Latifalar

Kechasi uyga kirib kelgan er nimadan janjal chiqarishni bilmasdan, xotiniga:
— Chiroqni yoq! Endi o‘chir, yoq, o‘chir, ...- deyaveribdi.
Birozdan keyin xotinini bir urib:
— Kechasi xushtoringga signal beryapsanmi? - dermish.

Qahvaxonalardan biriga olapar mushuk kirib, ofitsiantga buyurtma beribdi.
Mushukni gapirayotganini ko‘rib, aqldan ozay degan ofitsiant mushukka qarab:
— Ko‘chada nima ish bilan yuribsiz, - debdi.
Mushuk:
— Ish qidirib yuribman. Hozir suhbatdan kelyapman, - debdi.
Ofitsiant ko‘p o‘ylamay:
— Meni sirkda tanishlarim bor? Xohlasangiz, gaplashib beraman, - desa, mushuk:
— Sirkda kompyuter dasturchisiga ish bormikin? - dermish.

Institut va universitetlarda kontrakt asosida o‘qiydigan, lekin darslarga qatnashmaydigan talabalarda ajoyib imkoniyat bor.
Ular bir necha million so‘mga to‘rt yil ichida savodsizlikni sotib olishlari mumkin. Kamlik qilsa, yana ikki yil bor...!

Rus, yapon va o‘zbek ayollari suhbatlashib qolishibdi.
Rus:
— Men to‘ydan keyin erimga uy ishlarini qilmasligimni aytdim. U ko‘chaga chiqib ketdi, kechgacha uni ko‘rmadim. Kechqurun uyimizga bir xizmatkor olib keldi.
Yapon:
— Men esa to‘ydan keyin umuman uy yumushlarini bajarmasligimni aytsam, erimni bir hafta ko‘rmadim. Bir haftadan keyin u robot olib keldi. Hozir hamma ishlarni robot qiladi.
O‘zbek:
— Men ham to‘ydan keyin erimga uy ishlarini qila olmasligimni aytgandim, erimni uch-to‘rt kun umuman ko‘ra olmadim. Keyin sekin-sekin bir ko‘zim ochildi. Keyin ikkinchi ko‘zimni ko‘kargani ketib, unisi-yam ko‘ra boshladi.

Bir odam Rossiyaga boribdi. Qarasa bolakaylar ruscha gaplashib, o‘ynab yurishgan ekan. Boyagi odam qarab turib:
— Kichkina bo‘lsa-yam, rus tilini bilishadi-ya, - dermish.

Yo‘l patrul xizmati mashinasi restoran yonida navbatchilik qilmoqda. Restorandan uchta kishi mast holatda chiqib kelib, har biri o‘zlarini mashinasi o‘tirishadi. Bir payt qarasa, orasida bitta mast erkak umuman oyoqda tura olmaydigan ahvolda rulga o‘tirib, haydab ketibdi.
DAN xodimi o‘sha mashina orqasidan quvlab ketadi. "Darhol avtomobilni to‘xtating", deb to‘xtib qarasa, mashinadan umuman ichmagan, hushyor holatda haydovchi tushib kelibdi. Buni ko‘rgan inspektor hayron bo‘lib:
— Axir qanaqasiga? Siz g‘irt mast edingiz-ku?! - desa, haydovchi kulib:
— Bugun GAIni chalg‘itish navbati menga kelgandi-da, - dermish.

— Odnoklassnikiga kirib, o‘zimga yangi sahifa ochdim. Chiroyli bir qizni rasmini joylashtirdim.
Erim bilan tanishib oldim. U mehmonxonada, men esa oshxonada o‘tirib, odnoklassnikida gaplashyapmiz.
Erim meni uchrashuvga taklif qilyapti. O‘zim mehmonxonaga chiqsammikin yoki uni oshxonaga chaqirsammikin...?

— Yaxshi qiz, meni qayerga sudrab ketyapsiz?
— Nikoh o‘qitishga!
— Lekin hali yaxshiroq tanishmadik-ku...?
— Nikoh o‘qitib olaylik. Onam shunaqa deb tayinlagandilar!

Bir qiz dugonasiga debdi:
— Kelishgan, badavlat va ahmoq yigitga turmushga chiqishingni xudodan so‘rayman.
— Nega ahmoq?
— Senga uylanadigan yigit ahmoq bo‘ladi-da!

Bir kuni afandini o‘g‘li futbol o‘ynab qaytibdi. Afandi:
— Xo‘sh, nechta gol urding o‘g‘lim?
O‘g‘li:
— Ikkita.
Afandi:
— Hisob nechi bo‘ldi o‘zi?
O‘g‘li:
— 1:1 bo‘ldi ada!!!

Bitta fil velosiped haydab ketayotsa, yo‘ldan chumoli chiqib:
— Menam haydab ko‘ray, - desa, fil:
— Yo‘q, o‘zi balonlari bo‘shab qolgan, - degan ekan.

Bir odam tishini oldirib kelibdi. Sherigi:
— Tishing haliyam og‘riyaptimi?, - desa,
— Bilmadim, o‘sha yerda qoldi, - debdi.

Talabalar qattiqqo‘l o‘qituvchisiga yangi yilga sovg‘a berishmoqchi:
— Domlajon, sizga nima sovg‘a qilsak bo‘ladi?
— Menga hech narsa kerakmas!
— Aytaqoling, biror orzuingiz bordir axir...
— Yagona orzuim, sizlar meni talabam bo‘lganingizni hech kim bilmasin!

Shogird ustozidan so‘rabdi:
— Ustoz men bir qizni sevaman. U qiz meni sevadimi-yo‘qmi, buni bilmayman, - debdi.
Ustoz javob beribdi:
— Sen unga bir latifa ayt! Kulsa, u seni sevadi. Kulmasa sevmaydi, - debdi.
Qizga latifani aytib bersa, kulmabdi. Lekin yig‘lab yuboribdi...

Tishni yaxshi saqlash uchun ayollarga bepul maslahat:
1. Kuniga 2 marta tozalash!
2. Yilda 2 marta stomatologga borish!
3. Erga aslo gap qaytarmaslik!

Ikkita cheksiz narsa bor: Biri fazo, ikkinchisi ahmoqlik. Shunday bo‘lsa ham fazoga shubham bor!

Demak, bunday! Yangi 2017 yilda:
Dehqonlarga - yer maydonlari,
Xizmatchilarga - fabrika, zavodlar,
Turmushga chiqmaganlarga - sovchilar,
Ishsizlarga - kira uchun Matiz,
Norozilarga - bir shapaloqdan!!! Bor sovg‘am shu...

Bir kuni o‘rmonda sherni tug‘ilgan kuni bo‘libdi. Sher:
— Kim aroqqa borib keladi? - desa, hech kimdan sado chiqmabdi.
Shunda qirq oyoq:
— Men borib kelaqolay, - deb chiqib ketibdi.
Bir soat o‘tsa ham, qirq oyoqdan darak yo‘q emish. Hayvonlar endi g‘iybat qilib turishsa, eshikni qirq oyoq sekin ochib:
— Hammasini eshitib turibman. Endi o‘ttiz to‘qqizinchi oyog‘imga krasovkamni kiyib bo‘ldim, - dermish.

— Mana do‘stim, 2016 yil ham tugab boryapti. Bu yil nimalarga erishding?
— Men tirik qoldim...

— Internetga kirib "Chiroyli, aqilli, qaddi-qomati kelishgan, mehribon qiz bilan tanishmoqchiman" deb yozib o‘tirsam, bir zumda orzuimdagi go‘zal orqamga kelib qolibdi. Faqat qo‘lida o‘qlov bilan kompyuterimga qarab turgan ekan...

<< < 86 87 88 89 90 91 92 > >>

Jami 2090 ta latifa mavjud

Tavsiya qilamiz

Bosh sahifa