Latifalar

Vikipediya: — Men hamma narsani bilaman!
Gugl:— Men istalgan narsani topa olaman!
Feysbuk:— Men hammani taniyman!
Internet: — Baribir mensiz hechkimsizlar!
Elektr: — Ovozlaringni o‘chirasanlarmi, yo‘qmi?!...

Vokzal oshxonasida ovqatlanayotgan bir xo‘randa:
— Ofitsiant, meni ovqatimni nega buncha kam suzdingiz?
Ofitsiant:
— Poyezdingizdan kechga qolmang dedik-da...

Ona bolasiga:
— Agar hoziroq bo‘tqangni yemasang, yalmog‘iz kampirni chaqiraman! – desa,
Bolasi:
— Ovora bo‘lmang oyijon, bu bo‘tqani yalmog‘iz kampir ham yemaydi!... – dermish.

Avtobusda ketayotgan bir yigit telefoniga qarab: – "Okey GUGL", men qayerdaman? – desa,
Bir qari kampir yigitga o‘girilib:
— Iloyo qurib ketsin shu giyohvandlik!!! Qayerda bo‘larding, avtobusdasan! Sho‘rlik Gulini esa bekatda qoldirgansan...! – dermish.

Ona qiziga:
— Qizalog‘im, paypog‘ingni kiyib ol. Axir, yo‘talyapsan.
Qizi:
— Paypoqda ham yo‘talaveraman-ku, oyijon...

Qo‘lga tushgan maktab qorovulini tergov qilishyapti:
— Ho‘sh, ayting-chi? Maktabdan nimalarni o‘g‘riladingiz? – so‘rabdi tergovchi.
Qorovul yuzini burishtirib:
— Xo‘jalik bo‘limi mudiridan biror arzgulik narsa qolmagan-ku o‘zi...?! – debdi.

Shokoladni taqsimlagan akasidan norozi bo‘lgan uka:
— Nuqul shunday qilasiz, o‘zingizga katta qismini olib, kichigini menga berasiz! – debdi.
Akasi esa:
— Ho‘sh, meni o‘rnimda bo‘lsang, sen nima qilgan bo‘larding? – deb, so‘rabdi.
Ukasi:
— Kichigini o‘zim olib, katta qismini sizga berar edim! – desa,
Akasi:
— Bo‘lmasa nega ming‘irlaysan...? — men ham shunday qildim-ku...! – dermish.

Ikkita hamkasb suhbatlashmoqda:
— Maoshimni deyarli hammasini sayyohatga sarflayapman.
— Yo‘l haqqi oshganidan xabarim bor...!

AQShda qora chiziq tugab, sariq chiziq boshlandi...
Huddi Beeline dek...!

Travmotologiya shifoxonasidan chiqgan er-xotin taksi to‘xtatishdi. Mashinaga o‘tirgach, haydovchiga qarab:
— Iltimos, faqat shoshilmasdan haydasangiz. Kecha bir "o‘pka" haydovchi urib yuborgan edi, - deyishibdi.
Haydovchi esa tirjayib:
— Men bo‘lsa sizlarni tanimabman...- dermish.

Qishloqdan shaharga kelgan sodda bir odam ovqatlanish uchun kafega kiribdi. Menyuni ko‘rib chiqgach, ofitsiantga bitta gril buyurtiribdi.
Besh daqiqadan keyin ofitsiant choy, non va bir piyola sous olib kelibdi. Birozdan so‘ng ofitsiant grilni olib kelsa, haligi odam non bilan sousni yeb bo‘lgan emish. Ofitsiantni qo‘lidagi grilni ko‘rgach:
— Tovuq borligini oldinroq aytsang bo‘lmasmidi?! Men grilga to‘yib olibman, – dermish.

Murabbiyidan jahon birinchiligida qatnashish xabarini olgan yosh gimnastikachi qiz vokzalga kelibdi. Poyezd kelgunicha hali 30 daqiqa vaqt borligidan unumli foydalanishga qaror qilgan qiz kutish maydonchasida mashqlarni takrorlay boshlabdi. Ko‘p o‘tmay, bir qari onaxon qizning oldiga asta kelib:
— Onang aylansin jon qizim, juda-yam qiynalib ketding. Yuraqol, xojatxona qayerdaligini ko‘rsataman..., – dermish.

Talabalar yotoqxonasi. Tong.
— Voy belim, yomon og‘riyapti!
— Kechasi bilan hurrak otganingdan keyin og‘riydi-da!
— Kechasi bilan yana meni tepib chiqding-mi...?

Uylanayotgan bir yigit ZAGSda imzo qo‘yayotsa, ruchkasining siyohi tugab qolibdi. Shunda yigit pichirlab:
— "Sadaqa balo qaytaradi" deyishgani rost ekan. Ertalab sadaqa qilganim yaxshi bo‘pti-da..., - dermish.

O‘lim to‘shagida yotgan boy ikki o‘g‘liga me’rosini taqsimlab
— Katta o‘g‘liga o‘zining mayxonasini, aroqxo‘r kichik o‘g‘liga esa qolgan hamma boyligini qoldirishga qaror qilibdi.
Boyni holidan xabar olgani kelgan do‘sti uning qaroridan xabar topgach, do‘stiga maslahat berib:
— Do‘stim, boyligingni kichik o‘g‘lingga qoldirmoqchimisan? Axir u aroqxo‘r bo‘lsa, bir umr yig‘gan davlatingni olti oyda ichib tugatadi-ku?! – desa,
boy:
— To‘g‘ri. Ammo shaharda bittagina mayxona bor, u ham bo‘lsa katta o‘g‘limga tegishli bo‘ladi! – degan ekan.

— Kecha kayfing oshib qoldi, o‘rtoq...
— Ha, nimalar deb baqirdim o‘zi? Eslay olmayapman!
— "Tashqariga chiqmoqchiman, menga eshikni olib keling!" deb ofitsiantga rossa o‘dag‘aylading...

— O‘g‘lim, bor, qo‘shnimizdan bolg‘asini so‘rab tur!
...— Berishmadi ada...
— Odamlar muncha ziqna bo‘lishmasa. Biror joyi kamayib qoladimi!? ...Kir, ichkaridan o‘zimizni bolg‘ani olib chiq!

Ertalabki tig‘iz payt. Toshkent avtobuslari yo‘lovchilar bilan to‘la!
— Akrom aka, to‘xtab turing! Odam kevatti! - baqiribdi avtobus chiptachisi haydovchiga, uzoqdan yugurib kelayotgan yo‘lovchini ko‘rib.
Bir-ikki soniya ham o‘tmay:
— Akrom aka, haydang, ketdik. Proyezdnoy ekan...!

O‘qituvchi o‘quvchisidan:
— Qani ayt-chi, quloqlar senga nima uchun kerak? – deb so‘rabdi.
O‘quvchi:
— Ko‘rish uchun, – debdi.
O‘qituvchi:
— Axir, ko‘rish uchun ko‘zlaring bor-ku? – desa,
o‘quvchi:
— Ha, lekin quloqlarim bo‘lmasa, qalpog‘im yuzimni berkitib qo‘yadi-da...- dermish.

"Biz yoshlarni oliftagarchiliklari orqasidan milliardlar ishlab olyapmiz!"
Apple va Samsung kompaniyalari.

<< < 82 83 84 85 86 87 88 > >>

Jami 2090 ta latifa mavjud

Tavsiya qilamiz

Bosh sahifa