Latifalar

Qadim zamonda usta mergan yashagan ekan. Bir chaqirimdan ham tangani nishonga behato olarkan. Bir kuni podshoh musobaqa uyushtiribdi. G‘olib chiqqanga bir qop oltin va’da beribdi. Ammo bu safar podshoh tangani qo‘lida ushlab turarkan. Nishonga tekkiza olmasa, kamon o‘qi podshohga tegishi va shu ishtirokchining boshi tanasidan judo bo‘lishi aniq. Usta mergan kamondan o‘q uzibdi. Qo‘llari qaltirab ketib, kamon podshohga borib tegibdi va podshoh halok bo‘libdi. Mergan jonidan umidini uzib tursa, podshohning voris o‘g‘li kelib:
— E qoyil, mana sizga ikki qop oltin, - degan ekan.

Vinni Puxning hecham uylangisi kelmasakan. Ammo to‘ydan keyingi "asal oyi" unga aslo tinchlik bermasmush...

Bir kuni o‘g‘ri badavlat xonadonlardan biriga o‘g‘rilikka tushibdi. Uyda hech kim yo‘qligida kelib, asta eshik qulfini buza boshlabdi. Shu payt domofon ishga tushibdi:
— Assalomu alaykum! "Aqilli uy" tizimiga xush kelibsiz. Bilishimcha siz o‘g‘risiz va uyni ship-shiydon qilgani kelgansiz. To‘g‘risini aytganda, men bu uy egasini juda yomon ko‘raman. Sababi u men bilan doim qo‘pol muaomalada. Shuning uchun sizga eshikni o‘zim ochib beraman.
Shu payt eshik ochilibdi. O‘g‘ri esini yo‘qotib qo‘yay debdi. Haligi ovoz esa gapirishda davom etirmush:
— Eshik oldida turgan qoplarni oling. Barcha boylik shuni ichida. Faqat tezroq ketishingiz kyerak. Bir daqiqadan so‘ng signal tovushi ishlab ketadi. Tezroq! Tezroq!
O‘g‘ri qoplarni ko‘tarib, jon holatda qochib qolibdi.
Uch soatdan so‘ng uy egasi qaytib kelsa, domofon ishga tushibdi va debdi:
— Assalomu alaykum xo‘jayin! Uydagi axlatlar tashlandi!

Bir kuni chumchuq pastroq uchib ketayotib, katta tezlikda kelayotgan mototsikl bilan to‘qnashib ketibdi. Mototsiklchi to‘xtab, chumchuqni olib, uyiga boribdi. Qushni qafasga qo‘yib don va suv solingan idishni oldiga qo‘yibdi. Chumchuq hushiga kelib qarasa, qafasda ekan. Suv va donga qarab turib:
— Jin ursin! Mototsiklchini o‘ldirib qo‘yibmanku, - degan ekan.

— Allo azizim, mashinamdagi navigatorga sen tegdingmi?
— Ha, Samarqandga qanday borilishini ko‘rib chiqgan edim.
— Aytdim-a, nega bu shaharga kelib qoldim deb!

— Dada, mana bu granata degandiz, shuni ichini ochib bering, - debdi bolakay.
— O‘g‘lim, bu inson hayoti uchun havfli! Bu yoqqa ber!, - deb o‘g‘lining qo‘lidan olib qo‘ysa, bola xafa bo‘lib:
— Dangasaga ish buyursang - aql o‘rgatadi, - dermish.

Polkovnik generalga erishilgan muvaffaqiyatlar haqida hisobot bermoqda:
— ... harbiy qismda ayniqsa, tartib-intizom sohasida ulkan yutuqlarga erishdik, - deb tursa,
Shu payt qiya ochiq eshikdan askar mo‘ralab:
— Ey qariya, mashinangni minib ketyapman, xo‘pmi?
Polkovnik hayratda qolgan generalga o‘girilib:
— Mana ko‘rdingizmi, yarim yil oldin ular hatto so‘rab ham o‘tirishmasdi, - dermish.

Shifoxonaga og‘ir ahvoldagi uch futbolchini olib kelishibdi. Shifokor ularni olib kelgan odamlardan qanday sabab bilan shu ahvolga tushib qolishganini so‘rash uchun qo‘liga qalam bilan qog‘oz olib, dastlab birinchi futbolchining oldiga yaqinlashdi. Qarasa, birinchi bemor futbolchi tirjayib qotib yotganmish.
— Bu nimaga tirjayib qotib qolgan?
— Eh, so‘ramang, ko‘rmaganni ko‘rgani qursin, bu futbolchi 20 yildan buyon hujumda o‘ynagan, umrida birinchi bor gol kiritdi. Shunga xursandchilikdan shu shaklda qotib qoldi.
Shifokor ikkinchi bemorning oldiga yaqinlashdi. Uyam tirjayib qotib yotganmish.
— Xo‘sh, bu nimaga tirjayib yotibdi?
— Bu himoyachi faoliyati davomida har bir o‘yinda qizil kartochka olib, maydondan haydalgan. Lekin bugun hakam unga hech qanday kartochka ko‘rsatmadi. Shunga quvonchdan.
Do‘xtir tushunarli deganday bosh irg‘ab, navbatdagi bemorning oldiga yaqinlashdi:
— Bu nimaga qotib qolgan unda?
— Tog‘li hududda mashg‘ulot olib borayotgandik, momaqaldiroq bo‘layotgandi. Uzoqroqqa ketgan to‘pni olib kelishga ketganda uni yashin urdi.
— Iya, unda nimaga tirjayib turibdi?
— U suratga olishyapti, deb o‘ylagan.

Poyezdda ketayotgan erkak chekish uchun yo‘lakka chiqibdi. Bir payt qarasa, poyezd relsdan chiqib, o‘rmon tomonga yurib va yana relsga qaytayotgan emish. Ko‘zlariga ishonmasdan mashinistni oldiga yugurib borib:
— Nima qilyapsiz?, - debdi haligi odam.
Mashinist esa:
— Poyezd relsida bir yigit o‘tirgan ekan. Shu yigitni quvladim, - debdi xotirjam.
— Xo‘sh, qochib ketdimi? - qiziqib so‘rabdi yo‘lovchi erkak.
— Yo‘q, o‘rmonga kirmasidan yetvoldim. Keyin ortimga qaytdim, - dermish mashinist.

Yigit bilan qiz bir-birlarini qanchalik qattiq sevishini isbot qilmoqchi bo‘lib, ko‘p qavatli uyning tomiga chiqishibdi:
—Uchgacha sanab birgalikda sakraymiz, - debdi yigit.
— Xo‘p, shunday qilamiz, - debdi qiz ham.
Yigit bir, ikki, uch degan ekan qiz pastga sakrabdi, yigit esa sakramasdan tepada qolibdi. Yigit bir payt qarab tursa, pastga tushib borayotgan qizning katta parashyuti ochilgan ekan...

Xotin eriga:
— Bugun dugonalarim bilan biror joyda o‘tirmoqchidik.
— Aniqroq gapir! Seni mast holda topishim osonroq bo‘lsin, - dermish er.

Shifokor bemorga:
— Har kuni baliq yeb turing. Sizda fosfor yetishmaydi, - desa,
Bemor:
—Men sog‘aymoqchiman. Yorug‘lik tarqatmoqchi emasman, - deya javob beribdi.

Sud zalidagi jarayondan:
— Aytingchi, eringiz bilan nega ajrashmoqchisiz?
— U meni haqorat doim qiladi. Xotinim demay uradi, ...
Zalda g‘ala-g‘ovur ko‘tarilibdi:
— Bizni haqorat qilmayapti-ku, bizni urmayapti-ku, ...

Ishdan xursand bo‘lib qaytgan eridan xotini so‘rabdi:
— Nega bugun xursandsiz?
— Meni ishdan bo‘shatishdi, - debdi er.
— Axir buni nimasiga xursand bo‘lyapsiz?
— Qolganlarni qamashdi-da xotin..., - dermish eri.

Shaharlik yigit bilan qishloqdan kelgan qiz ovqatlanib o‘tirishgan ekan, yigit ofitsiantga:
— Bizga salfetka bilan "zubachistka" bering, - desa,
Qiz:
— Yo‘q bo‘ldi, men to‘ydim, - dermish.

Qishloqda yashaydigan yigitlar kechasi nechida uyga qaytganini ota-onasi aniq biladi.
Chunki traktorda shovqinsiz kelib bo‘lmaydi-da.

Ikkita dugona suhbatlashmoqda:
— Yangilik bor.
— Qanaqa yangilik? Turmushga chiqyapsanmi?
— Yo‘g‘-ye. Hali yoshman-ku.
— Unda nima yangilik? Gapir!
— Men homiladorman!

Bir yigit sochini kaltalatgani sartaroshga boribdi. Sartarosh yigitga savol beraveribdi:
— Uylanganmisiz?
— Ha.
— Xotiningiz nima ish qiladi?
— Ayol kishi qiladigan ishlar, shular bilan band.
— Xotiningizga ichib uyga borganingiz yoqadimi?
— Qaysi ayolga ichgan erkak yoqadi?
— Xotiningiz.....
— Aka jonga tegdingiz. Tushunaman, sartaroshlar mijozi bilan gaplashib ishlashadi. Lekin nimaga sizni xotinim qiziqtirib qoldi? Har gapingizda xotinimni so‘raysiz. Nima xotinim bilan orangizda biror gap bormi?
— Hafa bo‘lma ukam. Har gal xotiningni so‘rasam soching tikka bo‘lyapti. Sochingni osonroq olyapman-da.

Uxlagani yotishdan avval cho‘ntagimda 550 ming pulim bor edi. Ertalab uyg‘onib qarasam, 150 ming qolibdi.
Bugun uxlamayman!

— Qizim, senga juda ko‘p joydan sovchilar kelishdi. Endi turmushga chiqmasang bo‘lmaydi, - debdi otasi.
Qizi adasiga:
— Turmushga chiqgim kelmaydi. Chunki onamni sog‘inaman, - desa
— Onangni ham o‘zing bilan olib ketishing mumkin, - degan ekan otasi.

<< < 56 57 58 59 60 61 62 > >>

Jami 2090 ta latifa mavjud

Tavsiya qilamiz

Bosh sahifa