Latifalar

Haydovchi:
— Hoy usta bola, burama mixlaring asfaltga to'kilyapti.
Bola:
— Men hali usta emasman, vulkanizasiyada shogirdman!

Hayoli parishon odam qo'liga ko'zgu oldida, tikilib turib, sherigiga dedi:
— Qara, negadir manavi bashara tanish ko'rinyapti.
— Qani ber-chi!
Ikkinchisi ham ko'zguga tikilib turibdi-da:
— E ahmoq, axir, bu menman-ku! – degan ekan.

Vrach bilan milisiya xodimi suhbatlashib tursa, sal nariroqda ikkita yigit janjallasha boshlabdi. Birini qo'lida pichoq ham bor ekan. Shunda milisiya xodimi:
— Men borib ajratay. Bo'lmasa hozir anavi odam pichoqni ishlatsa, jinoyat bo'ladi. Men ajratmaganim uchun jazolashadi. Pulsiz, ishsiz qolib ketaman, - desa, vrach:
— Shoshmay tur! – debdi.
Ko'p o'tmay urishayotganlarlardan biri ikkinchisini pichoqlab qo'yibdi. Shunda vrach:
— Ana, endi borsak bo'ladi. Pichoq ko'targani seniki, jarohatlangani meniki. Ikkalamizga ham ish bor! – dermish

Bir odam imtihon topshirgani borsa, domla ismini so'rabdi.
— A-a-a-anvar, - debdi haligi odam.
— Nega ismingizni A-a-a-anvar deyapsiz? Duduqmisiz? – debdi.
— Yo'q, pasportimga ismimni shunday yozishgan, - deb javob bergan ekan.

Yigit:
— Ko'risha olamizmi?
Qiz:
— Yo'q! To'ydan keyin...
Yigit:
— To'ydan keyin ering ruxsat bermaydi-ku!

Uyqu Wi-Fi ga o'xshaydi. Ko'chada, ishda, o'qishda bizni topadi. Lekin kechqurun o'rnimizga yotganimiz zahoti, “Tochka dostup ne naydeno” bo'lib qolaveradi.

Shogird ustozi piri komildan so'radi:
— Ustoz, paxta eksam yaxshi yashaymanmi, yoki paxta tersammi?
Ustoz piri komil ko'p o'ylamay javob berdi:
— Bo'tam, paxta qo'ysang zo'r yashaysan!

Chet elda qattiq shamol tufayli yuz minglab odamlar elektr tokisiz qolsa jar solishadi.
Lekin ayrim hududlarda hech bir sababsiz, minglab odamlar elektr tokisiz qolsa hech kimni ishi yo'q.

To'ydan keyin yigit qizga:
— Siz mendan avval ham boshqa yigitlar bilan yurganmisiz? - desa qiz jim bo'lib qolibdi. Yigit ichida “Xafa qilib qo'ydim, ko'ngliga ozor berdim”, deb o'ylab:
— Qo'ying, jonim. Meni kechiring, - desa, qiz:
— Jim turing ... 76, 77, 78, ...

Ayrim ma'lumotlarga qaraganda, futboldagi simulyasiya ilk bor – bollivudda, ya'ni Hindistonda paydo bo'lgan.

<< < 832 833 834 835 836 837 838 > >>

Tavsiya qilamiz

Bosh sahifa