Latifalar

Go‘zal qizga ko‘chada bir shilqim tegajonlik qilgan ekan. Qiz sumkasidagi gaz balonchasini olib, shilqimni yuziga sepmoqchi bo‘libdi-yu, adashib, "Shanel" atirini sepib yuboribdi. Sepib bo‘lgach qiz atirini ko‘rib qolib, g‘azablanganidan yigitni o‘lar holatda do‘pposlab tashlagan ekan.

Bir kishi har kuni barga kirib, cho‘ntagidan bir siqim tanga chiqarar ekan-da, — Pivo quy! Qaytimi kerak emas, - deb tangalarni sochib yuborarkan.
Bir gal yana shunaqa qilgan ekan, sotuvchi yerdagi hamma tangalarni yig‘ib:
— Qaytimi menga ham kerak emas, - deb uzoqroqqa sochib yuboribdi.
Haligi odam tangalar yotgan joyga borib, bir dona tangani cho‘ntagidan olib, yerga tashlabdi-da:
— Unda yana bitta pivo quy!, - dermish.

Bir odam ichib olib, mast holda zo‘rg‘a sudralib uyiga kirib kelsa, xotini qo‘lida supurgi, jahl bilan kutib olibdi. Er xotiniga qarab:
— Iltimos xotinjon, uchib ketma! Boshqa ichmayman!, - debdi.

Ikkita dugona uchrashib qolishibdi. Birinchi qiz maqtanishni boshlabdi:
— Yigitim menga tilla uzuk sovg‘a qildi.
— Ajoyib-ku. Tabriklayman!
— U menga yana mashina ham sovg‘a qildi.
— Ajoyib-ku. Tabriklayman!
— O‘zingda nima yangiliklar?
— Etika kurslariga qatnashyapman. "Aldama, tentak" so‘zini o‘rniga "Ajoyib-ku. Tabriklayman!" deyishni o‘rganib oldim.

Xotini xasis eridan so‘rayapti:
— Dadasi, bugun ovqatga tuxumni oqini solaymi, sarig‘inimi?
— Bugun bayram, mayli butun solaqol!, - dermish eri.

Qiz bilan yigit parkda ketayotsa, qiz to‘satdan hushidan ketib qolibdi.
Yigit:
— Suv! Suv olib kelinglar! Tez yordam chaqiringlar, - desa
Qiz asta ko‘zini ochib:
— Qanaqa suv? Qanaqa tez yordam? Sun’iy nafas berish kerak, - dermish.

Bir bolakay tug‘ilgan kuniga masharaboz kelishini juda xohlarkan. Buvisi bu yili albatta masharaboz chaqirishga va’da beribdi. Tug‘ilgan kuni ham yetib kelibdi. Lekin masharaboz yo‘q emish. Buvisi nima qilishini bilmasdan tursa, eshik qo‘ng‘irog‘i chalinibdi. Ochib qarasa, ikkita daydi tentaklar turganmish.
— Uyingizda bizbop ish yo‘q-mi? Biroz pul ishlab olmoqchi edik, - deyishibdi. Ayol ularga bog‘dagi ishlarni qilishni buyuribdi.
Nabirasi esa masharabozni hanuzgacha kutib o‘tirarkan. Ayol bir payt qarasa, boyagi daydilarning biri goh daraxtga chiqib sakrar, goh u yoqdan, bu yoqqa yugurar, ba’zan har xil kulgili harakatlar qilarkan. Ayol masharaboz topilganidan xursand bo‘lib ketibdi. Sakrab yurgan kishini yonidagi sherigini sekin chaqirib:
— Kechirasiz. Anavi do‘stingiz bir soatga masharaboz bo‘lib turmaydimi? Yaxshi haq to‘layman!, - debdi.
Haligi odam do‘stiga qarab:
— Hoy, mo‘maygina pulga ikkinchi barmog‘ingni ham bahridan o‘tasanmi?, - dermish.

Bir kishi yaqin do‘stidan so‘rabdi:
— Menga yuz ming berib tura olasanmi?
— Nimaga?
— Esdalikka!

Xitoyliklar suratga tushgani suratxonaga kelishibdi. Suratkash hammasini bir chetdan rasmga ola turib, — Hammangizni yuzingiz bir xil-ku? Bittangizni rasmingizni chiqarib beraveraman-da?!, - deb ayyorlik qilibdi. Xitoyliklardan biri, — Buni meni suratim emas!, - debdi.
Suratkash:
— Yuzingiz shumi?, - desa,
Xitoy:
— Ha, lekin ko‘ylak boshqa-ku", - dermish.

Bir talaba yigit avtobusda saqich chaynab ketayotib, o‘zi bilmagan holda bir kampirga tikilib qolibdi. Kampir esa:
— Bolam, bu gaplarni menga bekorga aytyapsan men baribir eshitmayman, - debdi.

— Qachon oylik berisharkin?
— Hisobchimiz qaytganidan keyin.
— Nima, u kasalmi?
— Yo‘q, qidiruvda!

Uchta yosh qiz vokzalda yurib ketayotgan poyezd ortidan "hay-hay"lab yugurib borishayotgan ekan. Bir payt ikkitasi poyezdga yetib, chiqib olibdi. Poyezd jo‘nab ketibdi. Uchinchi qiz esa qo‘lidagi yuklari bilan ularning ortidan xandon otib kula boshlabdi. Vokzal navbatchisi:
— Nega kulyapsiz?, - desa, qiz:
— Anavi poyezdga chiqib ketgan dugonalarim aslida meni kuzatgani chiqishgan edi, - debdi.

Uchta inoq do‘stlar dam olishga Turkiyaga borishibdi. Mehmonxonani 45-etajiga joylashib olishibdi. Tushlikni birinchi qavatda yeb bo‘lgach, xonalariga chiqmoqchi bo‘lib qarashsa, lift ishlamayotgan ekan. Zinada chiqishdan boshqa ilojlari qolmagach, chalg‘ish uchun har biri navbatma-navbat latifa aytib chiqishga kelishibdi.
Birinchisi o‘n beshinchi qavatgacha latifa aytib, o‘rtoqlarini kuldirib chiqibdi. Keyin ikkinchisi o‘ttizinchi qavatgacha kuldiribdi. Navbat uchinchisiga kelgan ekan, u do‘stlariga qarab:
— Hozir bir narsa aytaman, kulaverib, ichagingiz uziladi, - debdi. Do‘stlari qiziqib, — Nima ekan? Ayt-chi, - deyishsa:
— Xonamizni kaliti birinchi qavatda qolib ketibdi, - debdi.

Er xotiniga qarab:
— Nega yangi paketchali choy sotib olding?, - debdi.
— Axir eskisini ipi chirib, uzilib ketdi, - debdi xotini.
— Boshqa ip bog‘lab qo‘ysang bo‘lardi-ku, - dermish xotini.

GAI xodimlari voqea joyini ko‘zdan kechirib, bayonnoma yozishmokda.
Mayor:
— Yo‘l kengligi - 6 metr, o‘ng tarafda chuqur ariq bor. Oq rangli Matiz 30-35 yoshlar chamasi erkak kishini urib yuborgan. Mashina daraxtga oldi bilan urilgan.
Serjant:
— Yozdim.
Mayor:
— O‘sha erkak kishining tanasi boshsiz holda ariq ichida. Kallasi esa asfalt chetida.
Serjant:
— O‘rtoq serjant. "Aspalt" deb yoziladimi? yoki "Asfalt" dyebmi?
Mayor biroz o‘ylanib, kallani bir tepib ariqqa tushirib yuboribdi-da, — Mayli kallani ham ariq ichida deb yozaqol, - debdi.

Bir kuni GAI xodimi haydovchiga:
— Qani, "Kuf" deng-chi, - debdi.
Haydovchi darhol tekshiruvchini cho‘ntagiga yuz mingni solib qo‘yibdi.
Pulni olib, yana "Kuf" deyishini talab qilibdi. Shunda haydovchi yana ellik ming beribdi. GAI xodimi esa:
— Yo‘q! Birinchi galdagidek "kuflang", - dermish.

Bir qiz ajoyib yigit bilan tanishib qolibdi. Yigit bilan har kuni uchrashib, biror joyga borishgach, qizni uyga olib kelib qo‘yarkan-da, — To‘xtang. Shoshmay turing!, - deb mashinasidan tushib, qizga eshikni ochib berarkan. Qiz dugonalariga maqtanib:
— Hali bunaqa oliyjanob yigitni uchratmagandim, - debdi.
Yigit esa yarim yildan beri mashinasining eshigini ichkaridan ham ochilishi uchun ustaxonaga olib borolmayotgan ekan...

Bir kishining uyida suv jo‘mragi ishdan chiqib, chilangar chaqirtiribdi. U odamning yosh va go‘zal qizi bor ekan.
Ishlab o‘tirgan chilangarning yoniga qiz kelib:
— Agar otam sharob bersa, ichmang! Pul bersa ham ola ko‘rmang! Faqat chekishga bir dona sigaret so‘rang, - debdi jilmayib, nozlanib.
Laqma usta ishlarini tugatgach, qiz aytganidek, bitta dona sigaretni chekibdi-da, ketibdi.
Xursand bo‘lgan otasi esa qiziga qarab:
— Barakalla dono qizim! Keyingi hafta bo‘yoqchilarni chaqiraman, - debdi.

Uylangan yigit bo‘ydoq do‘stiga debdi:
— Shuncha yil yashab, sutni muzlatgichga noto‘g‘ri qo‘yish mumkinligi haqida bilmagan ekanman.

Uch o‘rtoq mashinada ketayotsa, GAI xodimi to‘xtatib, rulda o‘tirganga qarab:
— Ha, ichdingizmi?, - deb so‘rabdi.
— Yo‘q, - debdi mashinadagilar baravar.
— Unda nega uchchalangiz ham oldi o‘rindiqdasizlar?!

<< < 65 66 67 68 69 70 71 > >>

Jami 2090 ta latifa mavjud

Tavsiya qilamiz

Bosh sahifa