Latifalar

Ikki og‘a-ini suhbatlashmoqda:
— Eshitishim-cha xotining mashinasini urib olganmish...?!
— Ha.
— O‘zi-chi, tirikmi ishqilib?
— Hozircha tirik..., Hammomda, berkinib o‘tiribdi...

Bir bemor dorixonaga kirib:
— Iltimos, yo‘talga qarshi samarali dori bersangiz?
Sotuvchi bemorga ichni suruvchi dori beribdi.
Bemor:
— Men yo‘talyapman, qabziyat bo‘lganim yo‘q!
Dorixonachi:
Shu doridan ichib yursangiz, yo‘talishga ham qo‘rqib qolasiz...!

Cho‘lda suvsizlikdan tashna bo‘lib ketayotgan odamning
yo‘lidan quduq chiqib qolibdi.
Quduqni ko‘rgan haligi odam quvonganidan, — Suv, suv, - deb baqirgancha quduq tomon yuguribdi. Shu payt quduq ichidan bir odam otilib chiqib:
— Qani suv? Qani?! - debdi.

Qora tanli bilan oq tanli suhbatlashmoqda. Qora tanli gap boshlabdi:
— Men bir narsani hecham tushunmayman. Tug‘ilganimda tanam qora edi. Qora bo‘lib voyaga yetdim. Oftobda toblansam ham rangim o‘zgarmaydi, isib ketsam ham, sovuqotsam ham qoraman. Betob bo‘lganimda ham o‘sha-o‘sha... bo‘laman.
Siz oq tanlilar tug‘ilganingizda rangingiz pushti edi, oftobda toblansangiz jigarrang, isib ketsangiz qizarib, sovuqotsangiz ko‘kimtir tusga kirasizlar. Mazangiz qochsa, tanangiz yashil bo‘ladi, o‘lganingizdan keyin kulrang bo‘lib qolasizlar...
Shunga qaramay, sizlar bezrayib bizni "rang-barang" deysizlar-a???

Er-xotin janjallashib qolishibdi.
Xotin:
— Ming la’nat sizga! G‘irt ahmok ekansiz!
Er:
— Ha, bo‘lmasa senga uylanarmidim...?!

Biri soat o‘g‘irlab, ikkinchisi esa sigir o‘g‘irlab qamalgan ikki mahbus qamoqxonada uchrashib qolishibdi. Sigir o‘g‘risi kinoyali ohangda:
— Xo‘sh, yangi soatimiz necha bo‘ldi? – deb so‘rasa,
Soat o‘g‘risi:
— Sigir sog‘adigan payt bo‘ldi...! – degan ekan.

Bir qo‘li yo‘q nogiron tushkunlikdan yig‘lab o‘tirgan ekan, narirokda ikkala qo‘lidan ham mahrum bo‘lgan bir odam tinmay raqsga tushayotgan emish. Bir qo‘llik nogiron yaqinroq kelib, so‘rabdi:
— Mening bir qo‘lim yo‘qligidan xudoga nolib o‘tirsam-u, sen ikkala qo‘ling bo‘lmasa ham hadeb raqsga tushasan?
Ikki qo‘li yo‘q debdi:
— Ko‘p gapirmasdan yelkamni qashib qo‘ysang-chi...?! Boyadan beri qiynalib ketdim...

Bir ayolning telefoni jiringlab qolibdi.
Ayol go‘shakni ko‘tarib:
— Allo! – debdi.
Bir odam:
— Farzandlaringiz bizni qo‘limizda! - desa,
Ayol qo‘rqib ketib, yalina boshlabdi:
— Barcha shartlaringizga roziman! Iltimos, faqat bolalarimni qaytaring???
Shunda haligi odam:
— Esingizni yeganmisiz...?! Tezroq keling, hademay bog‘cha yopiladi, – dermish.

Toshkent havo judayam sovuq. Ikki erkak turgan ekan, biri juda bahaybat it bilan, ikkinchisidan so‘rabdi:
— Isinib olishni xohlaysanmi?
— Xohlayman
— Fas!!

Bir kuni uchta fil mashinada ketayotishsa, bitta chumoli to‘xtatib:
— Meni-yam olib ketinglar, - desa, fillar:
— Joy yo‘q, - dermish.

Ikki og‘ayni tikoda bir do‘kon yoniga kelib to‘xtashibdi. Mashinani egasi tikoni eshigini qulflayotsa, o‘rtog‘i unga qarab:
— Bu eski aravang kimga-yam kerak?! - desa, do‘sti:
— O‘tgan safar mashinamni ichiga axlat tashlab ketishibdi. Shunga qulflab qo‘ymoqchiman-da..., - dermish.

Ikkita gadoy kechada o‘tgan-ketganlardan sadaqa so‘rab o‘tirishgan ekan, bir yigit yonlaridan ularga salom berib o‘tibdi. Shunda gadoylardan biri ikkinchisiga:
— Yaxshi bola ekan, nega pul so‘ramading?
Ikkinchi gadoy esa:
— Ey, kaltafahm, agar puli bo‘lsa salom berarmidi...?!

Bir akaxon qizil mersedesni minib olib, katta ko‘chaning o‘rtasida, 150-170 tezlikda ketayotsa, yonidan bir jism yashin tezligida o‘tib ketibdi.
Hech narsaga tushunmagan akaxon, gazni oxirigacha bosib, uni quvib yetibdi. Qarasa, rangi oqarib ketgan bir odam o‘tirgan emish.
— Menga qarang, nima balo, motoringiz samolyotnikimi?, – co‘rabdi akaxon.
Boyagi odam bo‘lsa:
— Qayoqdan bilay...?! Shunchaki, ’’amerikanskiy gorka”da uchib ko‘rmoqchi edim...! – dermish.

Bir hayolparast yerga qarab, hayol surib ketayotsa, boshi qars etib simyog‘ochga urilibdi. Qarasa, simyog‘ochga shunday deb yozib qo‘yilgan ekan:
"Simyog‘och tepasidagi tugunda bir million pul bor. Olsang, seniki! Agar ololmay, yiqilib tushsang, ovozing ayol kishini ovoziga aylanib qoladi.
Hayolparast kishi ololmay yiqilib tushibdi-yu, rostdan ham ovozi ayol kishinikiga o‘xshab qolibdi.
Hafa bo‘lib tursa, nariroqda bir erkak kelib qiz bolani tovushida:
— Ololmasangiz, nima qilardingiz chiqib? - dermish.

Ikki dugona kinoga ketishayotganda, yo‘llaridan bir erkak chiqibdi. Dugonalardan biri haligi erkak bilan juda iliq so‘rashibdi.
Shunda ikkinchisi:
— Buncha uzoq salomlashmasang, kim bu o‘zi? – deb so‘rasa,
Dugonasi:
— Shunchaki, ikkinchi erimning, birinchi xotinini, uchinchi eri bo‘ladi! – degan ekan.

Rahbariyat oylik ish haqqini kamaytirmaydi. Haqiqiy baxt pulda emasligini bot-bot ta’kidlab turadi.

Yomg‘irli kunlarning birida, bir ayol do‘kondan uyiga qaytayotgan ekan. Ortidan bir erkak izma-iz kela boshlabdi. Juda-yam yaqin kela boshlaganini ko‘rgan ayolning o‘takasi yorilay debdi.
Qo‘rquvdan qaltirashga tushgan ayol boyagi erkakka o‘girilib qarasa, erkak:
— Qo‘rqmang! Men shunchaki, yangi etigim loy bo‘lmasin deb, izingizni bosib kelyapman xolos...! – debdi.

Yangi oila qurgan yosh er-xotin farzand ko‘ravermagach, keksa bir donishmandning yoniga borishibdi. Donishmand ularga baland tepalikdagi niyat daraxt uchiga, bir parcha latta bog‘lab qo‘yishni uqtiribdi.
Bir necha yildan so‘ng, boyagi donishmand er-xotindan xabar olgani kelsa, eshikni bir gala bolakaylar ochishibdi.
— Onangiz qayerda? – so‘rabdi donishmand.
— Tug‘ruqxonada, – javob berishibdi bolalar.
— Otangiz-chi?
— Tepalikdagi daraxtdan lattani yechgani ketgandilar...! – dermish.

Bir qiz dugonasiga:
— O‘zingga yigit topishing uchun ko‘chaga yasangan va xushchaqchaq holda chiq! Chunki ko‘chada o‘ziga qaramagan va g‘amgin ayollarning barchasi turmushga chiqganlar bo‘ladi!

40 dan 80 gacha bo‘lgan istalgan juft sonni tanlang. Uni 3 ga ko‘paytiring. Keyin undan 11 sonini ayiring, so‘ng 17 ni qo‘shing va 2 ga bo‘ling. Endi ko‘zlaringizni yuming. Qop-qorong‘u, shunday emasmi?

<< < 81 82 83 84 85 86 87 > >>

Jami 2090 ta latifa mavjud

Tavsiya qilamiz

Bosh sahifa