Latifalar

Hamma er-xotinlar urushib qolishsa ham, kun bo‘yi bir-biri haqida o‘ylab yuraverishadi:
— Erim ablah,...!
— Xotinim zahar...!

DAN xodimi avtomobilni to‘xtatsa, haydovchi kamarni taqmagan ekan.
— Nega kamarni taqmadingiz? - desa, haydovchi tirjayib:
— Siz xursand bo‘ling dedim-da, - debdi.

Rossiyalik olimlar Sibirdagi chanalarga itlarni bog‘lab harakatlanuvchi odamlarni sinab ko‘rish maqsadida, ularga Kamaz berishibdi.
Oradan bir yil o‘tgach, olimlar natijani bilish uchun Sibirga qaytishibdi. Olimlar:
— Ho‘sh, sizlarga bergan mashinamiz yoqdimi? – deb so‘rashsa,
haligi odamlar:
— Ha. Faqat itlarimiz tortishga qiynalishyapti-da... – deyishibdi.

Sinfdoshlari bilan uchrashuvdan qaytgan eridan xotini so‘ray boshlabdi:
— Azamatni ko‘rdingizmi?
— Ha, u ahmoq katta yurist bo‘lib ishlayotgan ekan.
— Botir-chi? U qalay?
— U tentak bosh vrach lavozimiga ko‘tarilibdi.
— Sardor qanday ekan?
— Eh, u befahm tadbirkorlikni boshlabdi!
Xotin:
— Qachon siz ham ahmoq, tentak, befahm bo‘larkinsiz-a...?

— Allo, o‘rtoq men uylanyapman!
— Kimga?
— Shuncha yildan beri kimni tanisam, o‘shanga-da...
— Tentak. Menga uylana olmaysan-ku axir!

Er-xotin urishib qolibdi. Ikkalasi ham hecham gaplashmas ekan. Bir kuni eri vaqtliroq ishga ketishi kerak ekan, yotishdan oldin, qog‘ozga "Ertalab soat 7:00 da uyg‘ot!", deb yozib xotinining yostig‘i tagiga qo‘yibdi. Er ertalab uyg‘onsa soat 9:00 bo‘lganmish. Jahli chiqqan er darg‘azab bo‘lib, o‘zini yostig‘ini ko‘tarsa, bir parcha qog‘oz, qog‘ozda esa "Turing, soat 7:00 bo‘ldi!", deb yozilgan ekan.

Bir odam doktorga borsa,
— Kasalingizni da’vosi turp. Ko‘proq turp yeng!, - debdi.
Haligi odam ko‘chaga chiqib turp sotib o‘tirgan odamni hamma turpini sotib olibdi-da, sal nariroqqa borib tursa, turppurush telefonni olib:
— Allo, turp tugadi. Hozir bir qop sholg‘om keladi, - dermish.

— Meni eng yaqin do‘stimni nega sharmanda qilding? Seni sinf rahbaring bilan hiyobonda qo‘l ushlashib o‘tirganini hammaga gapirib berish shartmidi, o‘g‘lim?
— Sinf rahbarimni o‘zlari iltimos qildilar-da!
— Qanaqasiga axir?
— Ahmedov, nega orqa partada xingillab o‘tiribsan. Doskaga chiqib sababini ayt! Bizlar ham kulaylik, - dedilar o‘qituvchim. Keyin men gapirib berdim...

Yosh qiz otasiga:
— Adajon, menga planshet olib bering? – debdi.
Otasi:
— Sehrli so‘zni unutdingmi qizim...? – degan ekan,
Qizi:
— Jamila, – debdi.
Otasi hayron bo‘lib:
— Jamila? Bu nima deganing? - desa,
Qizi:
— Bu jazmaningizni ismi... - debdi.
Otasi o‘zini yo‘qotib:
— Planshetni qanaqa rangidan olib beray, ustiga g‘ilof ham kerakmi...? - dermish.

Ko‘chada ketayotgan yengiltak ayol bir erkakka qarab:
— Siz meni beshinchi erimga juda-yam o‘xshar ekansiz...!? - debdi
Erkak hayron bo‘lib:
— O‘zi erlaringiz nechta bo‘lgan? - deb so‘rasa, ayol:
— To‘rtta, - dermish.

O‘qituvchi o‘quvchilarga:
— Kim 2 yoki 3 baho olsa, to‘g‘ri do‘zaxga tushadi. Kim 4 yoki 5 baho olsa, jannatga...
— Vali o‘rnidan turib:
— Ustoz maktabni tirik tugatishga umid bormi?

Bugungi kunda turli ko‘rinishdagi tortlarga buyurtma berish urf bo‘lmoqda. Qandolatchilarni fikricha, ko‘pchilik erkaklar xotinining tug‘ilgan kuniga bosh miyasi shaklidagi tortlarni buyurtma qilishmoqda. Tort ustiga esa, "Meni miyamni yeb tugatmasdan, shuni yeb tur!" degan yozuv yozdirishmoqda.

Stomatolog qabulxonasi. Ichkaridan baqirgan, "dod-voy" ovozlari eshitilib, xonadan bir odam chiqib kelibdi.
Boshqa bemorlar:
— Qattiq og‘ritarkanmi?, - deb so‘rashsa,
Haligi odam og‘zidan ikkita uzilgan barmoqni olib tashlab:
— Bilmiman, men baqirmadim, - dermish.

Sud zalida er-xotin ajrashishmoqda.
Xotin:
— U bilan boshqa yashay olmayman! Erim uyda qo‘y boqyapti. Nafas olib bo‘lmaydi...
Sudya:
— Derazalarni ochib shamollatib tursa bo‘ladi-ku...?! Shunga ajrashish shartmi?
Xotin:
— Nimalar deyapsiz janob sudya!? Axir meni ilonlarim o‘rmalab tashqariga chiqib ketishadi-ku...

— Yaxshi qiz, men sizni qanday topib olsam bo‘ladi?
— Juda oson! Bo‘yim 167 sm, vaznim 54 kg.
— Bo‘ldi. O‘zim bilan tarozi va metr olib yuraman.

Hozirgi kunda barcha xonadonlarda ertalabki nonushtani faqat telefon va noutbuklar yeyishadi. Faqat ular dasturxon atrofida emas, elektr toki atrofida qornilarini to‘ydirib olishadi.

Er xotiniga qo‘ng‘iroq qilib:
— Xotin, qayerlarda bo‘lishni orzu qilar eding? Dengiz bo‘yidami yoki bahavo o‘rmonzorlardami? – deb so‘rabdi.
Quvonchi ichiga sig‘magan xotini:
— Albatta dengiz bo‘yida, dadasi! Sayohatga yo‘llanma olyapsizmi? – desa,
— Yo‘g‘-e, xojatxona uchun osvejitel tanlayapman, – dermish.

Zamonaviy oliftagarchilik bu:
Qo‘lida ayfon telefon, lekin hisobida pul yo‘q!
Kaptiva avtomobili bor, lekin benzinga pul yo‘q!

— O‘g‘lim, senga sovg‘a qilgan ov miltig‘i qani?
— Sotib yubordim. Puliga esa qo‘limga soat oldim.
— Ahmoqmisan?! Endi quyon oviga borsang, soat nechida oldingdan quyon yugurib o‘tganiga qarab yurasanmi?!

— Adasi, hanuzgacha menga biror martta gul sotib olmagansiz...!
— Hali tiriksan-ku, xotin...!

<< < 83 84 85 86 87 88 89 > >>

Jami 2090 ta latifa mavjud

Tavsiya qilamiz

Bosh sahifa