Latifalar

Afandi urushga ketayotgan ekan, kamonini olibdi-yu, o‘qini olmabdi. Buni ko‘rganlar:
— O‘q olmaysizmi?, - deyishsa
Afandi:
— O‘qi dushman tomondan kelib qolar..., -dermish.

Kelin:
— To‘ydan keyin, men sizga haligacha hech kim mendan bo‘sa olmagan joyni ko‘rsataman.
Kuyov:
— Qayerda ekan u joy?
Kelin:
— Bu Gavai orollarida!

Bir yigit taksi to‘xtatib turgan ekan. Matiz, Jiguli kelib to‘xtasa, o‘tirmabdi. Oxiri Kobalt to‘xtagan ekan o‘tiribdi-da, haydovchidan so‘rabdi:
— Isming nima?
— Azamat.
— Sendan bir iltimosim bor Azamat. Hozir yaxshi ko‘rgan qizimni yoniga ketyapman. Uni oldiga borganda, "Menga ruxsatmi xo‘jayin?" deysan. Men "Ha" deyman. Keyin benzinga pul so‘raysan, men senga besh ming beraman. Shu bilan oramiz ochiq, - debdi.
— Haydovchi ham rozi bo‘libdi.
Qizni yoniga yetib borishibdi. Yigit qiz bilan ko‘rishib tursa, kelishilganidek haydovchi — Menga ruxsatmi xo‘jayin?, - debdi.
— Ha ruxsat. Bo‘shsan, - debdi yigit.
Shunda haydovchi:
— Xo‘jayin mashinamizdan shovqin chiqyapti. Yuz ming bering, ustaga ko‘rsatib kelay!, - dermish.

O‘rmonda katta bayram bo‘layotgan ekan. Hamma hayvonlar xursand! Ayniqsa, ayiq hammadan ko‘proq quvonib yurganmush. Nima gapligini so‘rashsa:
— Masha turmushga chiqyapti, - dermish ayiqvoy.

Bitta abituriyent tayyorgarlik ko‘rmasdan imtihonga kiribdi. Umuman hech narsani bilmas ekan. Huddi test savollarini ishlayotgandek o‘tiraveribdi. Qarasa, yonida bir yigit o‘zini variantini ishlab bo‘lib, o‘tirgan ekan. Haligi abituriyent asta turtib, shivirlabdi:
— Iltimos, meni testimni ham ishlab ber! Qancha so‘rasang beraman!, - degan ekan, haligi yigit unga uchta barmog‘ini ko‘rsatibdi.
— Roziman!, - degan ekan, darrov uni masalalarini ham javoblarini topib tashlabdi.
Imtihondan chiqgach, — Qancha beray? - deb, hozir yoki uch yoki o‘ttiz million so‘rasa kerak deb ichida o‘ylanib tursa, boyagi yigit:
— Ertalab imtihonga kech qolmaslik uchun taksida kelgandim. Uyga ketishga pulim qolmadi, uch ming so‘m ber!, - dermish.

Bir kuni xotin eridan so‘rabdi:
— Azizim, menga xiyonat qilganmisiz?
— Yo‘q, - debdi eri.
Xotini:
— Men olamdan o‘tgach, qabrim ustiga boring. Agar bir martta xiyonat qilgan bo‘lsangiz, qabrim atrofida bir martta aylanib chiqing. Ikki martta xiyonat qilgan bo‘lsangiz, ikki martta aylanib chiqing, - debdi.
Shunda er xotiniga qarab:
— Unaqa dema xotin! Meni boshim aylanib ketadi, - dermish.

Bosqinchilar aroq va sharob ishlab chiqariladigan korxonani garovga olishibdi. Lekin, uch kun o‘tib ham o‘zlarining shartlarini ayta olishmasmush...

Bir o‘zbek xorijga mehmonga borsa, undan so‘rashibdi:
— Sizlarda ko‘proq nima iste’mol qilishadi?
— Somsa.
— Nima o‘zi u?
— Xamir ichida go‘sht solinadi.
— Yana nima yeyishadi?
— Chuchvara.
— U nima?
— Xamir ichiga go‘sht solinadi.
Xorijliklar hayratlanib:
— Bundan tashqari yana nima taomlar sevib iste’mol qilinadi?
— Manti, xonim, ...

Imtihon kuni domla bir talabani kuzatib o‘tirsa, talaba tanga tashlab, test javobini belgilab, chiqayotgan ekan. Hozir hammadan oldin javoblar varaqasini topshirib chiqib, ketadi bu humpar deb o‘ylabdi domla.
Hamma talabalar javoblarini topshirib chiqib ketishsa ham, u talaba haliyam o‘tirganmush.
Domla yoniga borib:
— Vaqt tugadi ukam! Topshiring javob varaqangizni, - desa,
Talaba
— Hozir domla, qayta tyekshirib chiqay, - deb, yana tanga tashlay boshlabdi.

Bemor vrachga kelib shikoyat qilibdi:
— Doktor bilasizmi, so‘nggi paytlarda ishxonamda fikrimni jamlab olishim qiyin bo‘lyapti.
— Kasbingiz nima?
— Duradgorman!
— Muammo nimada o‘zi?
— Qo‘limga boltani olishim bilan qo‘shnilarim yodimga tushadi...

Bir yigit do‘stiga debdi:
— Yuzingga nima qildi? Hamma yog‘ing tirnalgan!
— Qizlarni deb urushdim.
— Kim bilan?
— Kim bilan bo‘lardi, xotinim bilan-da!

— Azizim, meni sevasizmi?
— Sevaman!
— Gapingiz rost bo‘lsa, chekishni tashlang...
— Tashlayman!
— Ichishni ham tashlaysiz-a?
— Ha!
— Maoshingizni menga olib kelib berasizmi?
— Beraman maoshimni hammasini!
— Voy, meni deb joningizdan ham voz kechishga tayyormisiz?
— Tayyorman! Nima qilaman bunaqa hayotni?!

DAN xodimi avtomobilni to‘xtatib, haydovchiga:
— Yukxonani oching! Tekshirib qo‘yay, - debdi.
Haydovchi:
— Komandir, keling yukxonani ochmaylik. Yuz ming beraman, - desa, — Nimalar deyapsiz?! Oching tekshirishim kerak!, - debdi DAN xodimi.
Haydovchi yana ikki yuz ming berishini aytibdi.
— Maynavozchilik qilmay, oching!
— Uch yuz beraman!
— Yo‘q!
— Meni oxirgi gapim, bir million beraman!
— Meniyam oxirgi so‘zim, yukxonani ochasiz!
— Mana marhamat!
DAN xodimi qarasa, yukxona bo‘m-bo‘sh emish.
— Nimaga boshimni qotirib, shuncha pul taklif qildiz?, - desa,
— Siz bilan bir "Pole Chudes" o‘ynagim keldi-da, - dermish haydovchi.

Uchta ahmoq aeroportga borishibdi. Birinchisi dvigateli aylanib turgan samolyotni yoniga borib,
— Hozir shu dvigatelni to‘xtataman, - deb barmog‘ini tiqqan ekan, barmog‘i uzilib ketibdi. Og‘riqdan baqira boshlabdi.
Ikkinchisiyam:
— Men to‘xtataman, - deb boshini tiqqan ekan, uni boshi uzilib ketibdi.
Shunda uchinchi ahmoq barmog‘ini ushlab baqirayotganga qarab:
— Nega baqirasan? Barmoqqa shuncha vahimami? Qara, boshini tiqqan jim yotibdi-ku?!, - dermish.

Yarim tunda bir kishining telefoni jiringlab, go‘shakdan:
— Allo, bu hayvonlarni himoya kilish jamiyatimi?, - degan ovoz kelibdi.
Boyagi kishi g‘azabdan:
— Gapir eshak. Kim seni yarim kechasi xafa qildi?, - degan ekan.

Bir kuni o‘zbek, ingliz va xitoylik toqqa chiqishibdi.
— Kelinglar baqiramiz. Kimning aks-sadosi chiroyli chiqarkan, - deb baqira boshlashibdi.
O‘zbek:
— Men seni sevaman!
"Men seni sevaman" degan aks-sado qaytibdi.
Ingliz:
I love you!
Yana shunday aks-sado qaytibdi.
Xitoylik:
Xichuokia mutana jutakou dosouki
Aks sado:
— Nima deding? Qaytarvar...

— Apelsin qanaqa meva dada?
— O‘g‘lim, fantadagi meva - apelsin bo‘ladi!

Eh qanday zamonda yashayapmiz...
Ayollarni yuzida yarim kilo atir-upa bo‘lsa ham hech kim indamaydi. Lekin erkakning yuzida ozgina lab bo‘yog‘i ko‘rib qolishsa, ... qiyomat bo‘ladi-ya!

Er-xotin janjallashib qolishibdi.
Er:
— Seni nuqul pul havotirga soladi!
Xotin:
— Pul havotirga solmaydi, tinchlantiradi!

Bir kishi sotuvchidan so‘rabdi:
— Sizda boks qo‘lqopi bormi?
— Yo‘q.
— Basketbol koptogi-chi?
— Yo‘q unaqa narsa!
— Konkilar bormi?
— Bu spirtli ichimliklar do‘koni! Siz so‘ragan narsalarning birortasi bo‘lmaydi bu yerda!, - debdi asabiylashgan sotuvchi.
— Unda bir shisha aroq bering!, - debdi-yu, past ovozda pichirlab, — Xotinimni gapini yerda qoldirmadim. Nima qilay, sport bilan shug‘ullanishga hech narsa bo‘lmasa...?

<< < 66 67 68 69 70 71 72 > >>

Jami 2090 ta latifa mavjud

Tavsiya qilamiz

Bosh sahifa