Latifalar

Sosiologlar 500 nafar erkak o'rtasida so'rovnoma o'tkazishibdi. Savol quyidagicha:
“Kimning taomi mazali? Xotin tayyorlaganimi yoki ma'shuqami?”
So'rovnoma natijasida 300 nafar erkak “Xotinim tayyorlagan” deb, 200 tasi esa “Ma'shuqamning ovqatlari” deb javob bergan. Lekin birortasi ham “Bilmayman!” deb yozmagan.

Tibbiyot instituti talabalari o'qituvchisi bilan morgda amaliy mashg'ulot o'tishmoqda. O'qituvchi:
— Biz vrachlar hech narsadan jirkanishimiz kerakmas. Masalan, mana shu jasadni o'lishidan avval nima taom eganini bilish uchun og'ziga bosh barmog'imizni tiqib, so'ng barmog'imizni yalab ko'ramiz, - deb ko'rsatib beribdi.
Tabiiyki, hamma talabalar ustozining orqasidan shunday qilishibdi.
Shunda o'qituvchisi:
— To'g'ri qildinglar, lekin vrachlar e'tiborli ham bo'lishi kerak. men bosh barmog'imni tiqib, o'rta barmog'imni yalagandim, sizlarga o'xshab bosh barmog'imni yalamagandim... – dermish.

Ikki do'st arazlashib qolib, qozini oldiga borishibdi.
Qozi “Ertaga kelinglar. Muammoni ertaga echamiz” deb qaytarib yuboribdi. Qozixonadan chiqqan yigitlardan birining fikri buzilib, qozini oldiga qaytib borib 40 tilla tanga pora beribdi. Qozi ishni uning foydasiga hal qilib berishga va'da beribdi. Yo'lda ketayotgan ikkinchi do'st ham qoziga borib 100 tilla berib, u ham ishni o'z foydasiga hal qilib berishni so'rabdi. Qozi uni ham pulini olib qolibdi.
Ertasiga aytilgan vaqtga do'stlar qozining huzuriga borishibdi va o'z muammolarini hal qilib berishni so'rashibdi. Qozi ularni eshitibdi-yu, bir so'z demay jim o'tiraveribdi. Biroz vaqt o'tgandan keyin birinchi do'stni sabri chidamay qoziga bergan 40 tilla tangani eslatib qo'yish maqsadida debdi:
— Qozi buva, gapni dangal, qirqib-qirqib gapirmaysizmi desa, qozi:
— Ha, qirqib-qirqib gapiray desam, do'stingni yuzidan o'tolmay turibman-da, - dermish.

— Do'stim, pullarimni qaerda saqlaganim ma'qul?
— Xotirangda saqlaganing durust!

Sud majlisida sud'ya janoblari ayblanuvchiga savol beribdi:
— Xo'sh ayblanuvchi, soxta pullar ishlab chiqarganingizni tan olasizmi?
— Yo'q, men hech qanday soxta pul ishlab chiqarmaganman!
Sud'ya:
— Lekin sizni uyingizdan pul yasaydigan apparat topildi-ku!
Ayblanuvchi:
— Janob sud'ya, siz odamni urib, o'ldirganingizni tan olasizmi?
Sud'ya xayron bo'lib:
— Qanaqasiga? Men hech kimni…
— Ana, stolingizda bolg'a turibdi-ku!

Ikkita general futbol haqida suhbat qurishmoqda:
— Sizga qaysi komanda yoqadi?
— Saflan!

Bir kuni ikkita o'rtoq uchrashib qolishibdi.
Biri debdi:
— Nega o'z sinfdoshingni sudga berding?
Ikkinchisi:
— U meni yoshligimda “Begemot” deb chaqirardi. Kecha hayvonot bog'iga borgandim, endi bildim begemot qanaqa bo'lishini, - degan ekan.

O'g'li otasiga debdi:
— Ada, nega gorillaning burun teshiklari buncha katta?
Adasi o'ylanib turib:
— Chunki gorillaning barmoqlari katta-da! – degan ekan.

Vrach kasalxonaga amaliyot o'tash uchun kelgan qizga debdi:
— Meni ishim chiqib qoldi. Manavi navbatda turgan kasallardan qon olib tur! Hozir kelaman. – debdi.
Amaliyotchi qiz:
— Qanchadan qon olay, - desa, shoshib turgan vrach:
— Uchdan olasan-da! – debdi-da, chiqib ketibdi.
Bir payt vrach qaytib kelsa, kasalxona yo'lagida 4 ta bemor hushsiz yotganmiz. Amaliyotchi qizga:
— Bularga nima bo'ldi? – desa, qiz:
— Shuncha harakat qilsam ham uch litr qon chiqmadi... – dermish.

— Telefoning bormi?
— Bor!
— Puli bormi?
— Yo'q, endi pul topishni o'rganyapti.

<< < 842 843 844 845 846 847 848 > >>

Tavsiya qilamiz

Bosh sahifa