Latifalar

General bir guruh praporshikning zehnini sinovdan o‘tkazmoqda:
— Ostonada bir juft qop-qora, yaltiroq buyum yotibdi. Nima u?
Sukunat.
— Eh galvarslar! Bir juft botinka! Endi qiyinroq savol byeraman: eshik yaqinida to‘rtta qop-qora, yaltiroq buyum yotibdi. Nima u?
Yana sukunat.
— Eh sen, kallavaramlar! Axir bu ikki juft botinka-ku. Xo‘p, mayli, yanada qiyinroq savol beraman: botqoqda yashaydi, rangi yashil, vaqirlagani-vaqirlagan.
Nihoyat praporshiklardan biri qo‘l ko‘tarib:
— Uch juft botinka, o‘rtoq general, - dermish.

Kema cho‘kib, faqat uch kishi omon qolishibdi.
Negr, yapon va rus. Uchchalasi suzib, bir orolga borishibdi. Qarashsa, orolda bir yashik aroq turganmish. Uni ustiga esa "Tilak aytib ichsangiz, albatta bajo keltiriladi" deb yozilgan ekan.
Negr:
— Sog‘-omon uyga qaytishni istayman, - debdi-yu, ichib oroldan yo‘q bo‘lib qolibdi.
Yapon:
— Meni ham uyga qaytar, - deb ketibdi.
Rus esa aroqni olib:
— Bir yashik aroqni kim ichadi? Yapon va negrni qaytar, - deb ichib yuboribdi.

Institutda oxirgi dars. Talabalar charchab, o‘qituvchidan iltimos qilishmoqda:
— Javob bera qoling, juda-yam charchadik...
O‘qituvchi:
— Yaxshi. Mana shu qo‘limdagi ruchkaning siyohi tugasa, uyga ketasizlar.
Talabalardan biri:
— Ruchkangizni bering. Men siyohini ichib yuboraqolay!

Oq va qora tanli amerikaliklar Rossiyaga kelib qurilishda ishlar ekan.
Bir kuni ikkalasi ish joyida "ruschasiga" aroqni rossa ichib, qora tanlisi oyoqda turolmay qolibdi.
Oq tanli amerikalik sherigini orqasiga ko‘tarib olib ketayotsa, birdaniga qurilish qorovuli baqirib qolibdi:
— Hoy, to‘xta! Saqichni tashla joyiga!!!

— O‘rtoq komandir, televizor ko‘rsak bo‘ladimi?
— Ko‘ringlar. Faqat yoqmanglar.

Ikkita bojxonachi hamkasbini tug‘ilgan kuniga nima sovg‘a olishni maslahatlashmoqda:
— Balki unga mashina sovg‘a qilarmiz?!
— O‘tgan yili sovg‘a qildik-ku...
— Balki yaxta sovg‘a qilarmiz?!
— Ikkita yaxtasi bor-ku, nima qiladi uchinchisini...!
— Balki bir kunga navbatchilikda bir o‘zini qoldirarmiz?
— Ha yo‘q...! Bu juda katta sovg‘a bo‘ladi!!!

Bir kuni jinnixona boshlig‘i jinnilarni sinash uchun hammasiga bo‘sh likopcha berib:
— Ovqatinglarni yeb olinglar, - debdi.
Hamma jinnilar lipopchani taqillatib ovqatlanayotgan harakat qilaverishibdi.
Faqat bittasi yemasdan o‘tirsa, boshlig‘i:
— Nega ovqatingni yemading? - desa, jinni:
— Bular jinni-da, issiq ovqatni yeyishyapti. Men sovisa yeyman, - dermish.

Yaqindagina vrachlik diplomini olgan yosh olim adasini yoniga xursand kelib:
— Ada, siz necha yildan beri da’vo topa olmagan kasallikka da’vo topdim. Bemorlarni da’voladim, - desa, otasi ensasi qotib:
— Tentak, shu kasallik ortidan necha yildan beri sizlarni boqib kelayotgandim-ku...! - dermish.

— Meni qo‘l telefonim uy telefoniga aylanib qoldi.
— Nega?
— Nuqul elektr quvvatlagichda turadi...!

Seni orqangdan kulishsa, xafa bo‘lma. Yig‘lashlaridan qo‘rqgin!!!

Bir kuni chumoli o‘rmondan o‘tib ketayotsa, sher filni do‘pposlayotgan ekan. Chumoli ham bir-ikki martta tepib, o‘tib ketibdi.
Ertasiga chumolini kayfiyati yo‘q yurgan ekan, hayvonlar:
— Nima bo‘ldi? - deyishsa, chumoli:
— Filni o‘limida meni ayblashyapti, - dermish.

— O‘rtoq mayor, botinkangizni rangi har xil ekan. Qarang, biri qora, biri qo‘ng‘ir. Uyga qaytib, almashtirib kelganingiz ma’qul.
— Bordim. Uydagi botinkalarimning ham rangi shunaqa, har xil ekan.

Institutda imtihon ketmoqda. Hamma talabalar test variantlarini ishlab o‘tirishibdi. Faqat bir talaba tanga tashlab, variantlarni belgilayotgan ekan. Domla uni kuzatib turib, hammadan oldin tamomlasa kerak, deb o‘ylab qo‘yibdi.
Barcha talabalar imtihon javoblarini topshirib ketishibdi. Haligi talaba hali ham tanga tashlab o‘tirganmish. Domlani sabri chidamay, talabani yoniga borib:
— Imtihon vaqti tugadi. Javoblarni belgilashga ulgurdingizmi, - desa, talaba:
— Ha ulgurdim, - debdi, - qayta tekshirib chiqyapman, - dermish.

Bir kampir nikoh to‘ylarda nuqul bo‘ydoq yigitlarni yoniga kelib:
— Keyingisi seni navbating! - deb yurarkan.
Uni nabirasi ham buvisini odatini o‘rganib olib:
— Siz keyingisi, endi navbat sizga! - deb yuradigan bo‘lib qolibdi. Faqat bu gapini janozalarda aytar ekan...

Ko‘chada qizaloq yig‘lab tursa, yoniga bir odam kelib:
— Kap-katta qiz ekansan. Nega yig‘layapsan?
Qizaloq:
— Nima ishingiz bor. Yo‘qoling bu yerdan! - debdi.
Haligi odam yana:
— Kichkina bo‘la turib, bunaqa yomon so‘zlarni qayerdan bilasan?
Qizaloq:
— Tushunmadim. Bir kap-katta deysiz, bir kichkina deysiz...?!

Folbinga qo‘ng‘iroq bo‘libdi:
— Allo, bu folbinmi? Chorshanba kuniga yozib qo‘ya olasizmi? Qabulingizga bormoqchi edim.
— Buni iloji yo‘q, - debdi folbin.
— Nima uchun?
— Chunki siz seshanba kuni oyog‘ingizni sindirib olasiz!

— Hurmatli futbol ishqibozlari, bugungi o‘yin futbolchilarimiz uchun juda muhim. Birgina "Gol" va bizning terma jamoamiz chempionatga yo‘l oladi. Qani yigitlar olg‘a!
Mana hujumchilarimiz raqib jamoasi darvozasini mo‘ljalga olishmoqda va zarbaaaaaa! Gooooooooooooooool urolmadi!

Oldinlari qizlar meni orqamdan rosa yugurishardi. Hatto ba’zilari uyimgacha quvlab kelardi. Hozir bo‘lsa yugurishmay qo‘yishdi. Chunki qizlarni sumkasini o‘g‘irlamay qo‘ydimda.

Ruhshunos ko‘rigiga kelgan bolakayga vrach savol beryapti:
— Mushukchani quloqlari nechta bo‘ladi?
— Ikkita.
— Oyoqlari-chi?
— To‘rtta.
— Dumi nechta bo‘lishini ayta olasan-mi?
— Oyi, bu tentak amaki umrida mushuk ko‘rmaganmi...?!

Qiz sevgan yigitiga:
— Jon, znayesh? Dunyoda takiye veщi bor, luchshe ularni bilmagan yaxshi, - debdi.
Yigit:
— Bunga o‘zbek tili grammatikasi ham kirsa kerak?! - dermish.

<< < 89 90 91 92 93 94 95 > >>

Jami 2090 ta latifa mavjud

Tavsiya qilamiz

Bosh sahifa