Latifalar

O‘g‘li otasini ko‘kargan ko‘ziga qarab:
— Ada, ko‘zingizga nima bo‘ldi? - desa, otasi g‘azablanib:
— Agar meni mashinamda dugonalaringni lab bo‘yog‘i yana tushib qolgudek bo‘lsa, ikkinchi ko‘zim ham shu ahvolga tushadi!

Kuyovjo‘ra kuyovdan so‘rayapti:
— To‘ydan keyin labingga uchuq toshib ketibdimi? Nimadan bunchalik qo‘rqib ketding...?
— E-ey, to‘yxonada qaynonam uchta bo‘lib qolganini ko‘rdim.
— Ular qaynonangni opa-singillari edi-ku...

Militsiyaga bir erkak qo‘ng‘iroq qilyapti:
— Allo, militsiya, xotinim yo‘qolib qoldi!
— Tinchlaning, qayerga ketgan edi xotiningiz?
— Do‘konga deb chiqib ketgandi...
— Xotiningizni belgilari: Bo‘yi? Soch rangi?
— Bilmayman, bo‘yini o‘lchab ko‘rmagandim. Sochini rangini har hafta almashtirib turadi. Oxirgisi yodimda yo‘q!
— Ko‘zini rangi-chi?
— Hecham ahamiyat bermaganman.
— Qanday kiyimda edi?
— Bilmayman ...
— Mashinada ketganmidi?
— Ha, ha. Mashinada!!! Lasetti. Rangi oq, 2015 yil, avtomat korobka, o‘rindiqlar charmdan, galogen chiroqli, qishki shinalar o‘rnatilgan, salonga monitor ham o‘rnatib bergan edim, - deb yig‘lab yuboribdi.
— Havotir olmang, mashinangizni albatta topib beramiz!

Tadbirkorlikni boshlamoqchi bo‘lgan yigit suhbatdan o‘tmoqda.
Huquqshunos:
— Do‘stim, siz hamisha qonunlarga tayanib ish qilasizmi?
Yigit:
— Albatta! Masalan, men Ahmadboyga pul berganlar ro‘yxatida yo‘qman.

Sevgan qizim bilan Skaypda gaplashib o‘tiribman. U bir daqiqaga turib ketgandi, monitorda otasi ko‘rinib qoldi:
— Assalomu alaykum, - desam, adasi yon-atrofga qarab:
— Yo tavba, kim u??? - deydi...

Bir odam uyini balkoniga chiqib, shaharni tomosha qilib tursa, qafasdagi to‘tisi:
— Hoy anqov, tentak, - debdi.
Egasini kayfiyati tushib, ichkariga kirib ketibdi. Ertasiga yana shu ahvol ...
To‘tisini jazolamoqchi bo‘lib, qafasni ustini yopib qo‘yibdi.
Ikki kundan keyin ochib qarasa, to‘tisiga hech narsa qilmabdi. U yana egasiga qarab:
— Sani tentak desam, g‘irt maraz ekansan-ku, - dermish.

Erta tongda uyiga qaytgan eriga eshik ochgan xotini:
— Ha, nega keldingiz? - debdi.
Eri bo‘lsa o‘zini yo‘qotib:
— Nonushta qilgani..., - dermish.

Har kuni ertalab tig‘iz paytda Toshkent shahridagi barcha avtobuslardagi holat:
— Biroz suriling...
— Biroz ozing!

Oyog‘ida tura olmayotgan mast odam uyiga kelib, oshxonadagi muzlatkich eshigini ochibdi-da:
— Sebzorga! Nechi pul? Yo‘q deysanmi...? - debdi.
Keyin nima bo‘lgani esida yo‘q. Ertalab oshxonani bir burchagida uyg‘onib qarasa, muzlatkichni sindirib tashlagan ekan.
Xotini uyg‘onmasidan muzlatkichni olib, ustaxonaga yuguribdi.
Birozdan so‘ng xotini turib, oshxonaga chiqib qarasa, muzlatkich yo‘q emish. Shunda xotini:
— Oxiri ko‘ndiribdi-da Sebzorgacha..., - dermish.

Bir kuni Furqat degan yigit do‘sti Rahmatga debdi:
— Kel, koreyslarga o‘xshab ismimizni oxiriga "li" qo‘yib chaqiramiz.
Rahmat:
— Bo‘lmaydi...
— Nega?
— Men Rahmatli bo‘lib qolaman, - degan ekan.

Bir kuni podshoh xalqi qanday kun kechirayotganiga kiziqib, eski kiyimlarni kiyib olibdi-da, bozorga boribdi. Go‘sht rastasini oldiga borib:
— Bir kilo go‘sht necha pul?
— Besh tillo!
— Nega buncha qimmat?
— Chunki podshohimiz nodon!
Podshoh saroyga qaytibdi. Ertasiga bashang kiyinib, endi soqchilari bilan yana o‘sha go‘sht sotuvchisini oldiga boribdi:
— Assalomu alaykum, podshohim, - debdi sotuvchi.
— Go‘shtni qanchadan sotyapsan? - so‘rabdi podshoh
— Besh tillodan!
— Nega buncha qimmat?!
— Kecha siz nodonga aytdim-ku...

Yoqtirgan qizim yonimda, men mashina haydab ketayotsam, u menga mehrli boqib:
— Meni chin dildan sevarkansiz... Mana hozir ham, men tomonga tez-tez o‘girilib, har daqiqa mendan xabar olib turibsiz...
Men indamadim. "Yo‘llarda avtomobillar ko‘p, yon tomondagi oynalardan orqadagi mashinalarga qarab haydayapman" demayman-ku unga...!

Bir kuni o‘g‘ri qo‘shnisini tovug‘ini o‘g‘irlab, daryo bo‘yida so‘yib, patlarini tozalab o‘tirganakan, tovuqni egasi kelib qolibdi. O‘g‘ri tovuqni go‘shtini suvga tashlab, patlarini qo‘liga ushlab olibdi.
— Tovug‘im qani? Nima qilding? - deb baqira boshlabdi tovuqni egasi. O‘g‘ri bo‘lsa:
— Tovug‘ing cho‘milyapti, men uni kiyimlarini ushlab turibman, - dermish.

Qiz bolani birinchi uchrashuvdayoq hayron qoldirmoqchi bo‘lsangiz, uchrashuvga kelmang. Shunda u hayratda qoladi.

Salim maktabdan uyga kiyimlari yirtilgan, hamma yog‘i iflos ahvolda kirib kelibdi. Uni ko‘rgan otasi so‘radi:
— Senga nima bo‘ldi?
— Azim bilan urishdim.
— Bundan chiqdi, endi senga yangi kiyim sotib olish kerak ekan-da?
— Bu qiyin emas, dada. Ammo Azimning dadasi yangi bola sotib olishiga to‘g‘ri keladi...

Er-xotin janjallashayotib er:
— Aybimni tan olaman. Bo‘ldi, men eshshakman! Yana nima istaysan...?
Xotin:
— "Ia" deb baqiring!

Avtobus bekatda to‘xtab yana yo‘lida davom etayotsa, bir erkak jon holatda avtobusni orqasidan yugurib kelayotganmish. Qoqilib, yiqilib, yana turib yugurarmish.
Shu payt bir yigit avtobus oynasidan boshini chiqarib:
— Aka avtobusni orqasidan yuguravermang. Hamma kulaverib, ichagi uzilay deyapti, - desa, chopib kelayotgan kishi:
— Agar hozir birortangiz avtobusni to‘xtatmasangiz, boshingiz uziladi... Chunki men shu avtobusni haydovchisiman, - dermish.

Kollej o‘quvchisining dars vaqtida hayol surib o‘tirganini ko‘rgan ustozi:
— Hoy, Eshmat! Darsga quloq solmay, nimalarni o‘ylab o‘tiribsan?!
Eshmat:
— Stipendiyamni hisoblayabman.
Ustoz:
— Kollejda stipendiya olmaysan-ku?!
Eshmat:
— Dastingizdan orzu ham qilib bo‘lmaydi-ya...

— Yoshim 14 da, yigitim esa yaqinda 21 ga to‘ladi. Nima sovg‘a qilsam ekan?...
— Jinoyat kodeksini!

Tongga yaqin uyiga qaytgan erini hamma yog‘ida lab bo‘yog‘i va sariq soch ko‘rgan xotin janjal qilib:
— Bu nima ahvol? - deb baqirsa, eri:
— Aytsam ishonmaysan, masharaboz bilan rossa urushdim, - dermish.

<< < 80 81 82 83 84 85 86 > >>

Jami 2090 ta latifa mavjud

Tavsiya qilamiz

Bosh sahifa