Latifalar

— Tug‘ilgan kuningga nima sovg‘a qilsam ekan, nevaraginam?
— MP3 qo‘shiq yozilgan disk sovg‘a qila qoling, enajon.
— Senga qanaqasi yoqishini bilmayman-da.
— Eshitib qo‘ring-da, o‘zingizga yoqmaganlarini tanlab olavering.

Ota bola o‘tirgan ekan. Bola otasidan so‘rabdi:
— Dada, negrlar nimaga shokolad yeyishmaydi?
— Chunki ular qo‘lini tishlab olishdan qo‘rqishadi...

Quyon do‘konga kirib ayiqdan so‘rabdi:
— Kofe bormi?
— Yo‘q, bizda unaqa narsa sotilmaydi - debdi ayiq.
Ertasiga quyon yana kelib?
— Kofe bormi?
— Yo‘q dedimku senga, - debdi jahl bilan ayiq.
Uchinchi kuni yana shu holat takrorlangan ekan, ayiq:
— Agar yana bir martta kirib kofe so‘rasang qo‘log‘ingga mix qoqib, devorga ilib qo‘yaman, - deb baqiribdi.
Quyon qo‘rqqanidan oldi-orqasiga qaramay qochibdi .
Uch kundan so‘ng quyon do‘konga sekin kiribdi-da debdi:
— Mix bormi?
— Yo‘q.
— Bo‘lmasa kofe bormi?, - dermish.

Bir qizaloq ko‘chada o‘ynab yursa, oldiga bolakay kelib:
— Isming nima?, - debdi.
— Ismim Nigora ekanini aytmayman, - debdi qizaloq.
Shunda haligi bola:
— Men ham ismim Sherzodligini aytmayman, - degan ekan.

Bir qiz folbin yoniga borib:
— Nega meni baxtim ochilmayapti? Men ham baxtli bo‘lsam, yaxshi yigitga turmushga chiqsam deyman, - deb dardini aytibdi.
Folbin qizni qo‘lini ushlab debdi:
— Siz xafa bo‘lmang. Bir yaxshi yigitga turmushga chiqasiz va 5 nafar farzandingiz bo‘ladi.
Oradan yillar o‘tib, qiz folbinni yoniga kelibdi.
— Esingizdami, menga 5 ta farzanding bo‘ladi degandingiz...
— Hali ham farzandingiz bo‘lmadimi?, - so‘rabdi folbin.
— Yo‘q, 5 farzandga egaman, lekin ayting opajon, qachon erga tegaman, - dermish.

Bir chol baliq ovlab o‘tirgan ekan, uning oldiga militsiya kelib dedi:
— Otaxon, bu yerda baliq tutish ta’qiqlangan!
— Men baliq ovlamayaman, chuvalchang cho‘miltiryapman, - debdi chol.
Militsiya xodimi:
— Axir siz chuvalchangni ta’qiqlangan joyda qip yalang‘och cho‘miltiryapsiz!

Bir ayol shilqim erkakka:
— Agar yana bir martta meni qomatim ustidan kulsang, mana shu o‘qlov bilan tushiraman.
— Tushundim!
— Nimani tushunding?!
— Seni qomating menga aniq taxdid solishini-da...

Do‘konga chiqib kelishini so‘ragan xotin erining qo‘liga xarid ro‘yxatini tutqazibdi:
1. Non
2. Tuxum
3. Quruq choy
4. Sovun
5. Pivo
Er do‘kondan qaytgach, xotin xarid qilingan narsalarni xaltadan ola boshlabdi: Bitta non, ikkita tuxum, uch quti quruq choy, to‘rtta sovun va besh shisha pivo.
Jahli chiqqan xotin eriga hech qanday e’tiroz bildirolmabdi-yu, lekin keyingi safar pivoni ro‘yxatning boshiga yozishni yodidan chiqarmabdi.

Badavlat bir odam kasal bo‘lib qolibdi. Yaqin qarindoshi vrachga:
— Aytingchi doktor, umid qilsam bo‘ladimi?
Vrach unga:
— Umid qilmang, bu bor-yo‘g‘i oddiy shamollash...

Yetti yoshga to‘lgan bolani birinchi sinfga o‘qishga olib ketayotishsa, u dod solib baqirardi:
— Nimaga?, qaysi aybim uchun to‘qqiz yil???

Abdurayim tog‘a eski zaparojets mashinasida ketayotib, bexosdan yangi malibuni orqasidan urib yuboribdi.
Malibuni haydovchisi avtomobilidan jahl bilan tushib:
— Mashinamni dabdala qildingiz-ku, tuzatib berasiz, - deb baqira ketdi.
Abdurayim tog‘a esa pinagini buzmay:
— E, qanaqa odamsan? Tirik qoldik, soppa-sog‘miz shukur qilsang-chi. Mashina temir bo‘lsa, topiladi, - debdi.
Bu ham yetmagandek, Abdurayim tog‘a mashinasi ichidan aroqni olib, - salomat qolganing uchun, - deb malibuning haydovchisiga ichirib yuboribdi.
Shunda mashinasi pachoq bo‘lgan malibu egasi:
— Siz ham ichmaysizmi amaki?, - desa
— Shoshmay tur, GAIlar kelib-ketishsin, - dermish...

Bir hafta och qolgan sher, hayvonlar qiroli hayvonot bog‘ining qorovuli ekanini tushunib yetibdi!

O‘g‘li otasidan so‘rayapti:
— Dada, omadsiz hazil nima degani?
— Ertalab oying mendan paynetga pul olib, kechqurun yana telefon raqami qarzga kirganligini aytishi- omadsiz hazil deyiladi-da o‘g‘lim.
— Oyijon, omadsiz hazil nima u???
— Bu degani, dadajoning menga to‘ydan avval katta kompaniyani rahbariman deb, to‘ydan keyin esa g‘irt bekorchiligi ma’lum bo‘lgani,- debdi onasi.

— Bizni rahbar juda aldoqchi, ammo adolatli.
— Qanaqasiga, axir uni aldoqchi deyapsan-ku?
— Ha, u hammani baravariga aldaydi.

Bir kuni o‘rmonga bo‘rilar to‘dasi bostirib kelibdi. Daraxt panasida berkinib yotgan quyonni ushlab olib, unga:
— O‘rmondagi eng yuvvosh jonzodni yeymiz, - deyishsa,
— Agar sherga tegsalaring, yirtaman!, - debdi quyon.

Yaqindagina haydovchilik guvohnomasini olgan yigit mashinasini burib olishga qiynalib tursa, bir yosh bola o‘tib qolibdi:
— Hoy bola, mashinamni haydayman, qarab tur. Agar simyog‘ochga tegsa aytasan, xo‘pmi?
— Ho‘p bo‘ladi, haydang, haydayvering, - debdi bola.
Bir vaqt "qars" etgan ovoz chiqsa.
— Tegdi amaki, - dermish.

Mashhur jamoa futbolchisi o‘z uyiga sport muxbirlarini chaqirib, uyida bor texnika anjomlarini birma-bir ko‘rsata boshlabdi:
— Mana bu televizor, bu konditsioner, bu muzlatgich, mikroto‘lqinli pech, ...
Muxbirlar hayron bo‘lib, futbolchidan nega bularni ko‘rsatayotganini so‘rashsa:
— Sizlar nuqul "bu futbolchini texnikasi yo‘q", deb gazetaga yozasizlar, sizlarga yana qanaqa texnika kerak?, - dermish.

— Yoshingiz nechida?
— Hamisha yoshman. Go‘zal va sohibjamolman. Uyalmaysizmi ayol kishidan yoshini so‘ragani?!
— Xaddingizdan oshmang ayblanuvchi! Savollarimga to‘g‘ri javob bering. Siz sud zalidasiz axir...

Bir kishi har doim aroqni to‘qqizta piyolaga quyib, birinchi va to‘qqizinchisini olib qo‘yarkan. Qolganlarini esa ichib yuborarkan. Buning sababi nima ekanini undan so‘rashganida:
— Birinchisini ichish qiyin, to‘qqizinchisini ichsam mast bo‘lib qolaman, - dermish...

Bir injener ishsizlikdan nima qilishini bilmay, tavakkal bir kasalxona ochibdi. Kasalxona eshigi oldiga "Biz sizlarni benuqson davolaymiz. Agar davolay olmasak 50000 pulingizni 100000 qilib qaytaramiz", - deb yozib qo‘yibdi.
Yo‘ldan o‘tib ketayotgan bir vrach, - bularni bir boplab, 100000 pulini olib chiqib ketaman, - deb binoga kiribdi. Injener uni kutib olib, shikoyatini so‘rabdi.
— Men ta’mni bilmayapman. Nima yesam hammasi bir xil.
— Hamshira, shishadagi suyuqlikni ichiring.
— Iye, bu benzinku!
— Tabriklayman, ta’m bilishingiz tiklandi. Sizdan 50000.
Vrach jahl bilan pulni to‘lab chiqib ketibdi. Ikki kundan keyin yana kelibdi:
— Endi men hid sezmayapman.
— Hamshira shishadagi suyuq dorini bu kishiga ichiring.
— Bu yana benzinku...
— Ana, hid bilish qobiliyatingiz ham tiklandi. 50 000 to‘lab ketasiz. Vrach pulni to‘lab, yana jahl bilan chiqib ketibdi. Oradan 3 kun o‘tib, bu safar aniq boplayman degan maqsadda kelib debdi:
— Endi men hech narsani ko‘rmayapman.
— Kechirasiz, biz buni davolay olmaymiz. Mana sizga 100000 pul.
— Iye, bu yerda 50000 ku!
— Tabriklayman, ko‘rish qobiliyatingiz tiklandi. Sizdan 50000.

<< < 53 54 55 56 57 58 59 > >>

Jami 2090 ta latifa mavjud

Tavsiya qilamiz

Bosh sahifa