Latifalar

Bir odamga kasalxonada zudlik bilan qon quyish kerak ekan. Hamma qarindoshlari qonlarini tekshirtirib ko'rishsa, birortasini qon guruhi to'g'ri kelmabdi. Shunda bemorni ukasi bir odamni topib kelibdi. Uni qoni to'g'ri kelibdi.
— Seni qoning to'g'ri keldi. Avval qon berib chiqasan. Keyin bemor o'ziga kelsa, pulni olasan, - deyishsa, haligi odam:
— Yo'q, avval pulni beringlar. Qon berishga va'da beraman, - debdi.
— Qon topshirib turavergin. Juda shoshilinch! – deyishibdi.
Haligi odam:
— Meni qonimni olgan odam va'dasida turmaydigan bo'lib qoladi, - dermish.

Afandi vafot etibdi. Farishtalar uning savoblar va gunohlarini tarozida o'lchab ko'rsa, ikkalasi ham teng ekan. Farishtalar so'rabdi:
— Qayoqqa tushmoqchisan? Jannatgami yo do'zaxgami? Shunda afandi jannatga qarabdi. Hamma shaxmat, shashka o'ynab o'tirgan ekan. Keyin do'zaxga qarabdi. U erda diskoteka bo'layotgan ekan. Afandi:
— Jannatga kirsam, zerikaman. Mayli do'zaxga kira qolay, – deb do'zaxga kiribdi. Kirishi bilan hamma bir-birini urayotgan ekan.
Afandi farishtalardan:
— Nega bunday bo'ldi? – deb so'rasa, farishta:
— Bu reklama edi! – degan ekan.

Ustoz o'quvchidan so'rabdi:
— Ayt-chi, seni cho'ntagingda ming so'm bor. Dadangdan yana ming so'm so'rading. Necha puling bo'ladi?
— Ming so'm bo'ladi ustoz.
— Sen matematikani yomon bilar ekansan.
— Siz meni dadamni yomon bilar ekansiz.

Ikki do'st suhbatidan:
— Nima o'qiyapsan?
— Gazetadagi maqola. Erini cho'ntagidan pul o'g'irlaydigan xotin haqida ekan.
— Uni nima qilmoqchisan?
— Maqoladan nusxa ko'paytirib, kiyimimning har bir cho'ntagiga solib qo'ymoqchiman.

Er xizmat safariga keta turib, xotiniga debdi:
— Komp'yuterimni aslo yoqa ko'rma! Agar yoqsang, kayfiyating buzilishi aniq!
Tabiiyki, xotini komp'yuterni yoqib ko'rgan...
Er safardan qaytsa, ostonada g'azab bilan xotin kutib turibdi.
— Komp'yuterimga tegibsan-da baribir...!? – debdi er.
Xotini javray boshlabdi:
— Ha, komp'yuteringizni yoqib, behayo suratlar, ma'shuqangizga yozgan xatlaringizni qidirdim. Shuncha vaqtim ketdi. Birortasini ham topa olmadim, umuman yo'q!!!
— Shunga kayfiyating yo'qmi?
— Ha!
— Men senga nima degandim!?

Mini yubkadagi qizlar shunchalar mag'rurki, 50 ming so'mlik puli erga tushib ketsa ham olishmaydi...!

Bir erkak do'stiga debdi:
— Kecha tungi klubda xotinimni bir mast odam bilan raqs tushayotganini ko'rdim.
— Yoniga borib tarsaki tortib yubormadingmi?!
— Qanaqasiga yoniga boraman? Axir men zarur ish bilan xizmat safariga ketganman-ku!?

Ichib olib mast bo'lib qolgan kishi temir panjarani ushlab zo'rg'a sudralib yurib ketayotsa, oyog'i ostidan daydi it o'tib qolibdi. Mast odam itga:
— Hoy daydi iflos it. Ahvolingni qara! Hamma yog'ing rasvo, to'rt oyoqlab loyga botib ketyapsan...! – desa it debdi:
— Hozir mana shu panjara tugasin, keyin o'zingni ahvolingni ko'raman!

Bir kuni ayol erini yoniga kelib:
— Qarang dadasi, armiyada menga yozgan xatlaringizni topib oldim, - debdi.
Eri xatlardan birini o'qiy boshlabdi:
“Meni go'zalim! Seni sog'indim. Yaqinda xizmatim tugaydi. Qaytib borganimda sen bilan har doim uchrashadigan joyimizda ko'rishamiz...”
Er xatni o'qishdan to'xtab, xotinini do'pposlay boshlabdi.
Xotini:
— Nima bo'ldi dadasi?! – desa, eri:
— Bular nima? Axir men armiyaga bormaganman-ku!? – dermish.

— Sizni qo'lingizdan hamma ish keladimi?
— Bo'lmasam-chi!?
— Yaxshi, unday bo'lsa, tish pastasini hammasini chiqarib tashlang! Hammasi chiqdimi?
— Endi esa hammasini qaytarib ichiga solib qo'ying-chi?!

<< < 841 842 843 844 845 846 847 > >>

Tavsiya qilamiz

Bosh sahifa