Latifalar

Ikkita jinni bitta chuqurga tushib olib, qancha urinsalar ham undan chiqa olisholmabdi.
Jinnilardan biri:
— Agar shu safar ham chiqa olmasam, uyimga ketaman, - debdi.

Bir yigit yo'lda ketayotib, chiroyli qizni uchratib qolibdi.
— Yaxshi qiz, gugurtingiz bormi? – desa, qiz:
— Yo'q, men nosga o'tganman, - degan ekan.

Yangi rus og'aynisi chukchani kuchuklari qorda chanalarni tortishga qiynalayotganini ko'rib, unga kamaz sovg'a qilibdi.
Bir oydan keyin kelib, xabar olibdi.
— Qalay, kamaz yaxshi ekanmi? Endi qiynalmayapsanmi? - desa, chukcha:
— Kamaz yaxshi. Ichlari issiq. Lekin juda og'ir ekan, itlarim tortishga qiynalyapti, - degan ekan.

Hozirgi zamonda yigitlar nega kech uylanayotganini sababini bilasizmi?
Sababi, 28 yoshli yigitlar 18 yoshli qizlardan ham yosh ko'rinishadi.

Ikki o'rtoq tunda baliq oviga boribdi. O'zlari bilan dvijok olishgan ekan, uni eshakni ustiga bog'lab qo'yishibdi. Ko'lga etib kelishganda, dvijokni eshakni ustiga turgan joyida ishlatmoqchi bo'lib yoqishgan ekan, eshak dvijok ovozidan qo'rqib qochib ketibdi.
Ikki o'rtoq eshagini qidirib ketayotishsa, oldilaridan baliq ovlab o'tirgan otaxon chiqibdi.
— Ota, shu erdan biror eshak o'tmadimi? – deyishsa, otaxon:
— Yo'q, eshak o'tmadi. Lekin chiroqlari yo'q bitta motosikl rossa katta tezlikda o'tdi, - dermish.

Uchta baliq cho'milgani borishibdi. Ikkitasi cho'milayotsa, uchinchisi suvga tushmasdan o'tirganmish.
— Sen nega cho'milmayapsan? - deb so'rashsa, baliq:
— Meni kupal'nigim qolib ketibdi, - dermush.

Hofizlar ertalabki nahor oshidagi xizmatlariga kech qolib, mashinada shoshib to'yxonaga ketayotishsa, orqa o'rindiqda o'tirgan shogirdi qo'shiq xirgoya qilishni boshlabdi. Shunda “Sostav” boshlig'i:
— Jim ketgin, asabimni “buzmasdan”! O'zi kech qolib ketyapmiz, - desa, shogird:
— Ha, to'yni egasi so'rasa, biz bir soat oldin boshlaganmiz deymiz, - degan ekan.

Qari otaxon yoshlarni nikoh to'yiga restoranga boribdi.
Stol ustidagi noz-ne'matlarga qarab o'tirsa, ofisiant bola kelib, likopdagi fransuz salatini aralashtirib tashlabdi. Otaxon xafa bo'lib ofisiantga:
— Eh bolam-a! Tuppa-tuzuk turgan ovqatni kavlab nima qilarding?! – degan ekan.

Bemor vrachga kelib debdi:
— Doktor menga yordam bering. Fikru hayolim faqat telegramda, kunduzi ham, kechasi ham gruppadaman! Nima qilay, maslahat bering...
Vrach:
— Bu jiddiy kasallik. Yuring, siz bilan lichkada gaplashamiz.

Bir kuni Messi bilan Ronal'do gaplashib qolishibdi.
Messi:
— Meni bir nechta kuboklarim bor, - debdi.
Ronal'do esa:
— Menda esa, O'zbekistondagi “Ummon” guruhini dastxati bor, - degan ekan.

<< < 818 819 820 821 822 823 824 > >>

Tavsiya qilamiz

Bosh sahifa