga ilib ko'rishibdi. Ertasiga qarashsa 2 daqiqa oldinlabdi. Keyin rus bariga ilib ketishibdi. Ertasiga qarashsa, 20 daqiqa oldinga o'tib qolibdi. Oxiri o'zbek choyxonasiga ilishibdi. Ertasiga qarashsa, soat yo'q emish.
— Soat qani? - deyishsa, choyxonachi:
— E, u soatmidi? Biz qishda ventilyator nimaga aylanib turibdi deb olib tashlabmiz...- dermish.

Rokfeller degan odam 100 million pul yig'ishni va 100 yoshga kirishni niyat qilgan ekan.
300 million pul yig'ibdi-yu, 97 yoshga kirib qazo qilibdi.
Hamma niyatlar ham amalga oshavermas ekan-da...

Boshliqning kotibasi:
— Aziz Qodirovich, boyadan beri telefon jiringlayapti. Sizni so'rashyaptimi yoki menimi bila olmayapman...
— Bu nima deganingiz???
— Go'shakni ko'tarsam, "Dangasani mumkinmi?" - deyishadi. Bilolmayapman, sizga ulab beraymi yoki o'zim gaplashaymi...

Agar internet tezligiga ham pedal' o'rnatilganda edi, insonlar kamroq semizlik kasalligiga uchrar edilar.

— Bankomatni buzib, pul olish uchun xaker qanday yo'l tutadi?
— Qo'liga bolg'a va noutbukni oladi va bankomatga kelib, uni bolg'a bilan urib buzadi va pullarni oladi.
— Ie, unda noutbuk nega kerak?
— Noutbuksiz xaker - xakermi?!

— Menga qara, og'ayni, mendan yuz ming so'm qarzing borligi esingdami?
— Esimda. Mana, qara yon daftarimga katta-katta harflar bilan yozib qo'yibman.
— Ko'rdim.
— Agar shunaqa eslataverib jig'imga tegaversang, umuman o'chirib tashlayman.

Ikkita uchastka noziri aylanib yurishsa, daraxtda bir odam osilib turgan ekan. Nozirlardan biri ikkinchisiga:
— Nima qilamiz boshimizga ortiqcha tashvish keltirib. Shu murdani narigi tumanga olib borib osib kelaylik, - debdi.
Ikkala nozir murdadan qutulib, yo'llarida ketaveribdi.
Narigi tumanni nozirlari aylanib yurib, ko'zi daraxtda osilib turgan odamga tushib:
— Anavini qaranglar, yana shu erga osib ketishibdi...- dermish.

Kambag'allik lo'lining joniga tegib, o'zini osishga qaror qilibdi. Daryo sohilidagi daraxtga arqon bog'lab bir uchini bo'yniga solibdi.
Lekin shu zahoti arqon uzilib, lo'li daryoga qulabdi. Uni zo'rg'a qutqarib olib:
— Nega bunday qilding? - deb so'rashsa, lo'li:
— Meni tinch qo'yinglar! Mana shu yaramas arqonning dastidan sal bo'lmasa cho'kib ketardim, - dermish.

Afandi mast holda uyiga kirsa, uyida gaz hidi ekan. Afandi fikrlabdi:
"Hozir chiroqni yoqsam, yonib ketaman" deb, uyga sham yoqib kirgan ekan.

<< < 763 764 765 766 767 768 769 > >>

Tavsiya qilamiz

Bosh sahifa