Latifalar

Bojalar suhbati:
— Boja, sizga bitta yaxshi, bitta yomon xabarim bor. Qaysi biridan boshlay?
— Yaxshisidan.
— Meni tabriklang! Qaynonamiz o'n kun biznikida turib, vanihoyat bugun ketyapti...
— Zo'r-ku! Yomoni-chi?
— Endi o'n kun sizlarnikida turib, keyin uyiga qaytmoqchi.

Bir kuni afandi uyi yonida yig'lab o'tirsa, qo'shnisi o'tib qolibdi.
— Ha afandi, nega yig'layapsiz? – debdi qo'shnisi.
— Nega yig'lamay?! Tomdan choponim tushib ketdi, - debdi afandi.
— Choponingiz tushib ketgan bo'lsa, siz nega buncha yig'laysiz? – so'rabdi hayron bo'lgan qo'shni.
— Yig'laymanda! Choponimning ichida o'zim ham bor edim... – degan ekan afandi.

Shaharga ish bilan kelgan xo'roz gril'da aylanib pishayotgan tovuqlarni ko'rib dedi:
“Qishloqda tuxum rejasi bajarilmayotgan paytda, senlar karusel' uchib yurganingga o'laymi..!”

Ertalab turib maktabga ketmoqchi edim, soatga qarasam maktab tugagan ekan.

Talaba bo'lgan ikki do'st uchrashib qolibdi.
— Sen qaysi institutga kirding?
— Tibbiyotga. Sen-chi?
— Veterinar bo'lishga o'qiyapman. Juda yaxshi bo'pti. Institutni tamomlagach, bir-birimizni davolay olarkanmiz.

Ofis farroshi erta tongdan ishga kelsa, hamma xodimlar kelib bo'lishgan ekan. Ular xonadagi jihozlarni joyini almashtirar, shkaf va stollarni u yoqdan, bu yoqqa surar ekanlar. Farrosh hayron bo'lib:
— Nima qilyapsizlar? – desa, xodimlar:
— Xolajon, biz doim shunaqa qilamiz. Firmamiz ishlari yurishmay qolsa buyum va jihozlarni joyini almashtiramiz. Shunda savdo ham yurishib ketadi, - deyishibdi.
Shunda farrosh:
— Eh... Men bu erda ancha yildan beri ishlayman. Boshliq savdo pasayib, ishlar yurishmay qolganidan xabar topgan zahoti mebellarni emas, xodimlarni almashtiradi, - dermish.

Bir kuni bemor vrach qabuliga boribdi. Bemor xonadan chiqib ketayotsa, vrach “Sizdan 20 ming” debdi.
Bemor cho'ntagidan telefonini chiqarib, kamerasini yoqibdi-da, — Nima dedingiz? – debdi.
Vrach:
— 20 mingga dori-darmonlar olasiz dedim, - dermish.

— Mashrab, tushimda ilon ko'ribman, ta'biri nima?
— Qaynonang mehmonga keladi.

Chumoli va fil chegarani noqonuniy kesib o'tishmoqchi bo'lib, chegaraga yaqinlashishibdi. Shunda chumoli birdaniga erga yotib olibdi. Fil hayron bo'lib:
— Ie chumoli, nega yotib olding? - desa, chumoli:
— Sen ketaver do'stim! Meni chegarachilar ko'rib qoldi, - dermish

Yigit bilan qiz uchrashuvga chiqib, aylanib yurishgan ekan. Bir payt qiz yigitga:
— Sovuqotdim, - debdi.
Yigit darhol egnidagi kostyumini echib, qizga beribdi. Birozdan keyin qiz yana sovuqotayotganini aytibdi. Yigit ko'ylagini ham echib beribdi. Shu payt ularni yonidan qizning otasi chiqib qolibdi. Shunda qiz yigitga qarab:
— Bo'ldi dadam to'yimizga rozi bo'ladilar. Lekin hozir tez qoching! – dermish.

<< < 831 832 833 834 835 836 837 > >>

Tavsiya qilamiz

Bosh sahifa